Odeyi 9:35 - IWE ỌNỊNỊ

³⁵ Avaba aza ana ra hi Irida ọnịrị Ịsarọnị ê re e, dị ẹ và ká Ananyị yị vẹ nị.

Odeyi 9:35 Referans Kwoze

Odeyi 11:21

Ohomorihi ộ sị ụkata yị wa ẹtẹẹtẹrẹ, dị Anigiriki ọrụrụ-ọrụrụ dọ wụ́, dị ẹ và ká Ananyị yị vẹ nị.

Odeyi 9:42

Ịrẹyị ọnọnị ộ ngụ ịrẹyị ngụ Ịjọpa zịịzị, dị aza ọrụrụ-ọrụrụ sị ayị tụra Ananyị yị nị.

1 Ịtọpa 5:16

Ẹnịnị vị ana ra hi ẹkụra ene hi ẹtẹ Ịbasanị ọnịrị Anigiriyadi; dị ẹ́ rẹ ra hi avaba ịzị aā kụ ịsụpa rị ịnị ẹtẹ Ịsarọnị nị.

Ayịsaya 35:2

Mị ka ụnọmị ẹnẹẹ vee hunẹnẹ, dị ẹngụ avaba ọchị ene hi ịnị anị tịtẹ hụtụ-hụtụ. Ịrẹbanọnị rẹ vanaa vàa nọ udi ụbanyị anị. Ataba Ịkamẹrị ọnịrị Ịsarọnị re venee hunẹnẹ di e zoza. Avaba aza vee re ụbanyị ọnịrị ụkata Ẹnẹyịmavara ana vị Ohomorihi ayị.

2 Anịkọrịntị 3:16

Ama ẹ̀ẹ và ka Ananyị yị na, dị ọ hụ̀ ịsa hụrẹ wa ayị.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

1 Ịtọpa 27:29

Isitirayi ana vị Anisaroni o si eyi pe ọkọnị imaaru ana aa kụụ rị inozi ẹtẹ Ịsarọnị nị; dị Isahwati ozi Adirayi ọnị si eyi pe ọkọnị imaaru ana aa kụụ rị inozi nị.

Odeyi 19:20

Avọọ ị́rẹyị Ohomorihi màa yaraa hu avọọ, dị aa nyị ụkata nị.

Odeyi 19:10

Ịpọọrụ ộ vavọọ mẹ̀ ẹ mẹ ịrayị ẹẹva. Dị avaba aza ana ra ịnị ẹtẹ Esiya, Aniju ọnịrị Anigiriki, wụ́ ịrẹyị Ananyị yị nị.

Odeyi 15:19

Dị Ijemiisi rẹ ka, “Ini eyi amị, ayị vọrọ ka ya kụ́ ọọ kata Anigiriki ana và ká Ohomorihi vẹ ẹngụ.

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Odeyi 4:4

Aza ọrụrụ-ọrụrụ ana wụ́ ịrẹyị odeyi nịnị ệ dọ wụ́. Ịrịka anọrụ ịnị ẹnịnị vị ẹhụụ akahị-akahị oze ẹẹhị (5,000).

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.

Ihoseya 12:6

Agụvị avọọ ẹwụ nịnị ezi Ijekọvụ sị ayị tụra Ohomorihi awụ nịnị, dị wa vaka a vẹ. Sì ịrẹyị anị, dị waa mẹ ịsẹ ẹ vọrọ, di wee zi Ohomorihi awụ nịnị pooro.

Arụwẹ 3:40

Navọ yaa zama oze ayị re, ị mẹmẹ aa ra ẹhẹ ayị, dị ye ro ịnẹ varẹma và ka Ẹnẹyịmavara vẹ.

Ayịsaya 66:8

Ẹnẹ maanị wụ́ ẹngụ ịrẹyị ọnọnị da? Ẹnẹ vavọọ re e da? Áá zụ ma ẹkụra ịnị ẹkụhị ọnya? A vị ọza ọ zụ dọ ẹkụra ha ịnị aba ọnyọọnya?

