Odeyi 9:11 - IWE ỌNỊNỊ

¹¹ Dị Ananyị yị kà a yọ ka, “Kwẹẹtẹ dị ụ wa nọ oze ana aā hị́ ‘Oze Ọvọrọ’, dị ụ wa nọ ini eehi Ijudasi, di u we họ̀ use ọnọrụ ọnya ana hụrẹ Ịtasọsị vẹ ana aā hị́ Ịsọọrụ. Re, aa mẹ̀ aduwa booro aanị.

Odeyi 9:11 Referans Kwoze

Odeyi 22:3

“Aniju mị vị nị. Ịtasọsị a yà ma mị nị ini Isirisiya. Ijerusarẹmị a yà pá mị; dị ahịka Igamariyẹẹrị aa zụ̀ mị ịsa nị. Ộ sị ọda ohiku ayị nịnị zụ̀ mị ẹtẹẹtẹrẹ. Ẹma rẹ sị ayị yị Ohomorihi ẹtẹẹtẹrẹ, anka avaba ẹwụ nịnị mẹ̀ rẹ sị ayị yọ ịnị ụmẹ ọnọnị aanị.

Odeyi 21:39

Dị Ịpọọrụ ka, “Aniju mị vị nị. Ẹkụra Ịtasọsị ịnị ẹtẹ Isirisiya a yà ma mị nị. Mẹ yị vị anẹkụra ịyẹyẹ. Aarịhịnị, jẹẹ ma kà ịrẹyị yị aza ẹnẹnị.”

Odeyi 9:30

Ịjị ọdọwụ nịnị ana vọ sị yẹ, dị ẹ sị Ịsọọrụ chí na ngụ Isesariya, dị ẹ ka ọ̀ọ nọ Ịtasọsị nị.

Odeyi 11:25

Dị Ịbanabasị nọ Ịtasọsị ka oni ò ne sì Ịsọọrụ nị.

Odeyi 11:13

Dị ọ kà a yị ka oni ô re anggẹẹrị ka ọ jẹẹ ini eehi anị. Dị ọ ka ộ kà a yị ọnị ka ọnị ọ̀ tụ́ aza nọ Ịjọpa, dị ẹ̀ na hị́ ọza ịnya ana aā hị́ Ịsayịmọnị, ọnị ịrẹha ẹtẹ anị rị Ipita, va ini eehi anị,

Odeyi 8:26

Anggẹẹrị Ohomorihi o ve tù Ihwiripi, dị ọ kà a yọ ka, “Kwẹẹtẹ, dị ụ wa nọ eyi ụvẹtẹ na zị oze ene chí hụrẹ Ijerusarẹmị na ngụ Igaza!” Ịnị ụnọmị ịzọọ vị nị.

Odeyi 2:21

Ịnị ụmẹ ọnọọ, ọza tụra ọza ana àa hị́ Ohomorihi Ananyị yị, ọ vaa dọ ọ há.”

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Iwe Ọhụhị Imosiisi ana aa hị́ Ọyịvatụrọda 4:29

Ịnị ẹkụra ẹnẹẹ, ẹnịnị vee si Ẹnẹyịmavara Ohomorihi ẹnịnị, ẹ̀ ẹ sị avaba ayị ẹnịnị si ọ, e vee re e.

Ịjọọnụ 4:10

Dị Ijeesu re tụ́ ọ ohi, dị ọ ka, “À kà ka wâ yẹ ẹyịza oni Ohomorihiī sịị yị ọza, dị ụ rẹ yẹ ọza ana kà ka wa ká enyi yị ọnị di oni ò hú nị, ẹwụ rẹ yaanị dá ịpẹ yọ, dị ọ yaanị sị enyi anaā mẹ ka ọza ọ̀ yàra yị wụ.”

Odeyi 8:22

Ro ịnẹ varẹma hụụnị ariro odivi awụ ọnọnị, dụ wa mẹ̀ aduwa hi Ohomorihi ka ọ̀ọ zụ vagu wu ịnị ịrẹyị oni u ro aanị!

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.