Odeyi 8:26 - IWE ỌNỊNỊ

²⁶ Anggẹẹrị Ohomorihi o ve tù Ihwiripi, dị ọ kà a yọ ka, “Kwẹẹtẹ, dị ụ wa nọ eyi ụvẹtẹ na zị oze ene chí hụrẹ Ijerusarẹmị na ngụ Igaza!” Ịnị ụnọmị ịzọọ vị nị.

Odeyi 8:26 Referans Kwoze

Odeyi 5:19

Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka:

Anihiburu 1:14

Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.

Odeyi 27:23

Anggẹẹrị Ohomorihi ana nyị mị, ọnị maa hẹkẹ, ộ jẹẹ pe mi ịrahụ”,

2 Ohinọyị 1:3

Ama anggẹẹrị Ẹnẹyịmavara ộ kà a yị Erija ana vị ọnịsẹ hụrị ẹtẹ Itisibi ka, ò ne tu ọnụtụ ohinọyị Ahaziya ẹnẹnị, dị ọ̀ họ̀ wa ka: Sị ẹ vẹ di e si hu aà naa zama ẹtẹ idi Ịbaarị-Izebubi, ori Anekironi nịnị? Ọ kà agụvị ka ê rò o ka ẹ yị nyị ori ịnị ẹtẹ Ísirẹrị wáá yọ?

Odeyi 12:23

Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Odeyi 10:7

Dị anggẹẹrị ene ee pe e kà ịrẹyị, si hu nị. Dị Ịkọnẹrịyọsị hị́ ezi ahụ anị ẹẹva beri isoja ọnya ana rẹ nyị ahẹkẹ, ana aa mẹ̀ ụkọrọ yị Ịkọnẹrịyọsị ọnị ụvọta.

Ịzakaraya 9:5

Anẹkụra Asikeroni vee re e, dị angwa ee hi wa. Anẹkụra Igaza vee re e dị ọ zị wa ẹngụ ẹtẹẹtẹrẹ. Avọọ ọ mẹ vaa zị anẹkụra Ekironi agụvị ka ịsị e si eyi tụra vaa ta. A vaa wụ̀ ohinọyị Igaza. Asikeroni vị ana vaa tụ osusu.

Ijosuwa 15:47

Asidodi beri ẹkụra ẹbanyị ẹnịrị eweyi-eweyi ene hi ịzọọ; Igaza beri ẹkụra ẹbanyị ẹnịrị eweyi-eweyi ene hi ịzọọ; na ngụ ini okuha ana yà ẹhwị ẹtẹ Ijipiti, ọnịrị ụtọ-ụtọ Òkū Imeditareniya.

1 Ịtọpa 22:16

Ẹ nyẹngụ sị igooru ọnịrị isiriva beri enyusẹ ana vọ mẹ ụna. Ọ kà Isoromọnị ò ne nyima ụkọrọ ọnọọ booro aanị. Ẹnẹyịmavara ọ̀ navọ ọ̀ yà a ịrẹma.

Ijosuwa 13:3

hụrị irehu Isihoni ana ya eyi ịzị ọyịị̄ zịị vẹ ịnị ẹtẹ Ijipiti na ngụ eyi ẹbẹẹba ịnị ẹtẹ Ekironi ana a kà a ọnị vị ẹtẹ Anikenaani. Anihwirisiti nini ẹ nyị ohinọyị ẹẹhị ana ya Igaza, Asidodi, Asikeroni, Igati, ọnịrị Ekironi ne beri Awimi.

Oyinyima 10:19

Ẹtẹ Anikenaani ộ hụrẹ Ịsịdọnị ẹbẹẹba ózee Igera dị ọ na pooro na ngụ ẹkụra Igaza nị. Ọ rẹ zi oze Isodọmị, éyi ọnị ọyị azị hụrẹ Igomora, Adima ọnịrị Izeboyimi vavọọ na ngụ ịzị aā hị́ Irasa.

Odeyi 8:5

Ihwiripi ô chí nọ ẹkụra ọbanyị Ịsamarịya, dị ọ na kà enube ọyịza Ikirisiti yị anịzọọ nị.

Odeyi 8:29

Dị Ụhwẹ Ọnịnị kà a yị Ihwiripi ka ò tere pe ịkẹkẹ ọnọọ, dị ọnị rị ọọ ẹ̀ẹ na nị.