Ayịsaya 65:10

Yị aza amị anaa hẹkẹ mị, ẹtẹ Ịsarọnị vaa vara ịzị atẹmẹ aa rị, dị inozi Aakọ vị aha ịzị ịsụpa vaa sụ́tẹtẹẹ hi.”

Ayịsaya 33:9

Ẹtẹ ọnọọ kụkụ vi osusu tịtẹ kẹnẹ, ẹ yị kụkụ nyị ọza ịnị anị. Avaba ọchị ene hi ini iriku Ịrẹbanọnị ẹ kụ́ wọrọ. Ini ozi Ịsarọnị ana vịdị maanị zoza ọ kụkụ sị vara ọpaapara. Ọchị ene hi ịnị ataba Ịbasanị ọnịrị Ịkamẹrị ẹ kụ́ wọrọ avị.

Ayịsaya 31:6

Ẹwụ nịnị Anisirẹrị, wa raà mẹ̀ ebira odivi hi Ohomorihi nịnị. Navọ wa varẹma ka a na nịnị.

Ahẹ Ụgama 110:3

Ịhị ịrẹkụ òo si tù, isoja awụ vaa si ịnẹ ohinee kwẹẹtẹ nọ ịrẹkụ. Ẹnịnị vị ana vaa sị ụbanyịị mẹ awuruu chire. Anka eguhi mèe chiree kú ataba ẹnẹnẹ avọọ, avọọ ezwọọmụha awụ mẹ̀ vaa vẹ vee tù wu nị.

Iwe Ọhụhị Imosiisi ana aa hị́ Ọyịvatụrọda 4:30

Ụmẹ ọnị ụya aa rị wa, dị ẹngụkata ẹnẹnị ee tù wa nị, ịjọnọọ ẹ vaa varẹma ka Ẹnẹyịmavara na, dị ẹ wụ̀ chire e.

Ijowẹrị 2:13

Ẹnịnị ẹ̀ sị ịzẹyịza zị ẹngụ, ọnị ọ mẹ huu ka e na achị ẹnịnị hi ẹngụ ka ẹnị aa ba arụwẹ nị. Ẹnẹyịmavara kà ẹ varẹma vẹ ịda anị ana vị Ohomorihi ẹnịnị. Ọnịị̄ vayị ọza ẹtẹẹtẹrẹ, dị ọnịị̄ ngwayịi ọza nị. Ọnịị̄ sị ẹngụ dọ ịrẹyị, dị ọnịị̄ sị ụvọ za oto anị nị; dị ọnịị̄ vagu ọza ana aa mẹ̀ ebira odivi, dị ọnị ẹ yi sị ụya rị ọ.

1 Ịtọpa 8:12

Eripaarị ộ ma ezi ọnọrụ ẹẹta ana aā hị́ Ẹba, Imisami, ọnịrị Ịsẹmẹdị. Ịsẹmẹdị ọnọnị ọ vị ọnịpaapa ana ra ẹkụra ana aā hị́ Ono ọnịrị ẹkụra ana aā hị́ Irodi beri ẹkụra eweyi-eweyi ana kara wa nị.

Ẹzịra 2:33

Anirodi, Anihadidi, ọnịrị Anono vị akatarẹchẹhị tụra ohurẹẹhị (725).

Inehemaya 7:37

Anirodi, Ihadidi ọnịrị Anono vị akatarẹchẹhị tụra ohurọnya (721).

Inehemaya 11:35

ẹnyị ịnị ẹnịnị vị ene hi Irodi ọnịrị Oono beri inozi ọnị ọnụkọrụvọ nịnị ra hi.

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Odeyi 9:34

Dị Ipita kà a yọ ka, “Eniyasi, Ijeesu Ikirisiti ọ sị wụ mẹ ụkụ booro aanị. Kwẹẹtẹ we tenyi ẹngụ awụ!” Obooboro, dị Eniyasi kwẹẹtẹ nị.