Odeyi 6:5 - IWE ỌNỊNỊ

⁵ Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Odeyi 6:5 Referans Kwoze

Odeyi 11:24

Ịbanabasị vị ọza ọyịza. Ụhwẹ Ọnịnị ộ dọ avaba ayị anị, dị ọ rẹ sị ayị tụra Ohomorihi ẹtẹẹtẹrẹ nị. Ohomorihi ộ kụ́ aza ọrụrụ-ọrụrụ va yị ẹngụ anị.

Odeyi 21:8

Eyinẹhẹ anị, dị ị hụụ ịzọọ, dị ị na Isesariya nị. Dị ị nọ ini eehi Ihwiripi ana vị okenubọyịza ana vị ọnya ịnị ọnọgụvọ ịhịmba ẹnẹẹ, dị yà ịzọọ nị.

Odeyi 6:8

Ohomorihi ộ yà pe Isitivini ẹtẹẹtẹrẹ, dị ọ rẹ sị ụkata yọ, dị aa mẹ̀ ụkọrọ ohyozirenu ọnịrị apọtẹrẹwa ịnị akakana aza ẹnẹẹ nị.

Odeyi 7:1

Dị ohirẹsụ ọbanyị irehi Ohomorihi họ̀ Isitivini ka, “Avọọ wáá yọ?”

Odeyi 6:3

Agụvị avọọ, ẹwụ nịnị anda ayị, nyị aza ẹnị ịhịmba ịnị ẹngụ awụ nịnị ana aza yẹ ka Ụhwẹ Ọnịnị ọ raà dọ avaba ayị ẹnịnị, dị ẹ rẹ nyị ịrẹyọyẹ. Dị ya sị wa tụ́ iruvo ụkọrọ ọnọọ.

Odeyi 13:1

Ịnị ịragụ Ohomorihi ana yà Antịyọkị â nyị ọnịsẹ ẹnyị ọnịrị ọzwọzịsa nịnị ene hi ịzọọ. Ẹnịnị ẹ vị Ịbanabasị ọnịrị Isimiyọnị ana aā hị́ Ozoji, beri Irusiyọsị ana vị Anisayireni, ne beri Imaneya ana a pá ọnịrị Ịhẹrọdị ohinọyị aha ọnya, ọnịrị Ịsọọrụ.

Odeyi 11:19

Ọdọwụ ẹnyị vị ana gara hi ịnị ụmẹ ụyọrị ana a yà ịnị anị wụ Isitivini. Aza ẹnyị ệ hyakụ na pooro na ngụ Ihwonesiya, aza ẹnyị ệ nọ Ịsayịpịrụsị, dị aza ẹnyị rẹ nọ Antịyọkị nị. Dị ẹ yaa kà enube ọyịza ọnọọ yị Aniju nịnị kẹnẹ nị.

Odeyi 6:10

Ụhwẹ Ọnịnị ộ sị ụkata yị Isitivini, ana ahịka ọ mẹ̀ sị ịrẹyọyẹ kà ịrẹyị, vị ẹnịnị kuku ee re ẹtẹ kẹnẹ nị.

Ụhịrẹyị 15:23

Ọza anaa yẹ ohi ịrẹyị ana vọrọ tụ vị ọnị ayị ọza hine tu.

Ẹtore 2:15

A rẹ nyị aza awụ nịnị ana aa saasa ịsa Aninikorati nịnị sị zụ̀ aza.

Ẹtore 2:6

Ịsị ụ mẹ ẹtẹẹrẹ ịnị anị nịnị yị: Wâ nyị ịhyẹrẹ ịsa ana Aninikorati nịnị aa mẹ, anka ẹ́mị mẹ̀ rẹ nyị ịhyẹrẹ anị.

Odeyi 15:22

Dị odeyi nịnị ọnịrị azọkụ ịragụ Ohomorihi ne beri anịragụ Ohomorihi ro ka ô zoza ka ẹnị ẹ̀ nyị ọza hụụnị akakana ẹnịnị, dị ẹnị ẹ̀ tụ́ wa saasa Ịpọọrụ ọnịrị Ịbanabasị nọ Antịyọkị. Ệ nyị Ijudasi ọnị ịrẹha ẹtẹ anị rị Ibarisabasi, beri Isira. Ẹnị ẹyịva ẹnẹnị vị ana nyayịnẹ nyị ụbanyị ịnị akakana ọdọwụ nịnị.

Imatiwu 23:15

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ẹ yị nyị ịzị ụ wẹ̀ yị mā nọ ka wa na sị ọza vẹ ịnị ahẹkẹ awụ nịnị. Wàa raà sị ọọ vẹ, dị ụ vara a ozi ini ẹkụra huna ẹngụ awụ nịnị ụvọta.

Imika 3:8

Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.

Oyinyima 41:37

Ịrẹyị oni Ijosẹẹhụ kà ô hine Ihwarawo ọnịrị aza ene ee pè e juwe.

Odeyi 2:4

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

Odeyi 11:20

Ẹnyị ịnị ọdọwụ ẹnẹẹ vị Aniju ana hụrẹ Ịsayịpịrụsị ọnịrị Isayirini vẹ. Ệ nọ Antịyọkị, dị ẹyaa kà enube ọyịza Ijeesuu yị Anigiriki nịnị bẹẹ nị.

Odeyi 11:22

Anịragụ Ohomorihi Íjerusarẹmị ệ wụ́ ịrẹyị ọnọọ, dị ẹ tụ́ Ịbanabasị nọ Antịyọkị nị.

Odeyi 11:26

O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 11:27

Ịnị ụmẹ ọnọọ, ọnịsẹ ẹnyị ệ hụrẹ Ijerusarẹmị nọ Antịyọkị.

Odeyi 22:20

A mẹ̀ hyakụ aa wụ Isitivini onivenu awụ, mâ jẹẹ ịzọọ, dị mị sị ụvọ tụ́ ini isu anị nị. Ẹma hyakụ sị eyi pe ịta aza ana aa wụ ọọ nị.’