Odeyi 7:56 - IWE ỌNỊNỊ

⁵⁶ Dị Isitivini ka, “Re! Mee re, íhinẹbaa mẹ̀ na hi ẹtẹ, di Ozi ọza onigirima jẹẹ éyi ụvọrị Ohomorihi nị!”

Odeyi 7:56 Referans Kwoze

Ẹtore 19:11

Di mi re ka ihinẹba ộ na hi ẹtẹ nị. Di mi re umaata ọvwọọvụ ọnya aanị nị. Ịrẹha ọza ana tụra a ọ rị Anayọnya ọnịrị Ọnịzẹyịza nị. Ịzẹyịza aa sịị mẹ̀ ọkarẹyị, dị ọ raa sịị kụ̀ ịrẹkụ nị.

Ẹtore 11:19

 na irehi Ohomorihi ana yà ẹbẹẹba. Ini irehi ọnọọ, ê re apoti ana aā hị́ apoti oto. Dị ịnyanya aa rị vee-vee, dị ịsa aa sụ́ ịrẹyị, dị apaana ihinẹba aa sụ́ wara-wara nị. Ẹtẹ ee henyi jigi-jigi, dị ata ihinẹba aa sụ̀ nị.

Odeyi 10:11

Ô re ka ihinẹba ộ na, dị ịsa ọnya aanị ana sị mẹẹ anka ịta ọgana avọọ, dị a za a ụtọ ẹyịna, di ee chí ọọ hi ẹtẹ nị.

Imatiwu 3:16

Ịjị a sị ọyịhwenyi mẹ yị Ijeesu kẹnẹ, dị ọ jịnẹ hụụnị enyi vẹ nị. Re, dị ihinẹba na hi ẹtẹ, dị o re ka Ụhwẹ Ọnịnị Ohomorihi anka arivadi avọọ, dị ọ và kú ọ nị.

Ẹtore 4:1

Ịjị ẹnẹẹ ta, dị mị rẹ kana eyi nị. Di mi re oze ana a na hi ẹtẹ ẹ́bẹẹba nị. Dị ọngwẹ ana sụ́ ịrẹyị anka ọpanyị avọọ, ana vịdị kà ịrẹyịị mị ịpaapa, raa kà ịrẹyịị mị nị. Dị ọ ka: Hịrẹ vẹ ịzẹnị, dị ma sị zụ̀ wụ ịsị a hị́ ka ịzẹyịza, ẹ vaa mẹ ị́rẹma ụhwọọ!

Odeyi 10:16

Ịrẹyị ọnọnị ộ maanị mẹ ụpẹ ẹẹta, dị a rẹ sị ịsa ọnọọ varẹma nọ ini ihinẹba nị.

Ịjọọnụ 1:51

Dị Ijeesu rẹ kà a yọ ka, “Ịzẹyịza m maa kà a wụ nị: U vee re ka ẹbẹẹba ộ na hi ẹtẹ, dị anggẹẹrị Ohomorihi aa vaa hịrẹẹ vaachi ịrẹsụ ẹmị Ozi ọza onigirima.”

Iruuku 3:21

Ịjị a sị ọyịhwenyi mẹ yị avaba aza, dị a rẹ mẹ̀ ọyịhwọzenyi yị Ijeesu nị. Íjeesu màa mẹ̀ aduwa, di ihinẹba na hi ẹtẹ nị.

Ịmaakị 1:10

Íjeesu mẹ̀ yị jịnẹ hụụnị enyi vẹ kẹnẹ, di o re ka ihinẹba aa naa hi ẹtẹ, dị Ụhwẹ Ọnịnị ee chí vẹ anka arivadi avọọ, di o ve kú ọọ nị.

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Imatiwu 8:20

Dị Ijeesu kà a yọ ka, “Ahaka nịnị ệ nyị ụsị; inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana vọrọ ka ma yà tụ́ ụhwọ́.”

Ezikẹẹrị 1:1

 nyị ọnọrụ ọnya aanị, ana aā hị́ Ezikẹẹrị; ozi ọnọrụ na aā hị́ Ibuzi ọ vị̀ nị, dị ọ vị ohirẹsụ irehi Ohomorihi nị. Ezikẹẹrị ka, ịnị ẹkụhị ọhụhị ịnị ụhwẹ ọhụna ọnị ọnị gụ ịrayị ohurẹẹwụ, ọnịrị Aniju ana vọ ana a za ọrịhị ve hi Ịbabịrọnị mẹ ra hi ụtọ irehu ana aā hị́ Icheba, â nyị ẹtẹ ọnị Ohomorihi sị zụ ọnị.

Odeyi 7:57

Dị anikootu nịnị sị ụvọ ẹnịnị kú ụtọ, di e nowu zẹtẹ nị. Di e dudu zwe ne tù ọ,