Oyinyima 2:7 - IWE ỌNỊNỊ

⁷ Di Ẹnẹyịmavara Ohomorihi va dà èzi hụụnị eteesu dị ọ sị mẹ ọza nị. Ịjị ọ sị ọ mẹ, dị ọ tụ́ ụhwẹ hi ọ aahị nị. Ịjọnọọ dị ọza ọnọọ kụkụ aa tụ́ ụhwẹ dị ọ yàra nị.

Oyinyima 2:7 Referans Kwoze

1 Anịkọrịntị 15:45

 vịdị chẹrẹ ẹ tụ́ ini Iwe Ohomorihi ka; Ohomorihi ộ mẹ̀ Adamị ana vị ọza ịpaapa ka ọ̀ vị ọza ana yára. Ama Adamị ọdịrẹma vị ana hụụ ịdị Ohomorihi vẹ, ọnị ọọ̄ mẹ̀ ka ọza ọ̀ yàra nị.

Ijoovu 33:4

Ohomorihi ọ nyị ụkata ọnị ọ sị mẹ̀ ọnị nị. Ọnị ọ sị ụhwẹ yị ọnị nị.

Ịrẹyị Ọzwọzịsa 12:7

A vaa sị ọchẹngụ ayị varẹma nee chire ẹtẹ, dị ụhwẹ ayị varẹma ka Ohomorihi ana sị yị na.

Ayịsaya 64:8

Ama Ẹnẹyịmavara, ẹwa yị vị Ada ayị nị. Vị́ ị sị mẹẹ ụmọpa avọọ, dị ẹwụ sị mẹẹ ọjụnọkọ avọọ nị. Ụkọrọ ụvọ awụ ị vị̀ nị.

Odeyi 17:25

Ẹ yị nyị ịsị ọ̀ yị nyị, agụvị avọọ ẹ yị nyị ka ọza ọ̀ na sị ụvọ anị mẹ̀ ụkọrọ dị ọ̀ sị ịsa va yọ. Ọnị ọ vanaā sị ụhwẹẹ yị aza ọnịrị avaba ịsa ana vọ nị.

1 Anịkọrịntị 15:47

Eteesu asị mẹ ọnịpaapa nị, ama ọnụpọhụva ọnị vị ana hụrẹ ẹbẹẹba vẹ.

Oyinyima 3:19

Ọ kà dị ọ ve re ịsa rị, ọ vaa sị ụvọọ ka ẹhịị mi. Ọ rẹ ka avọọ ọ mẹ vaa mẹ pooro dị ọ̀ varẹma nọ ịnị eteesu nị, agụvị ka ezi a sị mẹ ẹ nị. Ezi ọnọọ ọ rẹ vaa vàa nọ ịnị anị nị.

Ijoovu 27:3

Ohomorihi ò sere ọnị, dị ọnị e yi su nị.

Oyinyima 7:22

Avaba ịsị e hi ịrẹsụ ẹtẹ ana aa tụ́ ụhwẹ vi ene sú.

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

Ahẹ Ụgama 103:14

Ẹnẹyịmavara ộ yẹ ọ mẹmẹ mẹ yị, Ộ yẹ ka ezi kẹnẹ ị vị nị.

Ahẹ Ụgama 100:3

Yẹ nịnị ka Ẹnẹyịmavara ọ vị Ohomorihi nị. Ọnị ọ mẹ yị nị, ẹ yị vị ẹyị ụvọta ọ mẹ ẹngụ ayị. Aza anị ị vị nị, dị aa tẹsị ayị anka ọza ana nyị atẹmẹ mẹ̀ẹ tẹsị atẹmẹ anị avọọ nị.

Aniroomi 9:20

Ẹ yị vị avọọ ọ mẹ̀ vị, oo. Ẹwụ ọzarẹyịrẹsụ kẹnẹ, ẹnẹ vị ẹwụ ana aa và Ohomorihi ị̀karenu? Ụnọkọ ọ yị zụ kà a yị ọza ana jị ọọ ka, “Ho, sị ẹ vẹ dị ụ maanị jị mị?”

Ayịsaya 2:22

Avọọ asị ụ rẹ sị ayị tụra ọzarẹyịrẹsụ. Ẹ yị nyị ịsị ọza vị.

Oyinyima 3:23

Di Ẹnẹyịmavara Ohomorihi dụ ọ jịnẹ hụụnị ụbazị Edẹnị nị, ka ọ̀ naa dà aarẹ tụ́ ịnị ẹtẹ ana dà a di a sị mẹ̀ ẹ.

