Oyinyima 21:1 - IWE ỌNỊNỊ

¹ Ẹnẹyịmavara ô nyị Isera iyi anka ọ mẹ̀ vịdị kà a. Ịsị ọ ka ọnị aa mẹẹ yọ dị ọ mẹ̀ ẹ yọ ịzẹyịza nị.

Oyinyima 21:1 Referans Kwoze

Ahẹ Ụgama 12:6

Ẹnẹyịmavara ọ̀ọ kà ka ọnị vaa mẹ ịrẹyị ịrẹyị anị vị a naa gẹẹ. Vị ọ sị mẹẹ anka igooru ana a raà sị ịra tenyi ẹtẹẹtẹrẹ avọọ nị, kụkụ nyị evene ịnị anị.

Oyinyima 18:10

Dị ọnya ịnị ẹnịnị ka: ẹ yị zụ nyị ka ọnị ọ yị vavẹ ve tù ọ ụmẹ aanị ụpọsa, ọnị ee vee tù ka Isera ose anị ô sị ozi ọnọrụ rị ụvọ. Isera ọnị yà ịrẹma oze ajẹngụ ọ tangwa ee batọ.

Oyinyima 18:14

Áá nyị ịsị ẹ tụ́ akanya yị Ẹnẹyịmavara Ịnị ụmẹ ọnị aa vaa vẹ vee tù ọ, oni ee vee tù ka Isera ộ si ozi rị ụvọ.”

Oyinyima 17:19

Di Ohomorihi ka: Eyiye, Isera ose anị vaa ma ozi ọnọrụ ọnya. Ọ̀ọ sị ọ ma dị ọ yị ọ Ayiziiki. Ọ kà Ịsị ọnị pè e kà tịtẹ aanị, ọnị ọnị vaa sịị yị nị, beri ezi anị ịrẹma-ịrẹma.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

Anigaratiya 4:23

Ọnị ọnyị anị vị ọrịhị aanị vị ana á ma, anka ọzọza mẹ̀ẹ̄ ma ozi. Ama ọnị ọnyị anị vị ozi aanị vị ana á ma, agụvị ka Ohomorihi ọ raà kà a ka ẹ yị zụ nyị ka ọnị ọ yị vaa sị yị Abụrahamị.

Imatiwu 24:35

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

1 Ịsamụwẹrị 2:21

Ẹnẹyịmavara ộ nyị Ịhaana iyi ẹtẹẹtẹrẹ. O re zyẹẹ tụra ẹngụ tụra ẹngụ dị ọ ma ezi anọrụ ẹẹta ọnịrị ezi anẹẹ ẹẹva. Ama Ịsamụwẹrị ọnị yị ya ịda Ẹnẹyịmavara, aa vịra.

Anigaratiya 4:28

Àa vị ẹwụ nịnị yọ, anda ayị nịnị, ini oze oto oni Ohomorihi wo, ụ sị vị ezi Ohomorihi nịnị nị, Ayiziiki ọnị mẹ̀ rẹ yà.

Iruutu 1:6

Inawomi vị ana yịị ra ịnị ẹtẹ Imowabi, dị ọ va wụ́ ka Ẹnẹyịmavara ộ tamayị aza anị nị. Ộ sị ịsọyịrị va yị wa. Dị Inawomi ọnịrị ese ezi anị va kwẹẹtẹ ka ẹnị ẹ hụrẹ Imowabi nị.

Oyinyima 50:24

Di Ijosẹẹhụ va hị́ ẹnẹbẹnị anị dị ọ ka, “Mee vee sú. Ama Ohomorihi vaa jẹẹ wụ nịnị ịrẹma dị ọ sị wụ nịnị hụụnị ẹtẹ ọnọnị nọ ịnị ẹtẹ ọnị ọ hị́ eku ka ọnị aa sịị yị Abụrahamị ọnịrị Ayiziiki ne beri Ijekọvụ.”

Oyinyima 17:21

Ọ kà ama ịsị ọnị ka ọnị vaa mẹ ịnị ịrẹyị ọnị mi pè e kà tịtẹ aanị, Ayiziiki ọnị vaa mẹ̀ ẹ yị nị. Ọ rẹ ka ụmẹ aanị ụpẹ ọsa, Isera sị ozi ma yọ.

