Odeyi 7:23 - IWE ỌNỊNỊ

²³ “Ímosiisi mẹ̀ sị mẹ ịrayị ẹbẹẹva, ộ vẹ ịnị ayị anị ka oni ee nee hee aza anị ana vị Anisirẹrị nịnị.

Odeyi 7:23 Referans Kwoze

Ụhịrẹyị 21:1

Ayị ohinọyị sị mẹ anka okuha ịnị ụvọ Ẹnẹyịmavara avọọ nị. Ịzị o zee eyi kẹnẹ ọ vaa ịrẹsụ ka nị.

Ẹtore 17:17

Ohomorihi ọ raà sị tụ́ wa ayị ka ẹ̀ mẹ̀ ịsa ọnị ọnị vịdị sị eto anị mẹ tịtẹ. Ẹ rẹ vaa dọ ka ẹnị ẹ̀ sị ịjọva ẹnịnị yị uye ọnọọ, pooro dị ịrẹyị Ohomorihi ọ̀ sẹ.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ẹzịra 7:27

Dị Ẹzịra ka, ọnị ộ sị ụga yị Ẹnẹyịmavara, Ohomorihi ohiku ẹnịnị ana mẹ ka ohinọyị ọ̀ maanị sị ụbanyị yị irehi Ẹnẹyịmavara Ohomorihi ana ya Ijerusarẹmị nị.

Odeyi 15:36

Ịjị ọ da kù, ịnị ẹkụhị ọnya, dị Ịpọọrụ kà a yị Ịbanabasị ka, “Vẹ ya varẹma ne hee anda ayị nịnị ịnị avaba ẹkụra ọnị ị yà kà ịrẹyị Ananyị yị, di ye ne re wa, ẹ mẹmẹ yà!”

Ẹzịra 1:5

Dị Ẹnẹyịmavara kụ́ hi Anisirẹrị ọrụrụ-ọrụrụ ayị ka ẹ̀ nọ Ijerusarẹmị na tenyi irehi Ẹnẹyịmavara ana ya ịzọọ. Dị avaba ohirẹsụ irehi Ohomorihi nịnị ọnịrị Anireevi ne beri avaba ọdọvịdị ịrẹsụ-ịrẹsụ ene hi Ijuda ọnịrị Ịbẹnjamịnị kwẹẹtẹ ka ẹnị a nọ Ijerusarẹmị nị.

Ẹzịra 1:1

 nyị ụmẹ ọnya aanị ọnị ọnọrụ ọnya ana aa hị́ Ịsayịrọsị sị vị ohinọyị Ipesiya. Ịnị ịrayị ịpaapa ọnị ọ rị ohinọyị, Ẹnẹyịmavara ộ mẹ̀ ka ịrẹyị anị ọnị Ijeremaya vịdị ka yị Anisirẹrị ọ sẹ. Ẹnẹyịmavara ộ kụ́ hi Ịsayịrọsị ayị ka, ọ mẹ̀ ọda, dị aa chẹrẹ ẹ tịtẹ, dị aa nọ̀ ọ ịnị avaba ẹtẹ anị nị.

2 Ịtọpa 30:12

Ohomorihi ộ sị ụvọ kanyị Anijuda nịnị ayị, dị ọ mẹ ka ẹ vayị bẹ, dị ẹ dọ ka ẹnị aa saasa ọda ọnị ohinọyị ọnịrị ọdọvịdị anị nịnị mẹ̀.

Ọyịkụra 35:29

Avaba Anisirẹrị nịnị ene sì, anọrụ ọnịrị anẹẹ ệ kụ́ ịsa vẹ ka à sị mẹ̀ ụkọrọ ẹnị Ẹnẹyịmavara kà a yị Imosiisi ka à mẹ.

Ọyịkụra 35:21

Dị avaba aza ene sì, dị ayị ẹnịnị sị ọ na, dị ẹ na kụ́ ịsa va yị Ẹnẹyịmavara kà à sị mẹ̀ ụkọrọ ajẹngụ ịzị aā gẹ nị. Ẹnya ana a vaa sị mẹ̀ ụkọrọ ịnị ajẹngụ ọnọọ ọnịrị awuru ana aza ana aa mẹ̀ ụkọrọ Ohomorihi vee chire vị ẹnị ẹ kụ́ vẹ.

Ọyịkụra 4:18

Di Imosiisi varẹma ne tù Ijetiro ana vị ọyẹ anị dị ọ ka ọ̀ jẹẹ ọnị ọ̀ varẹma nọ Ijipiti di ọnị ò ne hee anda ẹnịnị ene hi ịzọọ ẹnịnị ẹ̀ẹ da hi. Dị Ijetiro ka ọ̀ naavẹ nị.

2 Anịkọrịntị 8:16

Yâ kụ́ Ohomorihi avọọ ka ộ mẹ̀ ka Ịtayịtọsị ộ sị ayị sì ịrẹyị awụ nịnị, anka ẹyị mẹ̀ rẹẹ mẹ

Ọyịkụra 7:7

Imosiisi vị ịrayị ẹbẹẹna di Eerọnị ọnị vị ịrayị ẹbẹẹna tụra ẹẹta dị ẹ vavọọ va na kà ịrẹyị yị Ihwarawo.

Odeyi 7:24

Di o re, Anijipiti ọnya màa sị ụyaa rị anda ẹnịnị ọnya nị. Dị ọ na ka ọnị ọ̀ na dọ ọ tụ́ nị. Dị ọ za Anijipiti ọnọọ, dị ọ wụ̀ ọ sí atọ ụyọrị ọnọọ nị.