Oyinyima 2:5 - IWE ỌNỊNỊ

⁵ ịnị ụmẹ ọnọọ ẹ yị nyị ọchị à vị avị ana chị tụ́ ịrẹsụ ẹtẹ, agụvị ka Ẹnẹyịmavara Ohomorihi ọ́ yị mẹ ka orihi ọ̀ zụ̀ụ hi ịnị ẹtẹ, ẹ yị rẹ nyị ọza ana vọrọ ka ọ̀ dà aarẹ tụ́ ịnị ẹhẹ.

Oyinyima 2:5 Referans Kwoze

Oyinyima 3:23

Di Ẹnẹyịmavara Ohomorihi dụ ọ jịnẹ hụụnị ụbazị Edẹnị nị, ka ọ̀ naa dà aarẹ tụ́ ịnị ẹtẹ ana dà a di a sị mẹ̀ ẹ.

Anihiburu 6:7

Sị ịrẹyị ọnọnị zama a re nịnị: Orihi ọ̀ọ zụ̀ hi aarẹ, di o hú ọọ, dị ọ mẹ̀ ịsa yị aza ana dàa nị, Ohomorihiī mẹ ọyịzaa yị ẹtẹ ọnọọ.

Ijoovu 5:10

Ọnị ọọ̄ zụ orihi dị avaba aha nyị enyi nị.

Oyinyima 4:12

A sị ọ dụ hụụnị ẹtẹ ozoza ọnọọ ọ yị kụkụ vaa nyị ịzị ọ vaa ra, vị ọ vanaa doodo ngụ ẹhẹẹ zi pooro nị.”

Oyinyima 4:2

Ọ rẹ ma ozi ọnọrụ ọsa ana aā hị́ Ẹba. Ẹba, ọ mẹ sị vịra dị aā pá atẹmẹ ọnịrị ẹvụ nị, di Ikeeni ọnị aa kụ́ ịrịkụ nị.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ahẹ Ụgama 135:7

Ọọ̄ kụ́ eguhi hụrẹ ịzị ẹhẹ na ta hi, dị ọ kụ́ wa vaa hịrẹ. Àa zụ̀ orihi, dị ọ mẹ ka apaana ihinẹba ọ̀ọ haa vaka a. Dị ọ sị ahị jịnẹ hụrẹ ịzị ọ sị ọ tẹ tụ́.

Ahẹ Ụgama 104:14

Wâ mẹ ka avị è nyị dị ịsụpa ẹ̀ẹ rị ọ, dị aza ee chire ịsa, dị ẹtẹ ẹ̀ẹ mẹ̀ ịsa ẹnị ẹ vaa rị.

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Oyinyima 2:6

Ama enyi eteesū tụ́ iruvo vaa hịrẹ dị ọ mẹ ka avaba ẹtẹ ò hunẹnẹ.

Ijeremaya 10:12

Ama Ohomorihi ọ sị ụkata anị tụ ẹhẹ ọnọnị nị. Ọnị ọ sị ịrẹyọyẹ anị nyima ẹhẹ ọnọnị nị. Ịrẹyọyẹ anị ọ sị tana ẹbẹẹba nị.

Ijeremaya 10:13

Ohomorihi ọọ̄ ka ịrẹyị dị orihi aa karutu ẹbẹẹba nị. Ọnị ọọ̄ mẹ̀ ka ịnyanya ọọ̄ rị orihi aa zụ nị. Ọnị ọọ̄ mẹ̀ ka ahị ọọ̄ tụ́ hụụ ịzị ọ zaa ku tụ nị.