Anihiburu 12:9

Ada ayị ịnị ẹhẹ ọnọnịị̄ sị ụyaa rị yị, dị ị ká ịrẹsụ hi yị wa. Wéé ro ka ayị vọrọ ka ya ká ịrẹsụ hi hu avọọ yị Ada ayị ẹbẹẹba, dị ya zụ yára?

Ịrịka 16:22

Ama dị ẹnị ẹyịva ẹnẹẹ ka ịrẹsụ hi, dị ẹ mẹ̀ aduwa kà a, Tee! Ohomorihi anaā sịị ụhwẹ yị aza, sị ẹ vị dị a vaa hụvị ọza ịnya kụ ayị hi avaba ịragụ?

Ụhịrẹyị 20:27

Ẹnẹyịmavara ọ nyị ayị ọnịrị ivehu ayị nị, agụvị avọọ yẹ yị zụ tẹ yọ.

Ijoovu 33:6

Ọ kà ọnịrị Ijoovu vị ọnyọọnya ọvịdị Ohomorihi. Ụvụ a sị mẹ̀ ẹnị nị.

2 Anịkọrịntị 5:1

Yâ yẹ ka èe wú irehi ọnị ị yà ịnị anị ịnị ẹhẹ ọnọnị aanị, (ọnị ọ vị ka ọchẹngụ ayị ọnọnị) Ohomorihi ộ nyị irehi tụ́ ẹbẹẹba yị. Ọnị ụvọta ọ mẹ irehi ọnọọ nị. O yi vee du pooro zịna-zịna.

2 Anịkọrịntị 4:7

Ẹyị ọnịsa obooro maanị yà ịnị ayị anị aanị, ẹyị vị ana sị mẹẹ anka ụnọkọ ụvụ-ụvụ kẹnẹ. Ọnọọ ọ sị zụ̀ ka Ohomorihi ọ nyị ụkata ọnọọ nị, ẹ yị vị ẹyị.

Ịjọọnụ 20:22

Ịjị ọ vavọọ sị kà, dị ọ tụ́ ụhwẹ kú wa nị, dị ọ ka, “Dọ Ụhwẹ Ọnịnị nịnị!

Ijoovu 4:19

ẹnẹ va vị ọzarẹyịrẹsụ ọnị ọ dà ụvụ mẹ̀, ana a sẹ zụ pịrị huuni ikere.

Ịrịka 27:16

Taarụ! Ẹnẹyịmavara Ohomorihi ana yẹ ịsa ya ịnị ayị ẹyọza, navọ wa nyị ọza ana vaa vị ọdọvịdị yị Isirẹrị.

Ịrẹyị Ọzwọzịsa 3:7

Aa nyị ụmẹ ana a sịị na ịsa, dị a nyị ụmẹ ana a sịị gẹ ịsa nị. Aa nyị ụmẹ ana a sịị sị irenu kwoku, dị a nyị ụmẹ ana sịị kà ịrẹyị nị.

1 Itimoti 2:13

Adamị Óhomorihi vịdị mẹ, dị ọ va mẹ Iivi nị.

Oyinyima 2:6

Ama enyi eteesū tụ́ iruvo vaa hịrẹ dị ọ mẹ ka avaba ẹtẹ ò hunẹnẹ.

Arụwẹ 4:20

Ẹ raà za ohinọyị ọnị Ẹnẹyịmavara nyị yị yị ka ya sị eyi tụra. Ọnị ọ vị ọza ọnị ị sị ayị tụra ka ọ vaa dọ yị ha hụnị ụvọ anẹkụra tụra anẹkụra anaa vị eyi ịrazị ka yị nị.

Ezikẹẹrị 37:5

Ẹnẹyịmavara Ochẹtẹẹngụ ka, ẹwụ nịnị ẹchụkụ ọnọrayị, ọnị vaa tụ ụhwẹẹ ku wu nịnị, dị ụ varẹma yàra nịnị.

Oyinyima 1:27

Ịzẹyịza di Ohomorihi mẹ ọza, dị ọ mẹ wa vene ẹngụ anị nị. Ọnọrụ ọnịrị ọnẹẹ ọ mẹ nị.

Ezikẹẹrị 37:6

Ọnị vaa mẹ ka wa nyị ọzị ọnịrị uye nịnị. Ọnị vaa sị ụpaa kú wu nịnị ẹngụ, dị ọnị sị ụhwẹẹ yị wụ nịnị, dị ụ kụkụ yara nịnị. Ụ vaa yẹ nịnị ka ọnị ọ vị Ẹnẹyịmavara nị.