Oyinyima 26:12 - IWE ỌNỊNỊ

¹² Ịnị ịrayị ọnọọ, Ayiziiki ô chire ịsa tụ́ ịnị ẹtẹ ọnọọ, dị ọ mẹ ẹtẹẹtẹrẹ. Ịsị o chire ọ varẹma re e sị oze ẹchẹhị. Ẹnẹyịmavara ộ mẹ̀ ka ò zee yọ,

Oyinyima 26:12 Referans Kwoze

Oyinyima 26:3

Ọ kà ọ̀ maanị yà ịnị ẹtẹ ọnọnị, ka ọnị vaa yàa pè e dị ọnị mẹ ka ò zee yọ. Ọ kà ọnịrị ezi anị ịrẹma-ịrẹma ọnị vaa sị avaba ẹtẹ ẹnẹnịị yị nị. Avaba ịsị ọnị hị́ eku ka ọnị vaa mẹ yị ada anị Abụrahamị vị ọnị ọnị vaa mẹẹ yọ.

Ịmaakị 4:8

Ihu ẹnyị ẹ rẹ hụrẹ ne ngụ ịnị ẹtẹ ozoza, dị ẹ chị, dị ẹ hụ, dị ẹ nyị ẹtụtụ nị; ẹnyị ệ nyị ẹtụtụ ohurẹẹwụ-ohurẹẹwụ, ẹnyị ẹbẹẹta-ẹbẹẹta, ẹnyị vị ẹchẹhị-ẹchẹhị.”

Ịrẹyị Ọzwọzịsa 11:6

Waa sị avaba ụmẹẹ chire ịsa irenyi-irenyi agụvị ka wẹ yị yẹ ana vaa mẹ. Wẹ yị yẹ avị avaba anị ọ vaa mẹ ẹtẹẹrẹ nị à vị ẹnyị ọ vaa mẹẹ huna ọsa nị.

Ahẹ Ụgama 67:6

Ịsa ịnị aarẹ ệ mẹ ẹtẹẹtẹrẹ. Ohomorihi, ẹwụ ana vị Ohomorihi ayị, wa raà mẹ ka ò zee yị.

Oyinyima 24:35

Ẹnẹyịmavara ọ raà mẹ ka ò zee yị ọga anị ẹtẹẹtẹrẹ. Ọ kà ọga anị ọ sị vara ọzọbanyị. Ohomorihi ộ kụ́ ịsụpa mẹ̀ ẹ ẹyịza: atẹmẹ, ẹvụ ọnịrị imaaru. Ọ rẹ nyị ịnyaakụmị ọnịrị ịkẹrịkẹtẹ. Avọọ ọ mẹ̀ rẹ nyị igooru, isiriva, ezi ahụ ọnọrụ ọnịrị anẹẹ vị ọnị ọ rẹ nyinyi.

Oyinyima 24:1

Abụrahamị o si bo ẹtẹẹtẹrẹ. Ẹnẹyịmavara vị ana mẹ ka ọ̀ nyayịnẹ zee yị Abụrahamị ini oze tụra oze.

1 Anịkọrịntị 3:6

Ẹmị ee chire ịsa, Aporo ọnị aa ká enyi hi ọọ, ama Ohomorihi aa mẹ ka ịsa ẹnẹẹ ẹ̀ẹ hụ nị.

Ịzakaraya 8:12

Ẹnịnị vaa chire ịsa ịnị ẹngwọọrọ. Ọchị ịvayịnị ẹnịnị vaa tụ́ ẹtụtụ, dị ẹtẹ zoza dị ọ mẹ̀ ịsa ẹtẹẹrẹ, Dị orihi aa zụ a mẹ vọrọ. Ẹnẹyịmavara kà ọnị vaa sị ịsa ẹnẹnị mẹ ogu yị aza ana vọ tụ́ ịzọọ.

Ijoovu 42:12

Dị Ẹnẹyịmavara mẹ ka o zee yị Ijoovu huni ộ mẹ̀ vịdị ya nị. Ijoovu ô varẹma nyị atẹmẹ ịrịka akawụ-akawụ oze ịhịmba (14,000), ịnyaakụmị ịrịka akawụ-akawụ oze ẹẹta (6,000) imaaru ịrịka akawụ (2,000) ọnịrị ịkẹrịkẹtẹ ịrịka akahị (1,000).

Oyinyima 30:30

Ọ kà dị ọnị vavẹ, ịsụpa anị aa chee aanị, ama booro aanị ệ ta rụrụ. Ọ kà ịsa tụra ịsa ọnị ọnị ọ̀ọ sị ụvọ tụra vị anị Ẹnẹyịmavara aa mẹ ka ò zoza yọ. Dị ọ ka o si tụ́ ka ọnị ọ rẹ kụkụụ tẹsị aza anị booro anị.

Imatiwu 13:8

Ama ihu ẹnyị ẹ rẹ hụrẹ ne ngụ ịnị ẹtẹ ozoza, dị ẹ nyị ẹtụtụ nị; ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị vị ohurẹẹwụ-ohurẹẹwụ.

Ahẹ Ụgama 72:16

Ohomorihi ọ̀ navọ ịsa ịnị aarẹ ọ̀ mẹ gwẹẹtẹ ịnị ẹtẹ ọnọọ. Aarẹ ana a dà hi ịnị avaba ataba ẹ mẹ̀ ịsa ẹtẹẹtẹrẹ. Ịsa ịnị ẹnịnị ẹ̀ mẹ anka ẹtẹ Ịrẹbanọnị mẹ̀ẹ mẹ̀ ịsa avọọ. Aza ẹ̀ rụrụ hi ịnị ẹkụra anka avị mẹ̀ chị hi ịnị aarẹ avọọ.

Imatiwu 13:23

Ọza ana dọ ihu ọnọọ tụ́ ịnị ẹtẹ ozoza, ọ vị ọza ana wụ́ ịrẹyị ọnọọ, dị ọ yẹ ịsị ọ vị nị. Dị ọ raa nyị ẹtụtụ nị, ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị ohurẹẹwụ-ohurẹẹwụ.”

Oyinyima 26:29

ka ọ yị vaa kanyị ẹnị. Ọ kà ọ yẹ ka ẹnị ẹ yị rẹ kanyị ọ, ẹnị ẹ yị mẹ̀ ẹ odivi. Ọyịza ẹnị mẹ̀ ẹ nị, dị ẹnị sị ẹngwọọrọ kà a yọ ka ọ̀ hụụ ịda ẹnịnị nị. Ẹnẹyịmavara ọ raà mẹ ka ò zee yọ.”

Ụhịrẹyị 10:22

Ẹnẹyịmavara ọ ga ize tu ọza, ọ mā nyị ayodu.

Oyinyima 25:11

Abụrahamị mè wusu, Ohomorihi ộ mẹ̀ ka ò zee yị Ayiziiki ozi anị. Di Ayiziiki kwẹẹtẹ na ra ọgụrị ịzị aa hị́ “Ịbẹẹrị-Ịraha-Ịrọyị” (ịkangga ọza ana yàrà eneē re mị).