Odeyi 9:17 - IWE ỌNỊNỊ

¹⁷ Dị Ananịya na, dị ọ ngụ irehi ọnị Ịsọọrụ yà, dị ọ sị ụvọ tụra a nị. Dị ọ ka, “Ịsọọrụ ẹnẹbẹnị ayị, Ananyị yị ọ tụ́ mị hi wu nọ. Ijeesu ọnị ụvọta m maa kà nị, ana sị ẹngụ zụ̀ wụ óze, ụ màa vẹ ịzẹnị. O ka ma vẹ, di eyi awụ ọ̀ varẹma há, dị Ụhwẹ Ọnịnị ọ̀ rẹ dọ avaba ayị awụ!”

Odeyi 9:17 Referans Kwoze

Odeyi 8:17

Dị Ipita ọnịrị Ịjọọnụ sị ụvọ tụra wa, dị ẹ dọ Ụhwẹ Ọnịnị nị.

Odeyi 6:6

Dị ẹ kụ́ wa nọ ịdị odeyi nịnị nị. Dị odeyi nịnị mẹ̀ aduwa yị wa, dị ẹ sị ụvọ tụra wa nị.

Odeyi 2:4

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

1 Itimoti 5:22

Asị ụ há eyi sị ụvọ tụra ọza, dị ụ wa mẹ̀ aduwaa yọ. Asị ụ na bẹ tụ́ ịnị ịvị ọza ẹnẹsa! Re ka wáa nyị ayị ọnịnị!

Odeyi 13:52

Ezirẹma ene hi Antịyọkị ệ nyị inohine ẹtẹẹtẹrẹ. Dị Ụhwẹ Ọnịnị dọ avaba ayị ẹnịnị nị.

Anihiburu 6:2

Ẹ́ yị nyị ka ye re ne nyima dị yaa zụ̀ wụ nịnị ịrẹyị ọyịhwọzenyi, ọnịrị a mẹmẹẹ̄ sị ụvọọ tụra ọza ịrẹsụ, beri ịrẹyị oku ọyị ha hụụnị isu, ọnịrị ọkarẹyị anaa vẹ ụmẹ ọdịrẹma.

Ihwirimọnị 1:16

Ẹ́ yị kụkụ vị ọrịhị awụ kẹnẹ Onesimọsị vị, o si huna ọrịhị yị wụ. Ọyịnyara ayị ini Ikirisiti ọ kụkụ vị nị. Ịsa obooro ọ vị mị nị; máa yẹ ka ọ vaa vị ịsa obooro hu avọọ yị wụ anka ọza, dị ọ rẹ kụkụ va vị ọdọwụ bẹẹ.

2 Itimoti 1:6

Agụvị avọọ, mee sì ka wa tamayị ụkata oni Ohomorihi sị wụ, m mẹ̀ sị ụvọ tụra wụ, dị mị mẹ̀ aduwaa wụ. Waa sị ụkata ọnọọ mẹ̀ ịsaa hu avọọ.

1 Itimoti 4:14

Asị ụ navọ ụkata ọnị Ụhwẹ Ọnịnị sị wụ tịtẹ! Wáa yẹ ka ọ́nịsẹ nịnị mẹ̀ kà ịrẹyị, dị azọkụ ịragụ Ohomorihi sị ụvọ tụra wụ dị ẹ mẹ̀ aduwa, Ụ́hwẹ Ọnịnị sị ụkata ọnọọ yị wụ nị.

1 Anịkọrịntị 15:47

Eteesu asị mẹ ọnịpaapa nị, ama ọnụpọhụva ọnị vị ana hụrẹ ẹbẹẹba vẹ.

1 Anịkọrịntị 15:8

Ọdịrẹma anị keekere, dị ẹmị re re e nị. Ẹmị vị ana sị mẹẹ anka ịrẹẹ anaa wọrọ avọọ.

Aniroomi 15:7

Waa za ẹngụụ gụrị ẹngụ nịnị, anka Íkirisiti mẹ̀ za wụ nịnị gụrị ẹngụ, dị aza ẹ̀ zụụ sị ụgaa yị Ohomorihi.

Odeyi 26:15

Dị mị ka, “Ẹwụ ẹnị ọ vị, Ananyị yị?” Dị ọ ka, “Ẹma vị Ijeesu ọnị ụ waa sị ụyaa rị nị.

Odeyi 21:20

Ẹ mẹ̀ wụ́ ọọ, dị ẹyaa sị ụgaa yị Ohomorihi nị. Dị ẹ kà a yị Ịpọọrụ ka, “Ẹnẹbẹnị ayị, wê re, ọ mẹ̀ yà avọọ. Aniju ọrụrụ-ọrụrụ ẹ sị dọ wụ́. Ẹnịnị vị ana nyayịnẹ sị ụvọ za ọda Imosiisi ẹtẹẹtẹrẹ.

Odeyi 19:6

Dị Ịpọọrụ sị ụvọ tụra wa, dị Ụhwẹ Ọnịnị dọ avaba ayị ẹnịnị, dị ẹyaa sị ẹkụra ọsaa kà ịrẹyị, dị ẹyaa kà ịsẹ nị.

