Oyinyima 21:2 - IWE ỌNỊNỊ

² Isera ô zyẹẹ, dị ọ ma ozi ọnọrụ ọnya yị Abụrahamị nị. Ịjọnọọọ Abụrahamị o si bo. Ụmẹ ana Ẹnẹyịmavara jị, ọ sị ma ozi ọnọọ nị.

Oyinyima 21:2 Referans Kwoze

Anihiburu 11:11

Isera ọnị ọ rẹ sị ayị tụra Ohomorihi, agụvị avọọ di o zụ zyẹẹ, dị ọ ma ozi ọnya nị. Ịnị ụmẹ ọnọọ, Isera osi huna ọza ana vọrọ ka ọ̀ kụkụ zụ ma ozi. Ama Isera ộ sị ayị tụra Ohomorihi ana ka ọnị vaa mẹ̀ ịsa ka ọnịzẹyịza ọ vị nị.

Anigaratiya 4:22

 chẹrẹ ẹ tụ́ ini Iwe Ohomorihi ka: Abụrahamị ọ́ ma ezi ọnọrụ ẹẹva. Ọnyị ọnya vị ọrịhị, ọnyị ọsa ọnị vị ozi.

Odeyi 7:8

Dị Ohomorihi ka Abụrahamị ọ̀ jị aza anị ụvẹvẹnẹ, ana jẹẹ yị apọtẹrẹwa oto ọnọọ nị. Dị Abụrahamị ma Ayiziiki, dị ọ jị ọọ ụvẹvẹnẹ, ịhị ẹ tụ́ ọọ ẹkụhị ịhịnta ọnị ọ ma a nị. Ayiziiki ộ ma Ijekọvụ, dị Ijekọvụ ọnị ma ezi ẹwụrẹva ana vị ada ayị nị.

Iruuku 1:36

Tamayị Erizabẹẹtị ana vị anda awụ nịnị, oni ree zyẹẹ ozi ọnọrụ, ọ mẹ̀ daka yị sị vị ọzọkụ. Ụhwẹ ọhụhịnọnyị ịrẹẹ anị yị; wâ yẹ ka ọbọrị a vịdị aa hị́ ọọ nị.

Oyinyima 18:14

Áá nyị ịsị ẹ tụ́ akanya yị Ẹnẹyịmavara Ịnị ụmẹ ọnị aa vaa vẹ vee tù ọ, oni ee vee tù ka Isera ộ si ozi rị ụvọ.”

Oyinyima 18:10

Dị ọnya ịnị ẹnịnị ka: ẹ yị zụ nyị ka ọnị ọ yị vavẹ ve tù ọ ụmẹ aanị ụpọsa, ọnị ee vee tù ka Isera ose anị ô sị ozi ọnọrụ rị ụvọ. Isera ọnị yà ịrẹma oze ajẹngụ ọ tangwa ee batọ.

Oyinyima 17:19

Di Ohomorihi ka: Eyiye, Isera ose anị vaa ma ozi ọnọrụ ọnya. Ọ̀ọ sị ọ ma dị ọ yị ọ Ayiziiki. Ọ kà Ịsị ọnị pè e kà tịtẹ aanị, ọnị ọnị vaa sịị yị nị, beri ezi anị ịrẹma-ịrẹma.

Oyinyima 17:21

Ọ kà ama ịsị ọnị ka ọnị vaa mẹ ịnị ịrẹyị ọnị mi pè e kà tịtẹ aanị, Ayiziiki ọnị vaa mẹ̀ ẹ yị nị. Ọ rẹ ka ụmẹ aanị ụpẹ ọsa, Isera sị ozi ma yọ.

Aniroomi 9:9

Ịrẹyị ana a vịdị kà yị Abụrahamị yị. Ohomorihi ka: Ụmẹ òo si tù, ọnị vaa vẹ, dị ọnị ve tù ka Ịsara ọ sị ozi ọnọrụ ma.

Ijosuwa 24:3

Ama dị Ẹnẹyịmavara sị Abụrahamị hụrẹ akẹnẹ Okuha Iyuhwireti, dị ọ zụ ọ oze va ngụ ẹtẹ Ikanaani nị. Dị Ẹnẹyịmavara mẹ ize yị ọ nị. Dị ọ ma Ayiziiki ana vị ozi ịpaapa ịnị evere anị.