Oyinyima 1:21 - IWE ỌNỊNỊ

²¹ Ịzẹyịza di Ohomorihi mẹ uye ẹbanyị-ẹbanyị eneē hi ini enyi ọnịrị avaba ịsa anaā ra ini enyi beri inomi nịnị nị. Ohomorihi mè re e, ô zee e eyi.

Oyinyima 1:21 Referans Kwoze

Oyinyima 1:25

Di Ohomorihi mẹ uye ini avị evere irenyi-irenyi ọnịrị ịsụpa ne beri uye eneē tura anka evere ọzọza nị. Ohomorihi mè re e ô zee e eyi.

Oyinyima 8:19

Dị avaba evere uye nịnị, avaba evere uye eneē tura ini eteesu ne beri avaba evere inomi nịnị, mị ka avaba ịsị ẹẹ̄ zị ụsẹ ọrụrụ ịsị ee tura beri ịrẹsụ eteesu ẹ vavọọ jịnẹ hụụnị ẹpa ọnọọ nị.

Oyinyima 8:17

Ọ kà avaba ịsa ana aa tụ́ ụhwẹ ene hi ịzọọ pè e, ọ kụ́ wa jịnẹ vẹ, inomi nịnị, uye nịnị ọnịrị avaba ịsị eē tura ene ee tura ini eteesu. Ẹnịnị è nyima dị ẹ̀ẹ ma, dị ẹ̀ẹ rụrụụ hi ịnị ẹhẹ ẹtẹẹtẹrẹ nị.

Ọyịkụra 8:3

Okuha Ịnayịrị vaa vị ọnyọ-ọnyọ. Ọnyọ vị ana vaa gwẹtẹ ini eehi anị ọnịrị aku ana aā sụ́ ne beri ịbẹẹdị anị bẹẹ. Ọ kà Imosiisi ọ kà a ka ọnyọ ẹnẹẹ vi ene re vee hi ini eehi aza ene pe e sị ụvọ za ịjọva ọnịrị aza anị. Arasị anị ọnịrị ẹnya eneē sii pō ịbụrẹẹdịị yọ vị ọnị ọnyọ vee jii hi.

Ọyịkụra 1:7

Ama Anisirẹrị nịnị vị ana nyayịnẹ ha ẹnẹmẹhị. Ẹnịnị ệ rụrụ ẹtẹẹtẹrẹ dị ẹ kụkụ gwẹtẹ kẹnẹ nị.

Oyinyima 9:7

Ama ẹnyị, ẹ̀ẹ ma ezi dị ẹẹ rụrụ. Ẹ nyayịnẹ rụrụ hi ẹhẹ ẹtẹẹtẹrẹ.”

Oyinyima 7:14

Avaba uye ịnị avị irenyi-irenyi ọnịrị ịsụpa ịnị eehi irenyi-irenyi ẹnịrị Inowa nịnị ngụ ẹpa ọnọọ nị. Avọọ uye eneē tura ini eteesu irenyi-irenyi ọnịrị avaba inomi nịnị irenyi-irenyi ẹnị mẹ̀ rẹ ngụ ẹpa ọnọọ beri Inowa nịnị nị.

Oyinyima 6:20

Dị inomi ọzọza ọnịrị evere anị, uye nịnị ọzọza ọnịrị evere anị, avaba uye eneē tụra ọzọza ọnịrị evere anị e ve tu wu ịnị ẹpa ọnọọ. Dị ọ vavọọ ẹẹva di è hi ịnị ẹpa pè e, agụvị asị e sú.

Ijoovu 26:5

Aneku ene hi ini enyi iruvo ẹtẹ vị ana nyayịnẹ ee hí angwa Ohomorihi ịzọọ.

Ijoovu 7:12

M máá vị uye odivi ana yà ini òkū nị? Sị ẹ vẹ dị ụ nyị aza ka ee sere mi?

