Oyinyima 1:10 - IWE ỌNỊNỊ

¹⁰ Dị ọ ka eteesu ọnọọ ọ vị ẹtẹ, di enyi ana kụ́ gụ ọnị vị òkū nị. Ịjị Ohomorihi vavọọ re e ô zee e eyi.

Oyinyima 1:10 Referans Kwoze

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Ahẹ Ụgama 104:31

Ụbanyị Ẹnẹyịmavara vị ana vaa yà ịzọọ, dị aa jẹ ịrajẹ agụvị ụkọrọ ọnị ọ mẹ.

Oyinyima 1:4

Ohomorihi ô re ka ẹtohweyi ọnọọ ô zoza. Di Ohomorihi mẹ ẹhwị yị ẹtohweyi ọnịrị ịrahụ nị.

Ahẹ Ụgama 33:7

Ộ kụ́ enyi ini òkū gụ, ọgụgụrụgụ vene ataba Avaba enyi ini òkū, ọ wara gụ tụ́ aha ọnya nị.

Ahẹ Ụgama 95:5

Ọnị ọ rẹ nyị òkū nị, agụvị ka ọnị ọ mẹ̀ ẹ nị. Ọnị ọ rẹ sị ụvọ anị mẹ eteesu nị.

Ahẹ Ụgama 146:6

Ohomorihi ọnọọ ọ mẹ ẹbẹẹba ọnịrị ẹtẹ ne beri oku ọnịrị avaba ịsa ene hi ịnị anị nị. Ọnị ọ vị Ẹnẹyịmavara ana ahịka vị ọọ̄ mẹ ịzẹyịza pooro nị.

Ijona 1:9

Dị Ijona ka, Anihiburu ọnị vị nị. Ẹnẹyịmavara, Ohomorihi ana nyị ẹbẹẹba, dị ọ́ mẹ̀ eteesu ọnịrị oku ọnịī hẹkẹ nị.