Oyinyima 19:1 - IWE ỌNỊNỊ

¹ Ini oruva ịhị ọnọọ, dị anggẹẹrị ẹẹva ẹnẹẹ na sị ngụ Isodọmị nị Ịrọọtị ọnị vị ana yaayịtẹ ózee ana na ngụ ịnị ẹkụra. Ịrọọtị mè re wa, di o zwe na gẹrị wa, dị ọ tana tụra ẹtẹ kụ́ wa nị.

Oyinyima 19:1 Referans Kwoze

Oyinyima 18:22

Dị aza ẹnẹẹ si hu, dị ẹ yaa nọ Isodọmị nị. Di Abụrahamị ọnị kụkụ yị jẹẹ pè Ẹnẹyịmavara nị.

Anihiburu 13:2

Tamayị ka áa vọrọ ka wee sì ọzọga nịnị! Aza ẹnyị ệ vavọọ mẹ, e reè sì anggẹẹrị nịnị ọzọga, ẹ yị yẹ.

Ijoovu 31:32

Mịị̄ dọ azọga ka è ve chí ini eehi amị, mẹ ma dọ ka ẹnịnị ẹ̀ sụ̀ ụtọ oze.

Iruuku 17:28

Ịnị ụmẹ Ịrọọtị, avọọ rẹ yịị yọ. Aza vị anaa rị, di eyee hú, dị ẹyaa hị́, dị ẹ rẹ yaa ná; eyee chire ịsa, ẹ rẹ yaa dà irehi.

Oyinyima 11:27

Aza ana chị hụụnị ịpa Ịtẹra m maa vaa hị́ aanị nị Ịtẹra ọ ma Abụramị, Ịnahọ̀ ọnịrị Ịharanị nị. Dị Ịharanị ọnị ma Ịrọọtị nị.

Oyinyima 18:16

Anọrụ ẹnẹẹ ệ hụụ ịzọọ, di e zi oze Isodọmị aa na nị. Di Abụrahamị sị wa na tụ́ nị.

Oyinyima 19:2

Dị ọ ka, “Nda, aarịhịnị ẹ ngụ ini eehi ozida ẹnịnị, dị ẹ sụ ne ẹhẹ. Ọ rẹ ka ẹ̀ Jẹẹ ọnị ọ sị enyi vẹ dị ẹ sị nyịna ahụ ẹnịnị. Ọ kà eyi ọ̀ọ si nị ụhwọọ, dị ẹ kwẹẹtẹ ẹnẹnẹ viri-viri dị ẹ̀ẹ na.” Dị anggẹẹrị ẹnẹẹ ka, “Eyiye, ọ jẹẹ ẹnị ẹ̀ sụ ini orere.”

Oyinyima 19:10

Dị aza ẹnẹẹ ene hi ini eehi va tana ụvọ tụ́ ẹhẹ, di e tura Ịrọọtị ngụ ini eehi, di e gu oze nị.

Ahẹ Ụgama 69:12

Aza ene hi oze ini orere aa mẹ mị isiya di ohweche ẹnị aa jị mị ahẹ nị.

Oyinyima 13:12

Dị Abụramị ọnị yà ịnị ẹtẹ Ikanaani, dị Ịrọọtị ọnị aa ku udii ngụ ịnị ẹkụra ene hi ịzọọ zị, dị ọ jị ajẹngụ tụ́ ọgụrị Isodọmị nị.

Oyinyima 23:12

Di Abụrahamị re kụ ẹtẹ yị aza ẹnẹẹ

Oyinyima 48:12

Di Ijosẹẹhụ kụ́ ezi ẹnẹẹ hụụnị ahụ Ijekọvụ nị. Di Ijosẹẹhụ tana tụra ẹtẹ yị ada anị,

Iruutu 4:1

Ibowazị ọnị ộ nọ aha eyọgẹ anẹkụra, oze ovwoovu ẹkụra, dị ọ yaayịtẹ nị. Ọ mẹ̀ yà ịzọọ, dị anda Ẹrịmẹrẹkị ọnị Ibowazị kà ịrẹyị aanị aa parahu ịzọọ nị. Dị Ibowazị ka, “Va yaatụ ịzẹnị ọta amị.” Dị ọnọrụ ọnọọ na yaatụ nị.

Ijoovu 29:7

Azọkụ ẹkụra ẹ̀ẹ dị ọnị rẹ ya aha anị ịnị akakana ẹnịnị.