Odeyi 8:1 - IWE ỌNỊNỊ

¹ Ịsọọrụ yà ịzọọ, ộ sị ụvọ tụ́ ọọ ka à wụ Isitivini. Ịhị ọnọọ gẹdẹ-gẹdẹ, ê nyima aa sị ụyaa rị anịragụ Ohomorihi ene hi Ijerusarẹmị ẹtẹẹtẹrẹ. Avaba ọdọwụ nịnị vị ana gara hi avaba ẹkụra Ijudiya ọnịrị Ịsamarịya. Apositeri nịnị kẹnẹ ẹ vọ tụ́ Ijerusarẹmị nị.

Odeyi 8:1 Referans Kwoze

Odeyi 22:20

A mẹ̀ hyakụ aa wụ Isitivini onivenu awụ, mâ jẹẹ ịzọọ, dị mị sị ụvọ tụ́ ini isu anị nị. Ẹma hyakụ sị eyi pe ịta aza ana aa wụ ọọ nị.’

Odeyi 7:58

dị ẹ sị ọọ nọ ịrẹma ẹkụra, dị ẹyaa kụ̀ ọọ ịrẹta nị. Di onivenu nịnị kụ́ ịta ẹnịnị yị ozwọọmụha ọnya aanị ana aā hị́ Ịsọọrụ ka ò sị eyi pe e nị.

Odeyi 5:40

Anikootu ệ dọ ịrẹyị anị, dị ẹ hị́ odeyi nịnị ngụ eehi, di e tụ́ wa ịjapa, dị ẹ mẹ ọda yị wa ka asị ẹ vana kà ịrẹyị ịnị ịrẹha Ijeesu nị. Dị ẹ hụrẹ wa ụvọ nị.

Odeyi 5:33

Ịjị anikootu maanị wụ́, ayị ẹnịnị ọ sị tụ̀, ana ahịka ẹnịnị ê sì ka ẹnị ẹ̀ wụ odeyi nịnị.

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 8:14

Apositeri nịnị ene hi Ijerusarẹmị ệ wụ́ ka Anịsamarịya nịnị ẹ sị ịrẹyị Ohomorihi dọ, dị ẹ tụ́ Ipita ọnịrị Ịjọọnụ nọ ịdị ẹnịnị nị.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Odeyi 8:4

Ọdọwụ nịnị ana gara hi, ệ nọ avaba aha, dị ẹyaa kà enube ọyịza nị.

Ịjọọnụ 15:20

Tamayị ịrẹyị ọnị mị vịdị kà wụ nịnị ka ozi ahụ o mē huna ọga anị. Ẹ̀ẹ raà sị ụya rị mị, ẹ rẹ vaa sị ụyaa rị ẹwụ nịnị bẹẹ. Ẹ̀ẹ dọ ịrẹyị amị, ẹ rẹ vaa dọ ịrẹyị ẹwụ nịnị bẹẹ.

Anihiburu 11:27

Ịnị ka Imosiisi ọ sị sị ayị tụra Ohomorihi, ọ mẹ ka ọ̀ hụrẹ Ijipiti. Ọ yị hyakụ hí angwa ka ohinọyị ọnọọ aa kụ́ ayị. Ộ jẹẹ pe Ohomorihi geri-geri, agụvị ka vị ọ sị mẹẹ ka vi ee re Ohomorihi ọnị ọza ò yi zụ re avọọ nị.

Anihwiripi 1:12

Ẹwụ nịnị ẹyịnyara amị, mee sì ka wa yẹ nịnị ka ịsa ene tù mi aanị vị ana aa mẹ ka enube ọyịza ọ̀ hyakụụ kà a tụ́ ọvịdị.

Odeyi 13:1

Ịnị ịragụ Ohomorihi ana yà Antịyọkị â nyị ọnịsẹ ẹnyị ọnịrị ọzwọzịsa nịnị ene hi ịzọọ. Ẹnịnị ẹ vị Ịbanabasị ọnịrị Isimiyọnị ana aā hị́ Ozoji, beri Irusiyọsị ana vị Anisayireni, ne beri Imaneya ana a pá ọnịrị Ịhẹrọdị ohinọyị aha ọnya, ọnịrị Ịsọọrụ.

Odeyi 7:38

Ọnị ọnịrị Anisirẹrị nịnị yà ịnị ụnọmị, áda ayị nịnị mẹ̀ va gụ ịzọọ nị. Anggẹẹrị ọnọọ ộ kà ịrẹyịị yọ ị́rẹsụ ataba Ịsịnayị, dị ọ tụ́ ọọ hi ada ayị nịnị nị. Imosiisi ộ sị enube Ohomorihi ana aa mẹ ka ọza ọ̀ yàra pooro zịna-zịna va yị.

