Oyinyima 20:3 - IWE ỌNỊNỊ

³ Ama ịnị ịrahụ ịhị ọnọọ gẹdẹ-gẹdẹ, dị Abimẹrẹkị ra ụra re Ohomorihi nị. Di Ohomorihi kà a yọ dị ọ ka, “Wéē wusu, ẹwụ ọnọnị, agụvị ọnẹẹ ọnị ẹ na sị avọọ. Ọ̀ ka ọ́ọ́ yẹ ka ose onose yọ nị?”

Oyinyima 20:3 Referans Kwoze

Imatiwu 27:19

Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Oyinyima 20:7

Ọ kà Booro aanị ọ sị ose ọnọrụ ọnọọ varẹma naa yọ. Ọnọrụ ọnọọ vị ọnịsẹ, ọ vaa mẹ̀ aduwaa yọ, di o yi kuku sú. Ọ kà ama ò yị và a naa yọ, ọ̀ yẹ ka vị ee sú nị ne beri avaba aza anị nị.

Ahẹ Ụgama 105:14

Ohomorihi ọ yị zẹẹ ka ọza ọnyị ọza ọnyị ọ̀ mẹ ehuna yị wa. Ộ hụ ụvị ẹnịnị kà ohinọyị ọ̀nọ̀ ka

Ijoovu 33:15

Ịrahụ vị ana ka ịrẹyị ịnị ụra ọnịrị ịnị etore irenyi-irenyi.

Imatiwu 1:20

Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị.

Oyinyima 28:12

Dị ọ ra ụra di o re ka â nyị ọbụna ọnya ana jẹẹ ọnị ịrẹsụ anị na kà ẹbẹẹba. Di o re anggẹẹrị Ohomorihi ẹ màa hịrẹ di e re yee chi ịnị anị nị.

Ijona 3:4

Ijona mẹ ngụ ẹkụra ọnọọ, ộ zị ụsẹ ịzọọ ẹkụhị ọnya, di o ve nyima ee nowuu kà a ka ọ sị vọ ẹkụhị ẹbẹẹva di ee vu ẹkụra ọnọọ ẹtẹ nị.

Oyinyima 40:8

Dị ẹ ka ẹnị ệ ra ụra, ẹnị ẹ yi re ọza kà iruvo anị yị ẹnị. Di Ijosẹẹhụ kà Ohomorihi kẹnẹ oō yẹ iruvo ụra nị. Ẹ kà ụra ẹnị ẹnịnị ra yị ọnị.

Oyinyima 37:9

Ịhị ọsa Ijosẹẹhụ ọ rẹ ra ụra ọsa, dị ọ rẹ kà a yị ẹnẹbẹnị anị nịnị nị. Dị ọ ka: Ẹẹ yẹ ka ọnị ọ rẹ ra ụra ọsa. Ọ kà ọnị ô re ka ọyị, ụhwẹ ne beri Ụzọmị ẹwụrọnya aa ká ịrẹsụụ hi yị ọnị.

Oyinyima 37:5

Ẹkụhị ọnya Ijosẹẹhụ ộ ra ụra ọnya. Ọ mẹ̀ kà a yị ẹnẹbẹnị anị nịnị, dị ọ rẹ mẹ ka ẹ hyakụ kụkụ kụ́ ayị anịị hu avọọ nị.

Oyinyima 31:24

Ịnị ịrahụ, di Ịrabanị anakẹbẹẹba Imesopotemiya ra ụra re Ohomorihi nị. Di Ohomorihi kà a yọ dị ọ ka, “Mẹ hẹẹ, ọ ka asị a nyị ịsị ọ mẹ Ijekọvụ vụrụ-vụrụ.”

Oyinyima 12:17

Ama dị Ẹnẹyịmavara mẹ ka ụkụ ọ̀katẹngụ ọ̀ za ohinọyị ọnịrị aneehi anị agụvị Isarayi ose Abụramị nị.

Oyinyima 12:18

Di Ihwarawo va hị́ Abụramị dị ọ ka, “Sị ọ mẹ̀ ọnị aanị? Sị ẹ vẹ dị ọ̀ yị kà a yị ọnị ka ose anị yọ nị?

Ịrịka 22:9

Ịrahụ ọnọọ Ohomorihi vee tu Ịbaraamị, dị họ̀ ọ ka ẹnẹ nyị aza ana ya pe e?

1 Ịtọpa 16:21

Ohomorihi ọ yị zẹẹ ka ọza ọnyọọnyị ọ̀ mẹ ehuna yị wa. Ộ hụ ụvị ẹnịnị kà ohinọyị ọ̀nọ̀ ka:

Oyinyima 40:5

ịnị ịrahụ ẹkụhị ọnya dị ọza anaā ká echee yị ohinọyị Ijipiti ọnịrị ọza anaā mẹ̀ ịsaa yọ ene hi ini ẹngwa dudu ra ụra nị. Ọzọza vị ana ra ụra anị, dị ụra ọzọza rẹ nyị iruvo nị.

Oyinyima 46:2

Ijekọvụ mẹ̀ yà ịzọọ, dị ọ ra ụra ịrahụ ẹkụhị ọnya nị. Ịnị ụra ọnọọ di Ohomorihi hị́ ọ dị ọ ka, “Ijekọvụ, Ijekọvụ!” Di Ijekọvụ ka, “Hèé, ụ mẹ̀ kà?”

Ijoovu 33:17

Ohomorihi vị anaa vavọọ ka a agụvị e ro ịnẹ hụụnị ebira odivi ẹnịnị, dị asị ẹ rẹ sị ẹngụ tụ ẹba.