Oyinyima 1:31

Ohomorihi mẹ̀ re avaba ịsa ọnị ọ mẹ, ô zee e eyi ẹtẹẹtẹrẹ. Hụụnị ẹnẹnẹ na ngụ oruva dị ọ vị ẹkụhị ịhịnọnyị nị.

Oyinyima 1:18

dị ẹ̀ẹ zẹtẹ ọọdụ ọnịrị ịrahụ, dị ẹ̀ rẹ há ẹtohweyi ọnịrị ịrahụ hi. Ohomorihi mè re e, ô zee e eyi.

Imatiwu 12:40

Íjona mẹ̀ yà ịnịnẹ ivovo ọbanyị ọnọọ mẹ ọọdụ ẹẹta ọnịrị ịrahụ ẹẹta, avọọ Ózi ọza onigirima mẹ̀ rẹ vaa mẹ ọọ dụ ẹẹta ọnịrị ịrahụ ẹẹta ịnịnẹ ẹtẹ nị.

Ijona 1:17

Dị Ẹnẹyịmavara mẹ̀ ka ivovo ọbanyị ọnya aanị ọ mụnẹ Ijona nị. Dị ọ yà ịnị ịnẹ ivovo ọnọọ mẹ ẹkụhị ẹẹta nị.

Ezikẹẹrị 32:2

Ozi-ọza, nyayịnẹ kà ohinọyị Ijipiti ọ̀nọ̀. Kà ẹ yị ọ ka, ví o re ẹngụ anka idu avọọ ịnị akakana anẹkụra nịnị nị. Ama ọ yà anka agụgụ odivi anaa họ̀ enyi waaa, dị a sị ahụ wụ ụdọ hi enyi ọnọọ, dị ụ mẹ ka ọọ dà agụ.

Ijona 2:10

Dị Ẹnẹyịmavara mẹ̀ ọda yi ivovo ana mụnẹ Ijona ka ọ̀ na hẹrẹ ẹ tụ́ ụtọ enyi nị. Ịzẹyịza, dị ivovo ọnọọ na hẹrẹ ẹ tụ́ ịzọọ nị.

Oyinyima 1:20

Ohomorihi rẹ ka ịsa anaā ra ini enyi ọrụrụ-ọrụrụ ẹ̀ chaka hi ini enyi, di inomi nịnị eè hira ẹbẹẹba ini eguhi.

Oyinyima 1:22

Di Ohomorihi ka vi o vee zee yị wa nị. Dị ọ ka wa naa ma dị waa rụrụụ hu avọọ nịnị, dị wa gwẹtẹ hi ini enyi nịnị ọnịrị ịnị òkū. Dị inomi nịnị ẹ̀ gwẹtẹ hi ẹhẹ.

Oyinyima 9:2

Ọ rẹ ka avaba uye nịnị inomi ọnịrị ivovo nịnị vị ene vee hí angwa Inowa Ọ kà ọnị ọ raà kụ́ wa chire e ụvọ.

Ahẹ Ụgama 148:7

Ẹwụ nịnị ene hi ịrẹsụ ẹtẹ, wa kụ́ Ẹnẹyịmavara avọ nịnị. Ẹwụ nịnị uye ẹbanyị-ẹbanyị ene hi ini enyi ọnịrị avaba ịsị e hi iruvo oku ọ̀ọ kụ́ Ẹnẹyịmavara avọ.

Oyinyima 2:19

Ẹnẹyịmavara Ohomorihi ộ vịdị raà si ezi mẹ avaba uye ọnịrị inomi nịnị. Dị ọ kụ́ wa ve tù ọnọrụ ọnọọ ka ọnị ò re ịrẹha ọnị ọ vaa hị́ wa nị. Ịrẹha ọnị ọnọrụ ọnọọ ọọ hị́ uye ẹnẹẹ ọ vaa vị ịrẹha ẹnịnị nị.

Ijoovu 12:7

Ẹnịnị èe si ka ẹnị ẹ kọ ịrẹyọyẹ e ne tu ịsụpa ọnịrị inomi ini ahị.