Odeyi 8:22 - IWE ỌNỊNỊ

²² Ro ịnẹ varẹma hụụnị ariro odivi awụ ọnọnị, dụ wa mẹ̀ aduwa hi Ohomorihi ka ọ̀ọ zụ vagu wu ịnị ịrẹyị oni u ro aanị!

Odeyi 8:22 Referans Kwoze

Anihiburu 4:12

Yáa yẹ ka ịrẹyị Ohomorihi vị ana yára. Ọ́ọ nyị ụkata, ọ́ọ rẹ́ huna ụhwọ onyeyi ẹẹva. Ọọ̄ yẹrẹ ịsaa hụrị oze, dị ọ na huuu na ịzị ayị ọnịrị ụhwẹ na gẹ. Dị ọ na ngụ ịzị ẹgẹ ẹngụ ọnịrị ụhị nịnị na gẹ. Avaba ịsị ọza èe ro ịnị ayị anị, dị ọ sị ọ tụ́ ẹhẹ.

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

Aniroomi 2:4

Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị?

Odeyi 17:30

Ụmẹ ana aza ẹ̀ yị sị yẹ ịsa ẹnẹnị, Ohomorihi ọ raà sị eyi jịnẹ ẹ. Ama booro aanị, ọ raà mẹ ọda ka avaba aza avaba aha è ro ịnẹ varẹma.

Odeyi 9:11

Dị Ananyị yị kà a yọ ka, “Kwẹẹtẹ dị ụ wa nọ oze ana aā hị́ ‘Oze Ọvọrọ’, dị ụ wa nọ ini eehi Ijudasi, di u we họ̀ use ọnọrụ ọnya ana hụrẹ Ịtasọsị vẹ ana aā hị́ Ịsọọrụ. Re, aa mẹ̀ aduwa booro aanị.

Ẹtore 2:21

Ọnị ô sị oze yọ ka ò ro ịnẹ varẹma hụụnị ịrẹkọyịsẹ anị, ama ọ yị dọ ka oni ò ro ịnẹ varẹma.

Odeyi 8:20

Dị Ipita tụ́ ọọ ohi, dị ọ ka, “Ẹwụrị ẹkẹhị awụ ò vu ẹtẹ, agụvị ka wê ro o ka a nyẹngụ sị ẹkẹhị hị́ ẹyịza Ohomorihi.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Ijona 3:9

Ẹnịnị ẹ̀ẹ vavọọ mẹ̀, ẹnẹ yẹ̀ ẹyịyara ayị Ohomorihi vaa rọ, dị ọ va hụụnị ọyịkụ anị, di o yi vu ẹnị ẹtẹ.

Ijona 1:6

Ohirẹsụ anụkọrọ ẹpa ọnọọ ô nee tù Ijona ịzọọ, dị ọ hā a kwẹẹtẹ nị. Dị ọ ka, ọ̀ mẹmẹ nyẹngụ maanị aa sụ̀ ara isu? Dị ọ ka ọ kwẹẹtẹ dị ọnị ọ rẹ hị́ ori ịrẹsụ anị ka ọ̀ va gụ ẹnị ụvọ nị. Dị ohirẹsụ ẹpa ọnọọ kà, ẹnẹ yẹ, ẹyịyara ọ vaa vayị ẹnịnị, dị ọ dọ ẹnị ha hụụnị ụvọ opomi ọnọnị.

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

Emọsị 5:6

Ẹnẹyịmavara kà Isirẹrị ẹ varẹma ka ọnị vẹ. Agụvị avọọ ọnị vee hị́ wa hụrẹ ẹtẹ anka ịra mẹ rị ịsa avọọ nị. Ịbẹtẹrị ẹ yị vee re ọza ana vọrọ ka ọ dọ ọ tụ

Ụhịrẹyị 24:9

Avaba eto ọnị ọnụra aa mẹ̀ vị ọhịmị. Aza vị anaā nyị ịhyẹrẹ ọza anaa sị ọzaa mẹ enyinyi.