Odeyi 13:3

Dị ẹ za awẹ, dị ẹ mẹ̀ aduwa, dị ẹ sị ụvọ tụra Ịbanabasị ọnịrị Ịsọọrụ, dị ẹ kụ́ wa nyaatụ nị.

Odeyi 10:36

Wâ yẹ ụtụ oni Ohomorihi tụ́ hi Anisirẹrị nịnị. Ini oze Ijeesu Ikirisiti, ộ kà enube ọyịza ẹngwọọrọ yị aza. Ijeesu ọnọọ ọ nyị avaba ịsa nị.

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

Iruuku 15:32

 vọrọ ka yaa rị eche, dị yaa mẹ inohine, agụvị ka ọyịnyara awụ ọnọnị ô sú, ọ rẹ sị yara; ô vú, ya sị ọọ hèe.’ ”

Iruuku 15:30

Ama ozi ewu ọnọnị vị ana kụ́ ogu awụ, di o ne du ọọ ha ị́dị ọsẹrẹka nịnị. Ọ mẹ̀ yị vẹ kẹnẹ, dị ụ wụsẹ wụ imaaru ọbanyị ọnọọ yọ nị.’

Iruuku 2:11

A sị ozi ọnya ma yị wụ nịnị ajịnị tụ́ ịnị ẹkụra Idevidi. Ozi ọnọọ ọ vị Ọdọzaha nị, ọnị ọ vị Ikirisiti Ananyị yị nị.

Iruuku 1:76

Ẹwụ ozi emi, ọnịsẹ Ohomorihi ana yà ẹbẹẹba keekere a vaa hị́ wụ nị. Ẹwa vaa dọ ọvịdị Ananyị yị, di u we ne tenyi oze tịtẹ zí ọọ nị;

Ịmaakị 6:5

Ijeesu ọ yị nyẹngụ mẹ̀ ụkọrọ ohyozirenu ịzọọ, ẹ̀ yị vị ọnịkụ chee aanị kẹnẹ, ọnị ọ sị ụvọ tụra, dị ọ mẹ wa ụkụ nị.

Imatiwu 19:13

Aza ẹnyị aanị ệ kụ́ ezi eweyi ká Ijeesu vẹ ka ọ̀ sị ụvọ tụra wa, dị ọ̀ mẹ̀ aduwa yị wa. Dị ezirẹma anị aa tụ́ aza ẹnẹẹ ohuvọ nị.

Oyinyima 45:4

Di Ijosẹẹhụ kà a yị ẹnẹbẹnị anị nịnị dị ọ ka, “Aarịhịnị ẹ̀ kà pè ọnị.” Ịzẹyịza dị ẹ kà pè e nị. Di Ijosẹẹhụ rẹ ka, “Ọnị ọ vị Ijosẹẹhụ ọhụva ẹnịnị ẹnị ẹ ná yị ọza ana aa nọ Ijipiti nị.

Ịmaakị 5:23

Dị aa dá ịpẹẹ yọ ẹtẹẹtẹrẹ nị ka, “Ozi emi ọnẹẹ aa mẹrị isu. Aarịhịnị, va sị ụvọ tụra a, dị ẹngụ anị ọ̀ nịya ụvị ọ̀ nyẹngụ yàra!”

Iruuku 1:41

Érizabẹẹtị mẹ̀ wụ́ ka Imeri ộ kụ́ ọnị, di ozi ana yà ịnị ịnẹ Erizabẹẹtị henyi nị, dị Ụhwẹ Ọnịnị dọ avaba ayị Erizabẹẹtị nị.

Iruuku 1:67

Ụhwẹ Ọnịnị ộ dọ avaba ayị Ịzakaraya, ada Ịjọọnụ, dị aa kà ịsẹ nị, dị ọ ka:

Odeyi 9:18

Obooboro ọnọọ, dị ịsa ẹnyị aanị anka iguha ivovo avọọ hụrẹ hụụnị eyi Ịsọọrụ, di o kuku ee re ẹtẹ nị. Dị ọ kwẹẹtẹ jẹẹ, dị a mẹ̀ ọyịhwọzenyi yọ nị.

1 Anịkọrịntị 9:1

Ẹ yị nyị ịsị ẹ za mị ka asị mị mẹ̀ ịsa ene zé mi eyi. Ụ wáá ka wẹ yị yẹ nịnị ka ezirẹma Ijeesu mị vị nị? Mâ sị eyi amị ọnọnị re Ijeesu Ananyị yị. Ẹwụ nịnị ụvọta vị ụkọrọ ụvọ amị ọnị maa mẹẹ yị Ananyị yị.

2Ipita 3:15

Yẹ nịnị ka iruvo ana Ananyị yị sị nyị isuuru ọ vị ka we re oze há nịnị nị! Avọọ gẹdẹ-gẹdẹ Ị́pọọrụ ẹnẹbẹnị ayị oni i sí ịrẹyị anị, mẹ̀ chẹrẹ iwe tụ́ hi wu nịnị nị. Ohomorihi ọ vavọọ sị ịrẹyọyẹ yọ nị.