Odeyi 7:25 - IWE ỌNỊNỊ

²⁵ Ô ro ka aza anị vaa yẹ ka ọnị Ohomorihi vaa sịị dọ waa tụ́ nị, ama ẹnịnị ẹ yị yẹ.

Odeyi 7:25 Referans Kwoze

Anikorasi 1:29

Agụvị avọọ m maa sị avaba ụkata oni Ohomorihi sị mịị mẹ̀ ụkọrọ ọnọnị nị. Maa vụrị ka ma zụ mẹ̀ ụkọrọ ọnọọ ta.

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

Aniroomi 15:18

Mẹ yị vaa nyayịnẹ ẹ kà ịsa oni Ikirisiti ọ̀ yị zị oze ịnị ụvọ amị mẹ. Ộ mẹ ka ma kụ́ Anigiriki ka ẹ̀ va dọ ịrẹyị Ohomorihi wụ́ ini oze ịrẹyị amị ọnịrị ịsa ọnị mị mẹ

Odeyi 21:19

Dị Ịpọọrụ kụ́ wa, dị ọ kà enube yị wa ahụ-ahụ ịsị Ohomorihi zị oze ịnị ụvọ anị mẹ ịnị akakana Anigiriki nịnị nị.

Odeyi 15:7

Ịjị ẹ da ahankata nyị, di Ipita kwẹẹtẹ, dị ọ ka, “Anda ayị nịnị, wâ yẹ nịnị ka ịnị ụmẹ ọnya o si kù aanị, Ohomorihi ộ nyị mị hụụnị akakana awụ nịnị ka ma na kà enube ọyịza yị Anigiriki nịnị, agụvị dị ẹ̀ zụ dọ wụ́.

Odeyi 15:4

Ịjị e tù Ijerusarẹmị, anịragụ Ohomorihi beri odeyi nịnị ọnịrị azọkụ ịragụ nịnị ệ kụ́ wa nyaasẹ ẹtẹẹtẹrẹ. Dị Ịpọọrụ nịnị kà a yị wa avaba ịsị Ohomorihi pe wa mẹ nị.

Odeyi 14:27

Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị.

Iruuku 18:34

Ezirẹma anị ẹ yị yẹ ịsa ana aa kà aanị, ẹnịnị ẹ yị hyakụ yẹ ịrẹyị ọnọọ vụrụ-vụrụ.

Iruuku 9:45

Ama ẹnịnị ẹ yị yẹ iruvo ịrẹyị ọnọnị, agụvị ka a raà sị iruvo anị tẹ yị wa, agụvị asị ẹ yẹ. Angwa ee hí wa ọyịhọ Ijeesu ini oze ịrẹyị ọnọọ.

Ịmaakị 9:32

Ama ẹnịnị ẹ yị yẹ ịsa aa kà; angwa ee hí wa, ọ yị họ̀ ọ use.

Ahẹ Ụgama 106:7

Óhiku ayị me hi Ijipiti, ẹnịnị ẹ yị sị ayị ro ịnị ịvọpa ọnị ụmẹ. Ẹ yị tamayị ịsa irenyi-irenyi ọnị ụ mẹ yị wa, dị ẹ yaa kụ̀ụ hịrẹ wụ ụtọ Okuha Ịkịịkẹ nị.

2 Ohinọyị 5:1

 nyị ọnọrụ ọnya ana aā hị́ Ịnaamanị. Ọnị ọ vị ọdọvịdị isoja Anisiriya nịnị nị. Ọza ọkụmị-ọkụmị ọnị ohinọyị Isiriya sị ụbanyị yị ẹtẹẹtẹrẹ ọ vị nị, agụvị ka, zị oze ịnị ụvọ anị, Ẹnẹyịmavara ộ mẹ̀ ka Anisiriya nịnị ẹ̀ rị ịrẹkụ ọrụrụ-ọrụrụ. Ịnaamanị vị isoja ana zụ kụ́ ịrẹkụ ẹtẹẹtẹrẹ, ama ọnụkụ ọbanyị ọ vị nị.

1 Ịsamụwẹrị 19:5

Dị ọ rẹ ka, “Idevidi vị ana sị ịrẹsụ tụ́ isu dị ọ na wụ Igorayati Anihwirisiti. Ọ kà Ịsọọrụ ô re e Ẹnẹyịmavara mẹ ka Anisirẹrị è huna ọnịvị ẹnịnị, dị ọnị ụvọta hyakụ aa jẹ nị.” Di Ijonatani rẹ ka, “Wàa wụ Idevidi dị wa yẹ ka ebira odivi ụ mẹ nị agụvị ka ẹ yị nyị ịsị ọ mẹ.”

1 Ịsamụwẹrị 14:45

Dị aza ẹnẹẹ va kà a yị Ịsọọrụ dị ẹ ka, “Ụ wáá vị ana aa vaa kà a ka à wụ Ijonatani nị? Wáá yẹ ka ọnị ọ maanị dọ Anisirẹrị tụ́ aanị nị? Ireche yọ nị, oo! Ẹnẹyịmavara ọ̀ọ vị ọnya, ẹ yị nyị ịsị a nyayịnẹ sị mẹ Ijonatani. Yâ yẹ ka Ohomorihi ọ gụ ọ ụvọ ka ọ maanị mẹ ajịnị aanị nị.” Avọọ aza ẹnẹẹ mẹ̀ mẹ dị ẹ dọ Ijonatani tụ́ dị ọza ọ̀ yị rẹ vaa wụ̀ ọ nị.

1 Anịkọrịntị 3:9

Ẹyị vị ene dudu aa mẹ ụkọrọọ yị Ohomorihi. Ẹwụ nịnị vị ana sị mẹẹ anka aarẹ Ohomorihi, à vị irehi oni Ohomorihi aa dà.

Ọyịkụra 2:12

Di Imosiisi kana eyi kara ẹngụ nị, ẹ yị nyị ọza oni o re. Dị ọ za Anijipiti ọnọọ dị ọ và ịsa hi ọ ẹngụ, dị ọ wụ̀ ọ nị. Dị ọ sị ọ dị ọ kà a chire ààrẹ nị.

Odeyi 7:24

Di o re, Anijipiti ọnya màa sị ụyaa rị anda ẹnịnị ọnya nị. Dị ọ na ka ọnị ọ̀ na dọ ọ tụ́ nị. Dị ọ za Anijipiti ọnọọ, dị ọ wụ̀ ọ sí atọ ụyọrị ọnọọ nị.

Odeyi 7:26

Eyinẹhẹ anị, o re ne tù ka Anisirẹrị ẹẹva aa zyaazị. Dị ọ ka oni ee nee ji wa nị. Dị ọ ka: ‘Ẹwụ nịnị ẹyịnyara amị, ẹyịnyara ụ vị nịnị nị, sị ẹ vẹ dị ụ waa chamayịị yị ẹngụ nịnị?’

Ọdọvịdị 15:12

Ịjọnọọ dị Anijuda, aza Ịsamịsịnị kà a yị ọ ka vị ẹnị vẹ ka ẹnị ẹ va tụ ọ obo dị ẹnị ẹ sị ọ ne chire Anihwirisiti nịnị ụvọ. Dị Ịsamịsịnị ka yị wa ka ẹ hị́ eku yị ọnị ka ẹ yị vị ẹnị ụvọta e si ka ẹnị ẹ va wụ ọnị.