Oyinyima 12:3 - IWE ỌNỊNỊ

³ Ọza ana àa ka oze yọ, dị ọnị rẹ mẹ ka ò zee yọ. Ọza ọnọọ Ọza òo si eyi wụ, vi oni ee chii hi ọza ọnọọ nị. Di o re ka avaba anẹhẹ vaa mẹ̀ aduwa ka ò zee yị ẹnị anka o mè zee yọ.

Oyinyima 12:3 Referans Kwoze

Anigaratiya 3:8

O si kù oni Iwe Ohomorihi kà a tịtẹ ka agụvị ka aza ẹnẹ ẹ̀ yị vị Aniju ẹ́ẹ dọ wụ́, Ohomorihi vaa sị jị ịhị yị wa nị. Agụvị avọọ dị Iwe Ohomorihi jintu kà enube ọyịza yị Abụrahamị tịtẹ nị ka, “Agụvị awụ Óhomorihi vaa mẹ ka ò zé yị avaba anẹhẹ nị.”

Oyinyima 22:18

Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma.

Oyinyima 27:29

Anẹkụra nịnị vị ana vaa hẹkẹ ẹwụ, di e yee kú ẹtẹẹ yị wụ. Ẹwụ waa vị ọga tụra avaba ẹyịnyara awụ ịrẹsụ nị. Ẹnịnị vi ene vee kú ẹtẹẹ yị wụ. Aza ene èe chì hi wụ, vị ọnị ọnị vee chìi hí. Aza ana àa ka o zee yị wụ, vị ọnị o vee zee yị.”

Ịrịka 24:9

Anisirẹrị vị ana hụtụ anka idu ana tụ́ ụhwọ́ ịrẹma ọnị o ba egidi kwooze avọọ. Ẹnẹ nyayịnẹ ne ziizi ọ re? Ọza ana ka o zee yọ, vị ọnị o vee zee yị, ọza ene chi hi ọ vị ọnị ozirenu va za.

Oyinyima 26:4

Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

Anigaratiya 3:16

Avọọ Óhomorihi mẹ̀ kà a ka ayị zụ nyị ka ọnị ọyị vaa mẹ̀ ịsa ọrụrụ-ọrụrụ yị Abụrahamị ọnịrị ozi anị nị. Iwe Ohomorihi ọyị kà a ka: “yị ezi ewu nịnị”, anka aza ọrụrụ, ama ọ ka: “yị ozi ewu,” ọnị ọ vị ka ọza ịnya ọ vị nị, ana vị Ikirisiti.

Oyinyima 18:18

Abụrahamị ọnọnị ọ vaa vara anẹkụra ọbanyị ana nyị ụkata nị. Avaba anẹhẹ vaa mẹ̀ aduwa ka ò zee yi ẹnị anka o mè zee yi Abụrahamị.

Aniroomi 4:11

Ụvẹvẹnẹ vị apọtẹrẹwa ka Abụrahamị ộ vịdị raà sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza nị. Dị ọ va jị ụvẹvẹnẹ ọ hụrẹ sị ayị tụra Ohomorihi nị. Ini oze ọnọọ, Abụrahamị ọ raà vị ada avaba aza ana sị ayị tụra Ohomorihi ịnị ụmẹ ẹnẹ ẹ̀ yị jị ụvẹvẹnẹ, dị Ohomorihi ọ̀ zụ za ẹngụ aza ẹnẹẹ ịrịka tụ́ ịnị ọnịrẹyịzẹyịza.

Ọyịkụra 23:22

Wàa wụ́ ịrẹyị anị nịnị, dị waa mẹ avaba ịsị mị kà nị, ọza ana àa ka ọnị aa vị ọnịvị awụ nịnị dị ẹmị rẹ vị ọnịvị anị. Ọza ene èe pè wu nịnị zyaazị di emi ree pè e zyaazị.

Anigaratiya 3:28

Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya.

Ahẹ Ụgama 72:17

Ohomorihi, navọ kwogwo asị ịrẹha ohinọyị vú pàá. Navọ àa tịị tamayị anị pooro zịna. Navọ ahịka vị anẹhẹ vaa kà a ka ò zee yị ẹnị anka o mè zee yị ohinọyị nị. Dị ẹ̀ rẹẹ mẹ̀ aduwa ka ò zee yị ohinọyị.

Ẹtore 7:9

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.