Odeyi 5:20

“Na jẹẹ ini irehi Ohomorihi nịnị, dị ụ waa kà ịrẹyị ẹhẹ ọwọọwa ọnọnịị yị aza nịnị!”

Odeyi 5:18

Dị ẹ za odeyi nịnị, dị ẹ kụ́ wa tụ́ ịnị otumare ịjọva nị.

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Imatiwu 23:34

Dị ma kà a wụ nịnị, mị vaa tụ́ ọnịsẹẹ hi wu nịnị ọnịrị ọyẹrẹyị nịnị beri ọzwọzịsa nịnị, ụ vaa wụ̀ aza ẹnyị ẹnịnị, ẹnyị vị ọnị ụ vaa kanyịị za ọchị apavahị nịnị, ẹnyị vị oni u vee tụ́ ịjapa ini irehi ahẹkẹ Aniju awụ nịnị, dị ụ waa dị waa hụrẹ aha ẹnyị naa ngụ aha ọsa.

Imatiwu 22:6

Dị ana vọ za ezi ahụ ẹnẹẹ, dị ẹ sị ụya rị wa, dị ẹ wụ̀ wa nị.

Imatiwu 5:13

“Ẹwụ nịnị ọ vị anọ yị anẹhẹ nị. Ama anọ ọ̀ọ sị uhine anị ne ta, sị a kụkụ aa sịị vara a ka ò hine? Ẹ yị kụkụ nyị ịsị ọ rụra mẹ, à yị vị ka è ne e ta, dị aza ẹ̀ẹ kụ́ ahụụ hi ọọ.

Ịdanịyẹrị 6:23

Ịjị ọnọọ dị ayị ohinọyị sị hine ne hu nị. Dị ọ wụsẹ mẹ ọda ka è ve tura Ịdanịyẹrị hụụnị ụsị ọnọọ nị. Ịzẹyịza dị e tura a tụ ẹhẹ nị, dị ẹnịnị re ka ẹ rẹ va nyị ịsị ẹ mẹ̀ ẹ, agụvị ka ộ sị ayị tụra Ohomorihi nị.

Ịdanịyẹrị 6:10

Ịjị Ịdanịyẹrị sị yẹ ka â maanị sị ọda mẹ dị o si hu aa nọ ini eehi anị nị. Ô tụ ịnị eehi, dị ọ nọ ịrẹsụ ọtụrọsa, dị ọ na ozokete aku anị nị. Ozokete ọnọọ vana va eyi ka oze Ijerusarẹmị. Dị o ku ẹtẹ, dị aa mẹ̀ aduwaa hi Ohomorihi anka ọ mẹẹ̄ vịdị yịị mẹ nị. Ụpẹ ẹẹta ọọ̄ mẹ̀ aduwa ịnị ẹkụhị nị.

Inehemaya 6:3

Agụvị avọọ, mị tụ́ aza hi wa ka mâ nyị ụkọrọ obooro ọnị maa mẹ̀. Mẹ yị zụ za ụkọrọ ọnọọ jẹẹ, di me ve tu wa.

Odeyi 7:54

Ịjị anikootu maanị wụ́ ịrẹyị ẹnẹnị, ayị ẹnẹnị ọ sị tụ̀, dị ẹyaa rị anyịị hi ọọ nị.

Odeyi 8:2

Dị aza ẹnyị ene sì ịrẹyị Ohomorihi va sị oku Isitivini, di e ne ne e nị, di e jị òrèrè anị ẹtẹẹtẹrẹ nị.

Odeyi 8:5

Ihwiripi ô chí nọ ẹkụra ọbanyị Ịsamarịya, dị ọ na kà enube ọyịza Ikirisiti yị anịzọọ nị.

Odeyi 13:36

“Idevidi ộ mẹ̀ ịsa oni Ohomorihi mẹ̀ eto anịị yọ ta ịnị ụmẹ anị, di o sú, di e ne e anka ohiku anị nịnị, dị ọ vụ̀ nị.

Odeyi 26:10

Ịsị mị vịdị mẹ Íjerusarẹmị ọ vị ọnọọ nị. Mâ dọ ọda hụụ ịda ohirẹsụ ẹbanyị irehi Ohomorihi, dị mị kụ́ aza Ohomorihi ọrụrụ-ọrụrụ hi ịnị ẹngwa nị. A màa wụ̀ wa, mâ sị ụvọ tụ́ ọọ.

Aniroomi 1:32

Ẹnịnị ệ yẹ ka ọda Ohomorihi ộ kà a ka ẹngụ ọza ana àa vavọọ mẹ, vị ana a vọrọ ka à wụ. Ama ẹyaa yịị mẹ̀ ẹ, ẹ rẹ yaa sị ọtụụ kà aza ẹnẹsa ana aa mẹ̀ ẹ ịrẹma.