Odeyi 8:10 - IWE ỌNỊNỊ

¹⁰ Avaba anẹkụra ọnọọ saka-saka vị ana sị ụtọ pe e. Ẹ ka ọnị ọ vị Ụkata Ohomorihi ọnọọ ana aā hị́ “Ụkata Ọbanyị” nị.

Odeyi 8:10 Referans Kwoze

Ijeremaya 31:34

Ọ kà, ọza ẹnyị ẹ́ yị kụkụ vaa kọ ọ yị ọsa ka ọ̀ yẹ Ẹnẹyịmavara, agụvị ka avaba ẹnịnị vaa yẹ ọnị, hụụnị ozweyi ẹnịnị na ngụ ọzọkụ. Ọ kà ọnị vaa vagu avaba akụvị ẹnịnị, dị ọnị ẹ́ yị kụkụ tamayị ebira odivi ẹnịnị.

Ẹtore 13:3

Di mi re ịnị ịrẹsụ uye ọnọọ ka a mẹ̀ tụ̀ ọọ ụnava, ọ sị vọ chee à sị ọọ wụ nị. Ama ụnava odivi anị ọnọọ ọ́ọ ta. Ịrẹyị uye ịnị avị ọnọọ óo hí avaba anẹhẹ irenu, dị ẹyaa saasaa nị.

2Ipita 2:2

Aza ọrụrụ-ọrụrụ vaa saasa ebira kẹnẹ-kẹnẹ ẹnịnị, dị ẹ mẹ ka aza ẹ̀ẹ kà ịrẹyị odivi oze ịzẹyịza Ohomorihi.

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

2 Anịkọrịntị 11:19

Ịrẹyọyẹ ọnị ụ nyị nịnị, ọ mè ka wa dọ yị ọnụra nịnị nị.

1 Anịkọrịntị 1:24

Ama aza oni Ohomorihi sị hị́ kẹnẹ, ẹ̀ẹ vị Aniju, ẹ̀ẹ vị Anigiriki, ẹ́ẹ yẹ ka Ikirisiti vị ụkata ọnịrị ịrẹyọyẹ Ohomorihi.

Odeyi 28:6

Dị anịzọọ sị eyi pe Ịpọọrụ ka ee vee wù, à vị ka dị ọ̀ hụrẹ nya ẹtẹ di ò sú nị. E mè re e pooro, dị ẹ̀ yị nyị ịsị ẹ mẹẹ, dị ẹ sị ayị vara, dị ẹ ka ori Ị́pọọrụ vị nị.

Odeyi 14:11

Ịjị aza ẹnẹẹ re ịsị Ịpọọrụ mẹ, di e nowu zẹtẹ ịnị ẹkụra Irakoniya ka, “Ori nịnị ẹ zị vara ọza chí vẹ ịdị ayị!”

Ijona 3:5

Ịjị Anininivẹ nini wụ́ enube ọnọnị, dị ẹ dọ Ohomorihi wụ́, dị ẹ̀ nọ̀ ọ ka ọzọza ọ za awẹ agụvị avọọ nị. Dị ọzọkụ hi ozweyi ẹnịnị kụ ẹnya anaā sịị zụ ka ẹ yaa zị ẹngụ nị.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ijeremaya 42:1

Ijeremaya ka avaba ẹnị ọdọvịdị isoja, beri Ijohananị ozi Ikareya ọnịrị Azariya ozi Ihosaya, ệ kụ aza irenyi-irenyi ve tu ọnị,