Oyinyima 17:16

Ọ rẹ ka ọnị vaa mẹ ka ò zee yọ, dị ọnị mẹ ka ọ̀ ma ozi ọnọrụ ọnyaa yị ọ. Ọ kà ọnị vaa mẹ ka ò zee yọ, ọnyị anẹkụra ọrụrụ ọ vaa vị nị. Ẹnyị ini ezi anị vaa vị ohinọyị.

Iruuku 1:68

“À vẹ ya sị ụga yị Ananyị yị ana vị Ohomorihi Anisirẹrị! Agụvị ka ọ va raà gụ aza anị ụvọ, ọ sị wa hị́ varẹma.

Ọyịkụra 4:31

Aza ẹnẹẹ ệ dọ ka ịrẹyị ẹnịnị vị ịzẹyịza. Ịjị ẹ wụ́ ọ ka Ẹnẹyịmavara o reè re ụya ọnị ẹnịnị aa rị, dị ịrẹyị ene tu Anisirẹrị zị ọ ẹngụ nị. Dị ẹ tana tụra ẹtẹ, dị ẹ hẹkẹ ẹ nị.

Ahẹ Ụgama 106:4

Ẹnẹyịmavara, ịjị wàaa gụ aza awụụ ụvọ, ụ navọ wa tamayị amị. Navọ ịjị wàaa dọ waa tụ́ wa va gụ mị ụvọ.

Ọyịkụra 20:5

Wẹ yị nyayịnẹ hẹkẹ wa. Ẹma vị Ẹnẹyịmavara ana vị Ohomorihi awụ nị. Me mē sì ka ọza ò sì ịrẹyị amị di ò re kuku ne sì ịrẹyị ori. Ọza ọ̀ọ nyị ịhyẹrẹ amị ịvị ọ mẹ avọọ nị. Maa sị ụya anịị rị ọ ne beri ozi anị ọnịrị aazị anị ne chire ẹmaazị anị.

Ọyịkụra 3:16

Dị ọ rẹ ka ọ̀ na kụ azọkụ Anisirẹrị gụ dị ọ̀ kà a yị wa ka Ẹnẹyịmavara ana vị Ohomorihi ana Abụrahamị, Ayiziiki ọnịrị Ijekọvụ ohiku ẹnịnị hẹkẹ ọ raà sị ẹngụ zụ̀ ọ. Ọka ọ̀ kà a ka ọnị ka ọnị ee re wa ịsị aa sị waa mẹ ịnị ẹtẹ Ijipiti.

Iruuku 19:44

Dị ẹ vara wụ eteesu saka-saka beri ezi ewu. Ẹnịnị ẹ yị vaa navọ ịrẹta ẹnyịị tụra ọsa, agụvị ka wẹ yị yẹ ụmẹ oni Ohomorihi sị vẹ ka ọnị ọ̀ va dọ wụ há.”

Oyinyima 24:36

Ọ rẹ ka Isera ose ọga anị mè si bo, ộ ma ozi ọnọrụ ọnyaa yọ. Ozi ọnọrụ ọnọọ ọ kụ́ ogu avaba ịsa ana Abụrahamị nyị nị.

1 Ịsamụwẹrị 1:19

Ịnị ẹnẹnẹ viri-viri eyinẹhẹ anị, dị ẹ kwẹẹtẹ, dị ẹ na hẹkẹ Ẹnẹyịmavara, dị ẹ varẹma nọ Iraama ana vị eehi ẹnịnị nị. E mè tù eehi, di Erikana nọ ịda Ịhaana ana vị ose anị nị. Ẹnẹyịmavara ộ wụ́ aduwa Ịhaana,

2 Ohinọyị 4:17

Ama anka Erisa mẹ̀ kà a, ịjị ụmẹ ọnọọ nee tu ịnị ịrayị anaa vanaa vẹ, ọnẹẹ ọnọọ ô zyẹẹ, dị ọ́ ma ozi ọnọrụ nị.