Odeyi 7:60 - IWE ỌNỊNỊ

⁶⁰ Di o ku ẹtẹ, di o nowu tụ́ ẹba dị ọ ka, “Ananyị yị, asị ụ sị ịvị ịrẹyị ọnọnị tụ́ wa ọrọkọ!” Ịjị ọ maanị sị ọọ kà, di o sú nị.

Odeyi 7:60 Referans Kwoze

Imatiwu 5:44

Ama ẹma kà a yị wụ nịnị nị ka, sì ịrẹyị ọnịvị awụ nịnị, waa mẹ̀ aduwaa yị aza ene ee chìi hi wu nịnị, waa mẹ ọyịzaa yị aza anaā kụ́ ayị awụ nịnị! Dị ụ wa rẹẹ mẹ̀ aduwaa yị aza ana aa mẹ wụ nịnị kẹnẹ-kẹnẹ, ọnịrị aza ana aa sị ụyaa rị wụ nịnị!

Iruuku 23:34

Dị Ijeesu ka, “Nda, vagu wa, agụvị ka ẹnịnị ẹ yị yẹ ịsị ẹyaa mẹ!” Dị aza ẹnẹẹ gà ịta Ijeesu nị, dị ẹyaa jị osisii tụ́ ọọ nị.

1 Anịkọrịntị 15:20

Ama ịzẹyịza ọ vị nị ka Ohomorihi ộ ha Ohinọyị ọnị Ọ nyị ka ọ̀ dọ yị há hụụnị isu. Ọnị ọ vị ọnịpaapa ịnị aza ana ahịka ẹ vaa haa hụụnị isu nị.

Odeyi 20:36

Ịjị Ịpọọrụ sị ịrẹyị anị kà ta, dị ọnịrị wa ku ẹtẹ, dị ẹ mẹ̀ aduwa nị.

Odeyi 9:40

Dị Ipita ka avaba ẹnịnị ẹ̀ jịnẹ hi ẹhẹ, di o ku ẹtẹ, dị aa mẹ̀ aduwa nị. Di o và eyi kà oku ọnọọ, dị ọ ka, “Itabita, kwẹẹtẹ!” Dị Itabita há eyi anị nị. O mè re Ipita, dị ọ kwẹẹtẹ yaayịtẹ nị.

Iruuku 6:28

Waa mẹ̀ aduwa yị aza ene ee chìi hi wu nịnị, dị ụ wa rẹẹ mẹ̀ aduwa yị aza ana aa mẹ wụ nịnị kẹnẹ-kẹnẹ!

1 Anịkọrịntị 15:18

Ọnị ọ rẹ yaanị vị ka aza ana sị ayị tụra Ikirisiti dị e sú, ka vị ẹ ta avọọ nị.

Odeyi 21:5

Ịjị ẹkụhị ọnị yaa mẹ ịzọọ sị gụ, dị ị hụụ ịzọọ, dị ị sị oze ayị nị. Dị avaba ẹnịnị, ose beri ezi sị yị va tụ́ huuu va para ẹkụra hu nị. Dị avaba ayị ku ẹtẹ ụtọ oku, dị ị mẹ̀ aduwa nị.

Odeyi 13:36

“Idevidi ộ mẹ̀ ịsa oni Ohomorihi mẹ̀ eto anịị yọ ta ịnị ụmẹ anị, di o sú, di e ne e anka ohiku anị nịnị, dị ọ vụ̀ nị.

Iruuku 22:41

Dị ọ para wa hu na chee, di o ku ẹtẹ, dị aa mẹ̀ aduwa nị.

1 Anịtẹsaronika 5:10

Ijeesu ọnọọ ô sú yị ka, yèe sú yàa yára, ẹyịrị ọnị ò dudu zụ ra vabẹ.

1 Anịkọrịntị 15:6

Ịrẹma ọnọọ, ọdọwụ ene vene re e ụpẹ ọnya ụpẹ ọnya, ê huna akava rị ẹchẹhị (500). Ọrụrụ-ọrụrụ aza ẹnẹẹ yi hi ẹhẹ booro aanị, ama aza ẹnyị ê wusu.

Imatiwu 27:52

Ikuta nịnị ệ há irenu, ọrụrụ ịnị aza Ohomorihi ene sú, ệ ha kwẹẹtẹ,

Ịdanịyẹrị 6:10

Ịjị Ịdanịyẹrị sị yẹ ka â maanị sị ọda mẹ dị o si hu aa nọ ini eehi anị nị. Ô tụ ịnị eehi, dị ọ nọ ịrẹsụ ọtụrọsa, dị ọ na ozokete aku anị nị. Ozokete ọnọọ vana va eyi ka oze Ijerusarẹmị. Dị o ku ẹtẹ, dị aa mẹ̀ aduwaa hi Ohomorihi anka ọ mẹẹ̄ vịdị yịị mẹ nị. Ụpẹ ẹẹta ọọ̄ mẹ̀ aduwa ịnị ẹkụhị nị.

1 Anịkọrịntị 11:30

Agụvị avọọ, uū re ka ẹngụ aa zị ọza ọrụrụ-ọrụrụ awụ nịnị, dị ẹ sị vị ọkụmị, dị aza ẹnyị awụ nịnị hyakụ wusu nị.

Ẹzịra 9:5

Ịnị ụmẹ ịsọvọ oruva, dị mị yị yaayịtẹ ịzọọ ịnị ayị odu ọnịrị achị amị ana nà nị. Mâ jị Idunku kụ ẹtẹ, dị mị va ụvọ hịrẹ,

1 Anịkọrịntị 15:51

Sị ụtọ pe ẹtẹ, dị ma kà ịsa ọnya ana nyịnẹ wụ nịnị! Avaba ayị o yi vee sú; ama a vaa vara avaba ayị ẹngụ

Ịdanịyẹrị 12:2

Aza ọrụrụ-ọrụrụ ana raà sị eteesu vị ịta kụ ẹngụ vaa ha kwẹẹtẹ. Aza ẹnyị ẹnịnị vaa ha dị ẹ yara ịdị Ohomorihi pooro zịna-zịna, dị aza ẹnyị naa rị ụya dị ụhị aa nyị wa pooro zịna-zịna.

Ịjọọnụ 11:11

Ịjị Ijeesu vavọọ sị kà, dị ọ rẹ kà a yị wa ka, “Ịrasarụsị ọta ayị aa sụ ara. Ama maa na, dị ma na ha a ara.”

2 Itimoti 4:16

Ịhị ịpaapa ọnị mị na kụ́ irenu amị, ẹ yị nyị ọza ana jẹẹ pe mi. Avaba ẹnịnị vị ene zwe kà na yị mị. Ohomorihi ọ̀ navọ asị ọ jị ịvị anị yị wa!

2Ipita 3:4

dị ẹ ka: Ijeesu ka ọnị vaa vaa vẹ, ịzị ọ va yà booro aanị? Áda ayị nịnị me hụrẹ sú, ẹhẹ mẹ̀ yà hụrị ụmọrụmọ, ọ yị yà nị.