Odeyi 6:14 - IWE ỌNỊNỊ

¹⁴ Yâ wụ́ ka ộ kà a ka Ijeesu Anịnazarẹtị ọnọnị vee wú irehi Ohomorihi ọnọnị, dị ọ rẹ vara ịsa ohiku oni Imosiisi si chire yi ụvọ.”

Odeyi 6:14 Referans Kwoze

Odeyi 21:21

A sị ọọ kà yị wa ka ụ waa sịị zụ̀ avaba Aniju ene hi ẹhẹ ka ẹ̀ và hụụnị ọda oni Imosiisi mẹ nị. A ka ẹwụ ka asị ẹ rẹ jị ozi ẹnịnị ụvẹvẹnẹ, dị ẹ̀ rẹ và hụụnị avaba ịsa ohiku Aniju nịnị.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Odeyi 15:1

 nyị aza ẹnyị aanị ana hụrẹ Ijudiya vẹ, dị ẹyaa zụ̀ ọdọwụ nịnị ịsa nị, dị ẹ ka, “Ẹ̀ yị vị a jị wụ nịnị ụvẹvẹnẹ anka ọda Imosiisi, wẹ yị zụ há nịnị.”

Anigaratiya 3:23

Ịjị ọza ọọ̀ yị vịdị re oze sị ayị tụra Ijeesu, ụvọ ọda ọ sị kara yị, di o gu oze hi yi, di yẹ̀ yị nyẹngụ sị ayị tụra Ijeesu nị, pooro ne tù ụmẹ oni i ve si re oze sị ayị tụra Ijeesu.

Anigaratiya 3:19

Sị ẹ vavẹ di a nyị ọda? Â nyị ọda, agụvị dị à yẹ ị́vị meme divi ini eyi Ohomorihi. Ọda ẹnẹẹ ẹ́ẹ jẹẹ chee di ozi Abụrahamị ọnọọ ọ̀ vavẹ, ene wo oto ọnọọ yị. Ohomorihi ọ́ọ sị ọda tụ́ anggẹẹrị nịnị vẹ, di a rẹ nyị ọza ana yà ịnị akakana aza ọnịrị Ohomorihi nị.

Odeyi 28:17

Ịrẹma ẹkụhị ẹẹta, dị Ịpọọrụ hị́ ọdọvịdị Aniju nịnị ene hi ịzọọ eyọgẹ nị. Ẹ mẹ̀ sị gụ, dị ọ kà a yị wa ka, “Ẹwụ nịnị ẹyịnyara amị, ẹ yị nyị ịsị ọnị mẹ anda ayị, Ọnị ẹ yị mẹ̀ ịsa odivi hi ịsa ohiku ayị. Ama vị ẹ yị za ọnị Íjerusarẹmị kẹnẹ, dị a sị ọnị chire Aniroomi nịnị ụvọ nị.

Ịjọọnụ 4:21

Dị Ijeesu kà a yọ ka, “Ọnẹẹ ọnọnị, ịzẹyịza m maa kà a wụ nị, ụmẹ aa vẹ ana aza ẹ̀ yị kụkụ vaa hẹkẹ Ohomorihi Ada ayị ịnị ataba ọnọnị, à vị Íjerusarẹmị.

Iruuku 21:6

“Avaba ịsị u wee re nịnị aanị, ụmẹ aa vẹ ana ahịka ịrẹta ẹnẹnị, ọnyara ọ yị vaa vọ tụ́ ịrẹsụ ọsa; vi e vee wú waa ha saka-saka nị.”

Odeyi 26:3

Mâ jẹ hu keekere, agụvị ka mâ yẹ ka wâ yẹ avaba ịsa ohiku Aniju irenyi-irenyi nịnị. Aarịhịnị, nyị isuuru, dụ wa sị ụtọ pe ịrẹyị amị!

Odeyi 25:8

Dị Ịpọọrụ rẹ kụ́ irenu anị, dị ọ ka, “Mẹ yị mẹ̀ ịsa odivi hi ọda Aniju nịnị, mẹyị rẹ mẹ̀ ịsa odivi hi irehi Ohomorihi, àa vị ohinọyị Aniroomi.”

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Ịzakaraya 14:2

Ẹnẹyịmavara vaa kụ́ anẹkụra ana vọ vabẹ, dị ẹ gẹ ịrẹkụ tu Ijerusarẹmị. Dị ẹ rị ẹkụra ọnọọ, dị kụ́ avaba ogu ẹnịnị, dị ẹ sị ụkata-ụkata pe ese ẹnịnị sụ̀. Achẹva aza ene hi Ijerusarẹmị vị ana vaa za ọrịhị na ẹkụra ọsa, dị a navọ ẹnị ana vọ hi ịzọọ.

Ịmaakị 14:58

“Yâ wụ́ ka ộ kà a ka oni vee wú irehi Ohomorihi ọnọnị ana a sị ụvọ dà aanị; ịnị ịhyẹgwẹta anị ọnị rẹ vaa dà ọsa ẹnẹ ẹ̀ yị vị ụvọ a sị dà a.”

Imatiwu 26:61

dị ẹ ka, “Ọnọrụ ọnọnị ộ kà a ka ọnị o nyengu wú irehi Ohomorihi ọnọnị hi ẹtẹ, ịhyẹgwẹta anị, di oni re tenyi ọọ dà.”

Ịzakaraya 11:1

Na oze awụ nịnị, Ịrẹbanọnị agụvị ịra ọ rị ọchị Isida awụ nịnị.

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Ihoseya 3:4

Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 26:12

Ijeremaya ka, dị ọnị kà a yị ẹnị ọdọvịdị ẹnẹnị ẹnịrị avaba aza ana vọ ka ụtụ ọnị Ẹnẹyịmavara tụ ọnị ịnị ịpa Irehi Ohomorihi ọnọnị ọnịrị ẹkụra ọnọnị, ụ wụ ka ọnị ộ kà avọọ nị.

Ayịsaya 65:15

Aza amị ẹnị mị nyị vị ana vaa sị ịrẹha awụ nịnịị chìi hi ọza. Ẹmị Ẹnẹyịmavara Ohomorihi vaa mẹ ka we su nịnị. Ama mị vaa sị ịrẹha ọwọọwaa yị aza anaa saasa ịrẹyị amị.

Ịjọọnụ 2:19

Dị Ijeesu tụ́ wa ohi, dị ọ ka, “Wèe wú irehi Ohomorihi ọnọnị và hi ẹtẹ nịnị, ịhyẹgwẹta anị, mi vee tenyi ọọ dà.”