Odeyi 7:15 - IWE ỌNỊNỊ

¹⁵ Dị Ijekọvụ nọ Ijipiti nị. Ịzọọ ọnịrị ada ayị nịnị yà sú nị.

Odeyi 7:15 Referans Kwoze

Ọyịkụra 1:6

A màa yị mẹ̀ ẹ na, Ijosẹẹhụ ọnịrị ẹnẹbẹnị anị nịnị beri ọhụva anị ê wusu. Avaba anụmẹ ọnọọ ẹnị e re wusu.

Oyinyima 49:33

Ịjị Ijekọvụ maanị sị ịrẹyị ẹnẹnị kà yi ezi anị, dị ọ kara ahụ anị hi aha ọyịsụ anị, di o sú nị.

Ijosuwa 24:4

Dị Ẹnẹyịmavara sị ezi ẹẹva yị Ayiziiki ana a hị́ Ijekọvụ ọnịrị Iisọ. Dị ọ sị ẹtẹ ịrẹsụ ataba Ịsẹyị yị Iisọ ka ọ vị anị nị. Ama Ijekọvụ ọnịrị ezi anị vana na ra ẹtẹ Ijipiti.

Iwe Ọhụhị Imosiisi ana aa hị́ Ọyịvatụrọda 26:5

Vatụra ịrẹyị ẹnẹnị ọvịdị Ẹnẹyịmavara: Ohiku amị vị Anarami ana aa doodo zị, ẹ yị nyị irehi. Ộ kụ́ aza nọ ẹtẹ Ijipiti. Ẹnị chee ẹ vị ẹ mẹ ngụ ẹkụra ọnọọ nị. Ama ẹ vaa sị rụrụ, dị ẹ vị Anẹkụra ana nyị ụkata nị.

Iwe Ọhụhị Imosiisi ana aa hị́ Ọyịvatụrọda 10:22

Ohiku awụ nịnị ana nọ Ijipiti vị ẹnị ẹtarẹwụ. Ama booro anị, Ẹnẹyịmavara ọ raà mẹ̀ wa rụrụ ẹtẹẹtẹrẹ anka ụzọmị ịnị eguhi.

Ịrịka 20:15

Ohiku ẹnịnị ẹ nọ Ijipiti na ra ku ịzọọ, dị ahịka Anigipiti nịnị naa mẹ ẹvaya yị ẹnị ẹnịrị ohiku ẹnịnị ẹnẹẹ nị.

Oyinyima 46:1

Isirẹrị ô kụ́ avaba ẹnya anị di e nyima ụsẹ nị. Ệ vẹ, ẹ va sị ngụ Ịbẹẹsẹba. Dị ọ yà ịzọọ dị ọ mẹ̀ ịsọvọ yị Ohomorihi ana Ayiziiki ada anịị̄ hẹkẹ nị.

Oyinyima 47:30

Ọ kà ò ne ọnị pè ohiku anị. Ọ kà ịhị oni òo sú ọ sị ọnị hụrẹ Ijipiti, di o ne ne ọnị tụ́ ịzị e ne wa tụ́. Di Ijosẹẹhụ ka ooho nị.

Ọyịkụra 13:19

Imosiisi ộ kụ́ ẹchụkụ Ijosẹẹhụ za anka Ijosẹẹhụ mẹ̀ vịdị mẹ ka ezi Isirẹrị ẹ̀ hị́ eku yị ọnị. Ọ kà Ohomorihi vaa gụ wa ụvọ ama asị a nyị ka ẹ yị kụ́ ẹchụkụ anị za ẹ̀ẹ yaa hụụ ịzọọ.

Ijosuwa 24:32

Oku Ijosẹẹhụ ọnị Anisirẹrị nịnị sị hụrẹ, Ijipiti vi ene e ne tụ́ Ịsẹkẹmị ịnị ẹtẹ ọnị Ijekọvụ raà hị́ hụrị ụvọ ezi Ihamọ ana vị ada Ịsẹkẹmị. Ijekọvụ vị ana hị́ ẹtẹ ọnọọ isiriva ẹchẹhị. Ezi Ijosẹẹhụ ộ kụ́ ogu ẹtẹ ọnọọ nị.

Ahẹ Ụgama 105:23

Di Ijekọvụ va na Ijipiti, dị ọ na vị ọzọga tụ́ Ihami nị.