Odeyi 8:23 - IWE ỌNỊNỊ

²³ Mâ yẹ ka ụhị ọyịkụ ọ sị ngụ ịnị ayị awụ ẹtẹẹtẹrẹ, ịvị ọ sị wụ sụ́ orupa.”

Odeyi 8:23 Referans Kwoze

Ayịsaya 58:6

Awẹ ọnị ọnị sì yị: ẹnịnị ẹ hụrẹ aza ẹnẹ ẹ sị akụvị mẹ ẹvaya yị ụvọ. Ẹ sị ọkẹkẹrẹ hụụnị ọbẹ ẹnịnị, dị ẹ navọ wa.

Ụhịrẹyị 5:22

Ebira odivi aza ọhịmị vị anaa va ịrẹpa ee zi wa. Ebira ịvị ọnị ẹ yaa mẹ̀ ọ vị ọha ana za wa nị.

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

Ịjọọnụ 8:34

Dị Ijeesu va kà a yị wa ka, “Ịzẹyịza m maa kà a wụ nịnị nị, ọza tụra ọza ana àaā mẹ ịvị, vị ọrịhị ịvị.

2Ipita 2:19

Ẹyaa kà a yị aza ka ẹ vaa nyị ẹngụ ẹnịnị, ama ẹnị ana aa kà a, yị vị ọrịhị ịvị ana vaa wụ̀ wa. Ịsa tụra ịsa ana àa sị ẹbẹẹba ọza nyị, ọ sị vara ọrịhị ịsa ọnọọ.

2Ipita 2:4

Anggẹẹrị nịnị mẹ̀ mẹ ịvị, Ohomorihi ẹ́ yị sị vayị ẹnịnị. Vị ọ sị wa, dị ọ kụ wa va hi ini ẹkụra ịra nị. Â sị ẹba sụ́ wa tụ́ ịnị ịrahụ ruma-ruma ịzọọ. Ịzọọ ẹ vaa yà pooro nee tù ẹkụhị ọkarẹyị nị.

Ịtayịtọsị 3:3

Yáa yẹ ka ẹyị nyẹmba vịdị vị ọnụra, dị ị rẹ vị anakamawụ, di e reè vene yi nị. Dị yaa hẹkẹ ịsa edivi ọnị ọchẹngụ ayịị̄ sì, dị ị rẹ dụ ọda ụbanyị ẹhẹ ọnọnị ọyịmẹ̀ nị. Ịị̄ vịdịị mẹ̀ ebira edivi, dị yaa mẹ eyọhụrẹ, dị yaa kụ́ ayị aza, dị ị hyakụ aa kụ́ ayị ẹngụ bẹẹ nị.

Arụwẹ 3:19

Ariro ịrẹyị ụya ọnị ọnị aa rị, ọnịrị ọyị vachi vahịrẹ anị, vị ana sị mẹẹ anka ọza o rere hú ẹchịpa avọọ nị.

Arụwẹ 3:5

Ọ raa kụ́ ẹngụkata ọnịrị ụya ọngwọọngụ tu ọnị zị oze eyi ẹnyị eyi ọsa.

Ijeremaya 9:15

Avọọ, sị ụtọ pe ẹtẹ dị wa wụ ịsị ọnị, Ẹnẹyịmavara Ochẹtẹẹngụ, Ohomorihi Anisirẹrị nịnị vaa mẹ; ọnị vaa sị ịsa ọnyịrẹyị yị aza anịị rị, dị ọnị sị enyi ana nyị ẹchịpa yị wa ka è hú ọ.

Ijeremaya 4:18

Ebira ọnị ẹwụ nịnị Anijuda aa mẹ ọ kụ ọsọnị tu wu nịnị aanị nị. Ebira odivi awụ nịnị ọ kụ ụya ọngwọọngụ ọnọnị tu wu nịnị nị. Ọ sị ụ nịnị ta ụnava na za ayị.

Ayịsaya 28:22

Ụ màa wụ́ ịrẹyị ọnọnị nịnị aanị, asị ụ mẹ̀ isiya nịnị. Wàa sị mẹ̀ isiya nịnị, ẹ yị nyị ịsị aa mẹ dị wa zụ há ịnị ịrẹkụ ọnọọ nịnị. Ẹnẹyịmavara Ochẹtẹẹngụ ọ raà kà a mị ka ọnị ọ sị ọ kà ka à wụ̀ avaba aza ene hi ịnị ẹtẹ ọnọọ.

Ahẹ Ụgama 116:16

Ẹnẹyịmavara, ozi ahụ mị vị nị, ẹ yị vị ka vị a nyị ịsị ẹmị yà ịnị anị nị. Ozi ọnẹẹ ana vị ozi ahụ awụ mị vị nị. Wa raà tụ̀ mị hụụnị ẹba ana a sị tụ́ mị.

Ijoovu 20:14

Ịjị o tu wa ịnẹ, dị ọ nyị ịrẹyị anka ẹchịpa.

Anẹhwẹsọsị 4:31

Asị ụ rẹ̀ kụkụ nyị ẹngụrẹyị ọnịrị ọyịkụ nịnị! Asị u rè nowu kú ẹngụ nịnị, asị ụ rẹ̀ rẹ kụ̀ ẹngụ ụhụ nịnị! Hụụnị avaba ebira odivi nịnị!