Odeyi 5:39 - IWE ỌNỊNỊ

³⁹ Ama àa vị Ohomorihii yọ nị, we yi zụ vú ọ ẹtẹ nịnị. Ẹ̀ yị vị avọọ, u vee re ka we si nyima ee pe Ohomorihi zyaazị nịnị.”

Odeyi 5:39 Referans Kwoze

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ayịsaya 46:10

Hụrẹ oyinyima mịị̄ kà a ịsẹ ẹ vaa mẹ nị. Hụrẹ ụmọrụmọ mị kà a ịsị ẹ vaa mẹ nị. Mị ka, ịsị mị ka ọ vaa mẹ, vaa mẹ. Mị vaa mẹ ịsị mi sì ka maa mẹ̀.

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

Odeyi 7:51

Di Isitivini ka, “Ẹwụ nịnị anayọkatẹngụ, ana nyị ayị anarịmadọwụ, dị ụ wẹ̀ yị mā wụ́ ịrẹyị Ohomorihi nịnị. Ẹwụrị ohiku awụ nịnị vị ọnya, vị ẹwụ nịnịị̄ rẹẹ kụ̀ụ hịrẹ Ụhwẹ Ọnịnị nị.

1 Anịkọrịntị 1:25

Ịsị aza ro ka vị Ohomorihi mẹ ụra ịnị anị nị, ụra ọnọọ óo huna ịrẹyọyẹ ọza. Ịzị aza èe ree ka Ohomorihi vị ọkụmị, ọkụmị ọnọọ ọ́ọ nyị ụkata huna aza.

Odeyi 11:17

Avaba ọzọza ô re e ka ẹyịza ọnyọọnya Óhomorihi sị yị aza ẹnẹẹ ẹnẹ ẹ̀ yị vị Aniju nị, anka ọ mẹ̀ rẹ sị yị ẹyị, ị mẹ̀ sị ayị tụra Ijeesu Ikirisiti Ananyị yị. Ẹnẹ vị ẹmị, ana vaa dọ Ohomorihi oro ka asị ọ mẹ ịsị ọ ka ọnị aa mẹ?”

Odeyi 9:5

Dị Ịsọọrụ ka, “Ẹwụ ẹnẹ ọ vị, Ananyị yị?” Dị Ananyị yị ka, “Ẹma vị Ijeesu ọnị ụ waa sị ụyaa rị nị.

Odeyi 6:10

Ụhwẹ Ọnịnị ộ sị ụkata yị Isitivini, ana ahịka ọ mẹ̀ sị ịrẹyọyẹ kà ịrẹyị, vị ẹnịnị kuku ee re ẹtẹ kẹnẹ nị.

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Ijoovu 34:29

Ohomorihi ọ̀ọ ka ẹ yị nyị ịsị ọnị a mẹ̀ vụrụ-vụrụ. Ẹnẹ hwọ jị ịvị yọ? Ọ̀ọ ka ọnị aa sị̀ eyi tẹ̀, ẹ yị nyị ịsị ị zụ mẹ

Odeyi 23:9

Dị aza ee nowuu hu avọọ nị. Dị ọzwọzọda nịnị ini ogu Anihwarisi kwẹẹtẹ, dị ẹ ka, “Ẹ yị nyị ịsa odivi oni i re ka ọnọrụ ọnọnị ộ mẹ̀. Ọ nyẹngụ hụ ọọ ahịka ụhwẹ ẹnyị, àa vị anggẹẹrị ọ kà ịrẹyịị yọ nị.”

Ayịsaya 43:13

Ẹma vị Ohomorihi nị, ẹma yị vaa vị Ohomorihi pooro nị. Ẹ yị nyị ọza ana zụ dọ ọza ha hụụnị ụvọ amị, màa sị ụkata za a. Ịsị mị mẹ, ọza ẹ yị zụ vara a.

Ayịsaya 45:9

O vee divi yị ọza ene beri ọza ana tụ ọ zune ụvọ. Ụnọkọ wéé beri ọza ana jị ọ nyị ahankata? Ụnọkọ wéé họ̀ ọza ana jị ọ ka sị aa mẹ? Ọ zụ kà a ka ọza ana jị ọnị e yi yẹ eyi ụkọrọ?

2 Ohinọyị 19:22

Eni u ro ka ụ maanị aa kụ̀ ụhụ, dị waa sị ọ me enyinyị? Wẹ́ yị sị ụbanyị yị ẹmị Ohomorihi Anisirẹrị ẹnẹ ẹ̀ yị nyị ẹngụ anị.

1 Ohinọyị 12:24

ẹmị Ẹnẹyịmavara kà asị ẹ sị ụvọ kanyị ọyịnyara ẹnịnị Anisirẹrị. Kà a ka mị ka asị e pè wa kụ̀ ịrẹkụ. Kà a ka mị ka ọzọza ọ̀ va nọ ini eehi anị, ka avaba ịsị ẹ mẹ avọọ, ẹma mẹ ka ọ vavọọ mẹ nị.” Ịzẹyịza aza ẹnẹẹ ệ wụ́ ịrẹyị Ẹnẹyịmavara, dị ọzọza varẹma nọ ini eehi anị anka Ẹnẹyịmavara mẹ̀ kà a nị.

2 Ịsamụwẹrị 5:2

Ịyẹẹyẹ Ịsọọrụ mẹ̀ vịdị vị ohinọyị ayị, ẹwaā kụ́ Anisirẹrị nọ ịrẹkụ nị. Ẹnẹyịmavara ọ sị ọ kà ka ẹwa vaa tẹsị aza anị ana vị Anisirẹrị nị. Ọ rẹ ka ẹwa vaa vị ohinọyị ẹnịnị nị.”

1 Anịkọrịntị 10:22

I yee sì ka ya mẹ ayị kụ́ Ohomorihi nị? I yéé ro ka yáa nyị ụkata hu ọọ nị?

Oyinyima 24:50

Di Ịrabanị ọnịrị Ibetuwẹrị tụ́ ohi dị ẹ ka, Ẹnẹyịmavara ọ mẹ ịrẹyị ọnọnị nị. Ẹnị ẹ yị nyị irenu ọha kà ịrẹyị ọnyọọnyị ịnị anị.