Oyinyima 2:2 - IWE ỌNỊNỊ

² Ịhị ẹ tụ́ ọ ẹkụhị ịhịnọnyị, Ohomorihi ộ sị avaba ụkọrọ anị mẹ ta. Ịhị ẹ tụ ọ ẹkụhị ịhịmba Ọ yị kụkụ mẹ̀ ụkọrọ.

Oyinyima 2:2 Referans Kwoze

Anihiburu 4:4

 maanị kà a tụ́ aha ọnya ini Iwe Ohomorihi ini oze ẹkụhị ọhụhịmba ka: Ịnị ẹkụhị ọhụhịmba, Ohomorihi ộ tụ́ ụhwọ́ ịnị avaba ụkọrọ ọnị ọ mẹ.

Ọyịkụra 31:17

Ẹkụhị ụhwọtụ ọnọnị ọ vaa vị ịsị ẹ vaa mẹ ka ẹmịrị Anisirẹrị ọ̀ọ tamayị ịzẹzẹ ene e pe mi zẹẹ pooro nị. Wáā yẹ ka ẹkụhị ịhịnọnyị ẹmị Ẹnẹyịmavara sị mẹ ẹbẹẹba ọnịrị ẹhẹ nị. Ịhyẹgwịhịmba dị mị tụ̀ ụvọ hụụnị ụkọrọ, dị mị tụ́ ụhwọ nị.”

Iwe Ọhụhị Imosiisi ana aa hị́ Ọyịvatụrọda 5:14

Ịhị ẹ tụ́ ọ ẹkụhị ịhịmba vị ọnị Ẹnẹyịmavara nyị ka ọ̀ vị ẹkụhị ụhwọtụ, ịhị ọnọọ ọza ẹ yị nyayịnẹ mẹ̀ ụkọrọ ọnyọọnyị. Ẹwụ ụvọta ọ yị nyayịnẹ mẹ. Ozi ewu ọnọrụ àa vị ọnẹẹ ẹ yị nyayịnẹ mẹ̀ ụkọrọ ịhị ọnọọ. Ozi ahụ awụ ọnọrụ ọnịrị ọnẹẹ ne beri ụnọ awụ ne chire ịkẹrịkẹtẹ ọnịrị avaba ịsụpa awụ ẹ yị nyayịnẹ mẹ̀ ụkọrọ ịhị ọnọọ. Ezi ahụ awụ ọnịrị azọga ene hi ịda awụ ẹ yị nyayịnẹ mẹ̀ ụkọrọ ịhị ọnọọ.

Ọyịkụra 23:12

Ịnị akakana ẹkụhị ịhịnọnyị ụ va sị mẹ̀ ụkọrọ nị. Asị a nyị ụkọrọ ọnị ụ mẹ ịhị ẹ tụ́ ọ ẹkụhị ịhịmba. Ọnọọ vaa mẹ ka imaaru ọnịrị ịkẹrịkẹtẹ awụ è re oze tụ́ ụhwọ. Ọrịhị ana a ma ini eehi awụ ọnịrị azọga ene hi ịda awụ ẹnị re vee re oze tụ́ ụhwọ dị ẹngụ ẹnịnị tana.

Ịjọọnụ 5:17

Dị Ijeesu kà a yị wa ka, “Ada amị aà yịị mẹ̀ ụkọrọ va ngụ ọyaanị, agụvị avọọ ẹmị raa yịị mẹ̀ ụkọrọ nị.”

Ayịsaya 58:13

Ẹnẹyịmavara kà ẹ̀ẹ sị ụbanyị yị ẹkụhị ụhwọtụ anka ẹkụhị ọnịnị, dị ẹ yị dụ ẹngụ ẹnịnị kẹnẹ, dị ẹ yị jịnẹ, dị ẹ yị mẹ̀ ụkọrọ, a vị dị ẹ ka ịrẹyị kẹnẹ-kẹnẹ ẹkụhị ọnọọ nị,

Oyinyima 1:31

Ohomorihi mẹ̀ re avaba ịsa ọnị ọ mẹ, ô zee e eyi ẹtẹẹtẹrẹ. Hụụnị ẹnẹnẹ na ngụ oruva dị ọ vị ẹkụhị ịhịnọnyị nị.

Anihiburu 4:10

Ọza ana àa sị ngụ ịzị Ohomorihi yà dị aa tụ́ ụhwọ́ nị, ọ vaa tụ́ ụhwọ́ ịnị ụkọrọ anị, anka Ohomorihi ọnị mẹ̀ rẹ tụ́ ụhwọ́ ịnị ụkọrọ anị ịnị ẹkụhị ọhụhịmba.

Oyinyima 2:3

Ohomorihi ka ẹkụhị ọhụhịmba vị ẹkụhị ọbanyị, dị ọ nyị ọ ẹkụhị ọ tụ́ irenyi nị, agụvị ka ịhị ọnọọ ẹhẹ ọọ ta a mẹ, dị ọ̀ yị kụkụ mẹ̀ ụkọrọ nị.

Ọyịkụra 31:15

Ụ vaa mẹ̀ ụkọrọ ịnị akakana ẹkụhị ịhịnọnyị. Ịhyẹgwịhịmba vị ẹkụhị ụhwọtụ. Ẹnẹyịmavara ọ nyị ẹkụhị ọnọọ nị. Ọza ana àa mẹ̀ ụkọrọ ịnị ẹkụhị ụhwọtụ à wụ̀ ọ.