Odeyi 6:3 - IWE ỌNỊNỊ

³ Agụvị avọọ, ẹwụ nịnị anda ayị, nyị aza ẹnị ịhịmba ịnị ẹngụ awụ nịnị ana aza yẹ ka Ụhwẹ Ọnịnị ọ raà dọ avaba ayị ẹnịnị, dị ẹ rẹ nyị ịrẹyọyẹ. Dị ya sị wa tụ́ iruvo ụkọrọ ọnọọ.

Odeyi 6:3 Referans Kwoze

Iwe Ọhụhị Imosiisi ana aa hị́ Ọyịvatụrọda 1:13

Avọọ, dị ọ ka ịrẹsụ ọzọza ọ̀ nyị ọza ana yẹ ịrẹyị ene eyi anị hweyi ana aza sị ụbanyị yị. Ẹngụ aza ẹnẹẹ ọnị vaa sị mẹ̀ ọdọvịdị ẹnịnị nị.

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

3 Ịjọọnụ 1:12

Àa vị Idemetiriyọsị yọ, ọzọza vị anaa kà ọyịza anị. Ebira ozoza anị ộ hyakụ sị zụ̀ ka aa saasa ịzẹyịza Ohomorihi. Ẹya rẹ dọ ivenu tụ́ ọ bẹẹ; wáa yẹ ka ye me cheeche.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Anẹhwẹsọsị 5:18

Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị!

1 Anịkọrịntị 16:3

Màa vẹ, dị mị chẹrẹ iwe yị aza ọnị ụ wàa nyị nịnị ka ẹ̀ sị ẹkẹhị oni u wèe re nịnị nọ Ijerusarẹmị.

Odeyi 22:12

“Â nyị ọnọrụ ọnya aanị ana yà Ịdamasịkọsị, ana aā hị́ Ananịya. Ộ nyị ahẹkẹ ẹtẹẹtẹrẹ, dị ọ rẹẹ̄ saasa ọda ayị nị. Aniju nịnị ene hi ịzọọ vị ana nyayịnẹ sị ụbanyị yọ.

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Odeyi 6:6

Dị ẹ kụ́ wa nọ ịdị odeyi nịnị nị. Dị odeyi nịnị mẹ̀ aduwa yị wa, dị ẹ sị ụvọ tụra wa nị.

Odeyi 2:4

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

Odeyi 1:21

Agụvị avọọ ịnị aza ẹnẹnị ana aa saasa yịị zị, ẹ́yịrị Ijeesu mẹ̀ hụrẹ aa jịnẹẹ zịịzị

Imatiwu 23:8

Asị ụ rẹ̀ kà a ka àa hị́ wụ nịnị ‘Ananyị yị’! Ọza ịnya kẹnẹ ọ nyị wụ nịnị nị. Avaba awụ nịnị vị ẹyịnyara.

Ayịsaya 28:26

Ohomorihi ọ́kụrịkụ ọ vavọọ si zụ̀ ọ a mẹ̀ vọrọ ka ọ̀ dà aarẹ nị.

Ayịsaya 28:6

Ẹnẹyịmavara vaa mẹ ka aza ana aa mẹ̀ ọkarẹyị ẹẹ mẹ ịzẹyịza. Dị ọ rẹ sị ụkata yị aza ene ee sere ẹkụra ka ẹ̀ zụ dụ ọnịvị varẹma.

1 Anịkọrịntị 12:8

Ụhwẹ Ohomorihi sị ịrẹyị ịrẹyọyẹẹ yị aza ẹnyị, dị ọnị ọnyọọnya rẹ mẹ ka aza ẹnyị ẹ̀ yẹ ịsa nị.

Odeyi 16:2

Ọdọwụ nịnị ene hi Ịrịsịtịra ọnịrị Ayịkọnịyọmị vị ana nyayịnẹ aa kà ịrẹyị ọyịza Itimoti.

Odeyi 15:23

Dị a chẹrẹ iwe ọnọnị, dị a sị tụ́ wa ụtụ nị: “Ẹyị odeyi beri azọkụ ịragụ Ohomorihi ọnịrị ọdọwụ ana vọ, yâ kụ́ wụ nịnị ẹtẹẹtẹrẹ, ẹwụ nịnị anda ayị ẹnẹ ẹ̀ yị vị Aniju ene hi Antịyọkị ọnịrị Isiriya ne beri Isirisiya!

Odeyi 9:30

Ịjị ọdọwụ nịnị ana vọ sị yẹ, dị ẹ sị Ịsọọrụ chí na ngụ Isesariya, dị ẹ ka ọ̀ọ nọ Ịtasọsị nị.

Ọyịkụra 18:21

Re sì aza ana zụ mẹ ẹkụra ịnị ẹngụ aza ẹnẹẹ, aza ana nyị angwahi Ohomorihi ana rụra sị ayị tụra. Asị ẹnịnị vị aza ana aa dọ ochirerenu. Dị wa nyị wa dị ẹnị ẹ̀ rẹ dà aza sị eyi pè. Aza ẹnyị ẹ zụ si eyi pè aza ẹnị akahị, dị aza ẹnyị sị eyi pè aza ẹnị ẹchẹhị, dị aza ẹnyị rẹ sị eyi pe aza ẹnị ẹvarẹwụ dị áaza ẹnyị vị ẹẹwụ.

Ịjọọnụ 21:23

Dị ọ kụkụ sị ngụ ịrẹyị yị ọdọwụ nịnị ka ozirẹma ọnọọ o yi vee sú nị. Ama Ijeesu ọ yị kà a ka, “O yi vee sú”, ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ?”

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 6:2

Dị odeyi ẹwụrẹva ẹnẹẹ hị́ avaba ezirẹma ana vọ gụ, dị ẹ ka, “Ẹ yị vọrọ ka ya navọ ịrẹyị Ohomorihi tịtẹ, dị yaa gà ịsọyịrị.

Odeyi 6:5

Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Odeyi 28:14

Yê re ọdọwụ ẹnyị ịzọọ, dị ẹ ka ya yà pe ẹnị mẹ ẹkụhị ịhịmba nị. Dị ị hụụ ịzọọ aa nọ Iroomi nị.