Oyinyima 16:1 - IWE ỌNỊNỊ

¹ Isarayi ana vi ose Abụramị ọ yị ma ozi. Ama ộ nyị ozi ahụ ọnya ana vị ọnẹẹ. Anijipiti ọ vị nị, di ịrẹha anị rị Ihaga nị.

Oyinyima 16:1 Referans Kwoze

Anigaratiya 4:24

Avaba ẹsẹnị vị ene e si che ụhịrẹyị. Anẹẹ ẹyịva ẹnẹẹ vị ana jẹẹ yị oto ẹẹva oni Ohomorihi wo. Ihaga ana vị ọrịhị vị ana jẹẹ yị oto oni Ohomorihi wo ịrẹsụ ataba ana aā hị́ Ịsịnayị. Yẹ ka ezi ọrịhị ọnọọ vị ana a ma tụ́ ịnị ọrịhị.

Oyinyima 12:16

Di Ohinọyị hụ agụvị Isarayi di aa mẹ̀ ebira ozozaa hi Abụramị nị. Dị ọ kụ́ atẹmẹ, ẹvụ, imaaru, ịkẹrịkẹtẹ araka, ọnyị ịkẹrịkẹtẹ ne beri ịnyaakụmị ezi ahụ anọrụ ọnịrị anẹẹ dị ọ kụ́ wa yị Abụramị nị.

Iruuku 1:36

Tamayị Erizabẹẹtị ana vị anda awụ nịnị, oni ree zyẹẹ ozi ọnọrụ, ọ mẹ̀ daka yị sị vị ọzọkụ. Ụhwẹ ọhụhịnọnyị ịrẹẹ anị yị; wâ yẹ ka ọbọrị a vịdị aa hị́ ọọ nị.

Iruuku 1:7

Ẹnịnị ẹ yị ma ozi agụvị ka Erizabẹẹtị vị ọbọrị. Ẹnị ẹyịva ệ da vịra ẹtẹẹtẹrẹ.

Ọdọvịdị 13:2

Ụmẹ ọnọọ, â nyị ọnọrụ ọnya aanị ana vị Anizora. Ịrẹha aanị ọ rị Imanowa nị, dị ahịka ịrẹsụ Ịdaanị ọ chị hụrẹ nị. Ose anị ọnọọ ẹ yị ma ozi agụvị ka ọbọrị ọ vị nị.

Oyinyima 25:21

Ose Ayiziiki vị ọbọrị, dị Ayiziiki aa dá ịpẹẹ yị Ẹnẹyịmavara nị. Ẹnẹyịmavara ộ wụ́ aduwa anị, di Irebeka ee zyẹẹ nị.

Oyinyima 21:21

Ọ mè yà ịnị ụnọmị ịzị aā hị́ Ịparanị, dị ọnyị anị nọ ẹkụra Ijipiti dị ọ na nyị ọnẹẹ hụụ ịzọọ va yọ nị.

Oyinyima 21:12

Di Ohomorihi va kà a yị Abụrahamị dị ọ ka: Asị ịrẹyị ozi anị ọnịrị ose anị ana vị ọrịhị avọọ du ọ ayị. Ọ kà Ịsị Isera ọ̀ọ ka ọ̀ mẹ, ọ vavọọ mẹ̀ ẹ, agụvị ka Ayiziiki a vaa sị hị́ ịrẹha irima anị nị.

Oyinyima 11:30

Ama Isarayi ọnị vị ọbọrị o yi re ozi ma.

Oyinyima 15:21

Anamọrị, Anikenaani, Anigirigasi ne beri Anijebusi.

1 Ịsamụwẹrị 1:5

Ịjị òo tu ka ọ̀ dà uye yị Ịhaana, dị ọ vara ụvọ dà a irenyi agụvị ka ọ nyayịnẹ sì ịrẹyị anị Ẹnẹyịmavara mẹ daka mẹ̀ ẹ ka ọ̀ vị ọbọrị nị.