Odeyi 7:8 - IWE ỌNỊNỊ

⁸ Dị Ohomorihi ka Abụrahamị ọ̀ jị aza anị ụvẹvẹnẹ, ana jẹẹ yị apọtẹrẹwa oto ọnọọ nị. Dị Abụrahamị ma Ayiziiki, dị ọ jị ọọ ụvẹvẹnẹ, ịhị ẹ tụ́ ọọ ẹkụhị ịhịnta ọnị ọ ma a nị. Ayiziiki ộ ma Ijekọvụ, dị Ijekọvụ ọnị ma ezi ẹwụrẹva ana vị ada ayị nị.

Odeyi 7:8 Referans Kwoze

Odeyi 2:29

Ẹwụ nịnị ẹyịnyara amị, jẹẹ ma kà a wụ nịnị gedebee ini oze Idevidi ada ayị. Idevidi ô sú, di e ne e nị. Ikuta anị yà ịdị ayị ịzẹnị pooro tù ajịnị.

Oyinyima 35:16

Di Ijekọvụ ọnịrị aza nị sị ụsẹ ẹnịnị hụrẹ Ịbẹtẹrị nị; ẹ yaa vaa ngụ ẹkụra ana aā hị́ Ehwirati, di Irechẹrị nyima dị aa barẹẹ nị. Ịrẹẹ ọnọọ ộ sị ụya rị ọ ẹnẹmẹhị.

Anihiburu 7:4

Wéé re ịzị ọnọrụ ọnọọ mẹhị nyị ụbanyị ne tu? Abụrahamị ohiku ayị ộ sị agẹẹwụ ịsa ọnị ọ dọ yọ.

Anigaratiya 3:17

Ịsị maa kà yị: O si kù oni Ohomorihi wo oto yị Abụrahamị. Ịrayị akava tụra ohurẹẹwụ (430) ọ sị mẹ kwooze, dị Ohomorihi va sị ọda yị Aniju nịnị. Ọda ọnọọ ọ yị nyẹngụ du oto oni Ohomorihi vịdị reè wo, dị ọ̀ kụ́ ịsa oni o wo oto anị kwooze.

Anigaratiya 3:15

Ẹwụ nịnị ẹyịnyara amị, jẹẹ ma sị ịsa ẹhẹ ọnọnị juwe ịrẹyị ọnọnị, oo! Aza ẹnị ẹẹva ẹ̀ẹ dọ ka ẹnị aa mẹ̀ ịsa ọnya, dị ẹ raà hị́ eku tụ́ ọọ nị, ẹ yị nyị ọza ana kụkụ nyẹngụ du ọọ, à vị ka dị ọ̀ dà tụ́ ọọ.

Aniroomi 4:10

Ye re ụmẹ oni Ohomorihi vavọọ sị za Abụrahamị ịrịka tụ́ ịnị ọnịrẹyịzẹyịza? Dị ọ va jị ụvẹvẹnẹ wáá yọ, à vị ọ mẹ̀ sị ụvẹvẹnẹ jị kwooze?

Ịjọọnụ 7:22

Imosiisi ộ vịdị kà a wụ nịnị ka waa jị ozi ewu nịnị ụvẹvẹnẹ, ama ẹ yị vị Imosiisi ọnị ụvọta ọ kà a, ohiku awụ nịnị o nyima anị nị. Ụụ̄ hyakụụ jị ozi ọnọrụ awụ nịnị ụvẹvẹnẹ ịnị ẹkụhị ụhwọtụ.

Imatiwu 1:2

Abụrahamị ọ ma Ayiziiki nị, dị Ayiziiki ma Ijekọvụ nị, dị Ijekọvụ ọnị rẹ ma Ijuda ọnịrị ẹyịnyara anị nị.

1 Ịtọpa 1:34

Ozi Abụrahamị ana aā hị́ Ayiziiki ộ ma ezi ọnọrụ ẹẹva. Ẹnị aā hị́ Iisọ ọnịrị Ijekọvụ nị.

Oyinyima 35:18

Ọ mẹ̀ ma ozi ọnọọ kẹnẹ, di ee súu na nị. O mèe sú dị ọ ka ịrẹha ozi ọnọọ ọ rị Ibenoni nị. Dị ada anị ka ọnị ọ rị Ịbẹnjamịnị nị. Ibenoni: Iruvo Ibenoni ịnị ẹkụra Anihiburu vị ozi “Ọnụya” Ịbẹnjamịnị: Iruvo Ịbẹnjamịnị ịnị ẹkụra Anihiburu vị ozi ụvọrị. Ọnị ọ vị ka ịrẹsụ ọyịza.

Oyinyima 29:31

Ịjị Ẹnẹyịmavara maanị re ka Ijekọvụ o yi sì ịrẹyị Iriya, dị ọ mẹ ka Iriya ọ̀ ma ozi nị. Ama Irechẹrị ọnị vị ọbọrị.

Oyinyima 30:5

Chee kẹnẹ di Ibiriha ee zyẹẹ, dị ọ sị ozi ọnọrụ ọnya ma yị Ijekọvụ nị.