Anẹhwẹsọsị 1:3

À vẹ ya sị ụga yị Ohomorihi Ijeesu Ikirisiti Ananyị yị, ọnị ọ rẹ vị Ada anị nị. Ohomorihi ọ raà mẹ̀ ịsa ọyịza yị ẹyị ẹnẹ ẹyịrị Ijeesu sị vị ọnya. Ohomorihi ọ raà sị avaba ịsa ozoza anị ana yà ẹbẹẹba ịdị anịị yị.

Imatiwu 25:40

Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Oyinyima 30:27

Di Ịrabanị ka: Ọ̀ jẹẹ ọnị ọ̀ kà ịsa ọnya. Ọ kà ọnị mẹ̀ na zama ẹtẹ ọnị ọ sị yẹ ka Ẹnẹyịmavara ọ raà hụ agụvị Ijekọvụ mẹ ka ò zee yị ọnị.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.

Oyinyima 39:5

Hụrẹ ụmẹ ọnị Ipotihwa maanị sị sị irehi anị chire Ijosẹẹhụ ụvọ aanị, dị Ẹnẹyịmavara mẹ ka ò kukuu zee yị Anijipiti ọnọọ agụvị Ijosẹẹhụ nị. Aarẹ ọnịrị irehi anị ne beri avaba ogu anị vi ẹnẹ Ẹnẹyịmavara vana aa mẹ ka èe zoza ẹtẹẹtẹrẹ.

Oyinyima 30:30

Ọ kà dị ọnị vavẹ, ịsụpa anị aa chee aanị, ama booro aanị ệ ta rụrụ. Ọ kà ịsa tụra ịsa ọnị ọnị ọ̀ọ sị ụvọ tụra vị anị Ẹnẹyịmavara aa mẹ ka ò zoza yọ. Dị ọ ka o si tụ́ ka ọnị ọ rẹ kụkụụ tẹsị aza anị booro anị.

1 Anịkọrịntị 1:30

Ohomorihi ọ raà sị wụ nịnị ka ẹwụrị Ijeesu Ikirisiti ọ̀ vị ọnya nịnị. Ohomorihi ọ rẹ raà mẹ ka Ikirisiti ọ̀ vị ịrẹyọyẹ ayị. Ikirisiti ọ jị ịhị yị ọ́vịdị Ohomorihi nị, ọ sị yị vara aza ọnịnị Ohomorihi, ọ rẹ sị yị hị́ varẹma hụụnị avaba ịsa edivi.

Imatiwu 25:45

Ịjọnọọ dị Ohinọyị tụ́ wa ohi ka: ‘Ịzẹyịza mị kà wụ nịnị nị, ụ wẹ̀ yị mẹ mẹ̀ ẹ yị ene weyi hu ịnị aza ẹnẹnị aanị, ẹmị ụ wẹ̀ yị rẹ mẹ̀ ẹ yị nịnị avọọ nị.’

Iruuku 24:27

Dị Ijeesu ve nyima aa kà a yị wa ịrẹyị ana a kà ini oze anị tụ́ Iwe Ohomorihi nị. Ô nyima hụụnị ịsa oni Imosiisi kà huuu va ngụ ịsa ọnị ọnịsẹ nịnị kà.

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Oyinyima 24:35

Ẹnẹyịmavara ọ raà mẹ ka ò zee yị ọga anị ẹtẹẹtẹrẹ. Ọ kà ọga anị ọ sị vara ọzọbanyị. Ohomorihi ộ kụ́ ịsụpa mẹ̀ ẹ ẹyịza: atẹmẹ, ẹvụ ọnịrị imaaru. Ọ rẹ nyị ịnyaakụmị ọnịrị ịkẹrịkẹtẹ. Avọọ ọ mẹ̀ rẹ nyị igooru, isiriva, ezi ahụ ọnọrụ ọnịrị anẹẹ vị ọnị ọ rẹ nyinyi.

Oyinyima 25:11

Abụrahamị mè wusu, Ohomorihi ộ mẹ̀ ka ò zee yị Ayiziiki ozi anị. Di Ayiziiki kwẹẹtẹ na ra ọgụrị ịzị aa hị́ “Ịbẹẹrị-Ịraha-Ịrọyị” (ịkangga ọza ana yàrà eneē re mị).

Oyinyima 26:29

ka ọ yị vaa kanyị ẹnị. Ọ kà ọ yẹ ka ẹnị ẹ yị rẹ kanyị ọ, ẹnị ẹ yị mẹ̀ ẹ odivi. Ọyịza ẹnị mẹ̀ ẹ nị, dị ẹnị sị ẹngwọọrọ kà a yọ ka ọ̀ hụụ ịda ẹnịnị nị. Ẹnẹyịmavara ọ raà mẹ ka ò zee yọ.”