Odeyi 7:16 - IWE ỌNỊNỊ

¹⁶ Dị a kụ́ oku ẹnịnị ne ne Ịsẹkẹmị ini ikuta ana Abụrahamị vịdị sị ẹkẹhị hị́ hụụnị ụvọ ezi Ihamori nị.

Odeyi 7:16 Referans Kwoze

Ijosuwa 24:32

Oku Ijosẹẹhụ ọnị Anisirẹrị nịnị sị hụrẹ, Ijipiti vi ene e ne tụ́ Ịsẹkẹmị ịnị ẹtẹ ọnị Ijekọvụ raà hị́ hụrị ụvọ ezi Ihamọ ana vị ada Ịsẹkẹmị. Ijekọvụ vị ana hị́ ẹtẹ ọnọọ isiriva ẹchẹhị. Ezi Ijosẹẹhụ ộ kụ́ ogu ẹtẹ ọnọọ nị.

Oyinyima 23:16

Di Abụrahamị ka ooho, dị ọ za achuchu ẹchẹhị ịrịka, dị ọ sị yi Ehwironi eyi anda ẹnịnị Anihiti nị. Ọpa avọọ ọ kà a ka ẹtẹ ọnọọ ọ zụ hụ̄ nị. Ịsị osohu nịnị sịị za ẹkẹhị ịrịka Abụrahamị sị za a yọ nị.

Ọyịkụra 13:19

Imosiisi ộ kụ́ ẹchụkụ Ijosẹẹhụ za anka Ijosẹẹhụ mẹ̀ vịdị mẹ ka ezi Isirẹrị ẹ̀ hị́ eku yị ọnị. Ọ kà Ohomorihi vaa gụ wa ụvọ ama asị a nyị ka ẹ yị kụ́ ẹchụkụ anị za ẹ̀ẹ yaa hụụ ịzọọ.

Oyinyima 50:13

Ezi anị vị ana sị oku anị nọ ịnị ẹtẹ Ikanaani di e ne ne e. Â nyị ụtẹha ana yà ịnị aarẹ Imakipera. Aarẹ ọnọọ vị ana gụrị ẹtẹ Imamire. Abụrahamị ọ hị́ ụtẹha ọnọọ ne beri ẹtẹ ana yà ịnị anị hụụnị ụvọ Ehwironi ana vi Anihiti, ka oni òo ne oku ịzọọ nị.

Oyinyima 35:19

Irechẹrị ô wusu, di e ne e oze ana a zịị nọ Ehwirati nị. Ịzọọ aa hị́ Ịbẹtịrẹhẹmị booro aanị nị.

Oyinyima 23:4

“Ọzọga ọnị vị dị ọnị ra ịda ẹnịnị nị. Ọ kà Aarịhịnị ẹ sị ẹtẹ yị ọnị ana vaa vị aanị, ịzị ọnị zụ ne oku tụ́, di ọnị òo ne oku ene sú ọnị tụ́ ịzọọ.”

Oyinyima 47:30

Ọ kà ò ne ọnị pè ohiku anị. Ọ kà ịhị oni òo sú ọ sị ọnị hụrẹ Ijipiti, di o ne ne ọnị tụ́ ịzị e ne wa tụ́. Di Ijosẹẹhụ ka ooho nị.

Oyinyima 50:12

Ịsị Ijekọvụ ka ezi anị ẹ̀ mẹ yị ọnị ọnị òo sú, avọọ gẹdẹ-gẹdẹ ẹ mẹ̀ mẹ̀ ẹ nị.