Odeyi 9:40 - IWE ỌNỊNỊ

⁴⁰ Dị Ipita ka avaba ẹnịnị ẹ̀ jịnẹ hi ẹhẹ, di o ku ẹtẹ, dị aa mẹ̀ aduwa nị. Di o và eyi kà oku ọnọọ, dị ọ ka, “Itabita, kwẹẹtẹ!” Dị Itabita há eyi anị nị. O mè re Ipita, dị ọ kwẹẹtẹ yaayịtẹ nị.

Odeyi 9:40 Referans Kwoze

Imatiwu 9:25

Ịjị a sị aza ẹnẹẹ dụ hi ẹhẹ, dị ọ ngụ ini eehi na, dị ọ jị ụvọ chire ozi ọnọọ ụvọ nị, di ozi ọnẹẹ ọnọọ kwẹẹtẹ nị.

Odeyi 7:60

Di o ku ẹtẹ, di o nowu tụ́ ẹba dị ọ ka, “Ananyị yị, asị ụ sị ịvị ịrẹyị ọnọnị tụ́ wa ọrọkọ!” Ịjị ọ maanị sị ọọ kà, di o sú nị.

Iruuku 8:54

Dị Ijeesu dụ avaba ẹnịnị hi ẹhẹ nị. Dị ọ jị ụvọ chire ozi ọnọọ ụvọ, dị ọ hị́ ọọ nị, dị ọ ka, “Ozi ọnẹẹ, kwẹẹtẹ!”

Odeyi 20:36

Ịjị Ịpọọrụ sị ịrẹyị anị kà ta, dị ọnịrị wa ku ẹtẹ, dị ẹ mẹ̀ aduwa nị.

Iruuku 22:41

Dị ọ para wa hu na chee, di o ku ẹtẹ, dị aa mẹ̀ aduwa nị.

Ịmaakị 9:25

Íjeesu mè re ka aza wusee zwee vẹ, dị ọ mẹ da yị ụhwẹ echu ọnọọ nị, dị ọ ka, “Ẹwụ ụhwẹ, eneē gu ọza irenu ọnịrị ụtọ, maa mẹ̀ ọdaa wụ, jịnẹ hụụnị ẹngụ anị, asị ụ kụkụ varẹma ngụ ịnị ẹngụ anị!”

Odeyi 21:5

Ịjị ẹkụhị ọnị yaa mẹ ịzọọ sị gụ, dị ị hụụ ịzọọ, dị ị sị oze ayị nị. Dị avaba ẹnịnị, ose beri ezi sị yị va tụ́ huuu va para ẹkụra hu nị. Dị avaba ayị ku ẹtẹ ụtọ oku, dị ị mẹ̀ aduwa nị.

Imatiwu 6:6

Ama ẹwụ àa mẹ̀ aduwa, ngụ ini aku awụ! Wàa sị oze awụ gù, dị ụ waa mẹ̀ aduwaa hi Ada awụ ana yà aha ẹvagu! Ada awụ nịnị eneē re ẹtẹ aha ẹvagu vee sí wu atọ ịnị eyigede.

Odeyi 28:8

Ada Ipaburu vị ọnị ọvanggoro ọnịrị ijadijadi za, dị ọ hụtẹtẹẹ nị. Dị Ịpọọrụ ngụ ini eehi ne tù ọọ, dị ọ mẹ̀ aduwa, dị ọ sị ụvọ tụra a, dị ọ mẹ̀ ẹ ụkụ nị.

2 Ohinọyị 20:11

Ọnịsẹ Ayịsaya ô mẹ̀ aduwa hi Ẹnẹyịmavara, dị ọ mẹ̀ ka ụmọmọ ọ zị ụsẹ vavẹ ịrẹma ahụ ẹẹwụ ịrẹsụ ode Ahazi nị.