Odeyi 5:3 - IWE ỌNỊNỊ

³ Dị Ipita ka, “Ananịya! Sị ẹ vẹ dị ụ zẹẹ ka Echu ọ̀ dọ ayị awụ, dị ọ mẹ ka we cheeche yị Ụhwẹ Ọnịnị, dị ụ dà tẹ ịnị ẹkẹhị ọnị ụ dọ, ụ mẹ̀ ná ẹtẹ awụ?

Odeyi 5:3 Referans Kwoze

Ijeremaya 23:24

Ọ kà áá nyị ọza ana zụ tẹ aha ewere ọnyọọnyị ka asị ọnị ré ọnị? Ọ kà áá nyị ịzị ọnị ẹ̀ yị yà ẹbẹẹba ọnịrị ịnị ẹhẹ ọnọnị kẹ?

Ayịsaya 29:15

Wa sị dà nịnị, ẹwụ nịnị ana aa mẹ eto di ụ ka asị Ẹnẹyịmavara yẹ nịnị. Mị ka wa sị dà nịnị, ẹwụ nịnị ene ee weree mẹ ịrẹyị di wee ro o nịnị ka ẹ yị nyị ọza ene ee re wu nịnị. Ụ ka ẹ yị nyị ọza ana yẹ ịsị waa mẹ nịnị.

1Ipita 5:8

Sị ụvọ za ẹngụ awụ nịnị, dị ụ wa sị eyi pe ẹtẹ nịnị, agụvị ka Echu ana vị ọnịvị awụ nịnị, aa ngwọọ zịịzị anka idu ene ee nowuu zị avọọ, ee sì ọza ọnị ọọ wụụ rị.

Odeyi 5:9

Dị Ipita kà a yọ ka, “Sị ẹ vẹ dị ẹwụrị ọva awụ mẹ ariro ka wa zama Ụhwẹ Ọnịnị re nịnị? Re! Aza ene ne ne oku ọva awụ, aa vaa ngụ ịzẹnị booro aanị, ẹnị raa vaa sị ẹwụ bẹẹ.”

Ịjọọnụ 13:27

Íjudasi mẹ̀ yị rị ịsa ọnọọ kẹnẹ, di Echu ngụ ọọ ayị nị. Dị Ijeesu kà a yọ ka, “Ịsị ụ wàaa mẹ, u jintu mẹ̀ ẹ!”

Ịjọọnụ 13:2

Ijeesu ọnịrị ezirẹma anị vị ana aa rị ịsa oruva. Echu ọ raà sị tụ́ ịnị ayị Ijudasi Isikarịyọtị ozi Ịsayịmọnị ka ọ̀ sị Ijeesu chire ọnịvị anị ụvọ.

Ijemiisi 4:7

Agụvị avọọ ká ịrẹsụ hi yị Ohomorihi nịnị! Asị ụ sị oze yị Echu nịnị, ka o vee zwèe kà naa wụ nịnị.

Ịrẹyị Ọzwọzịsa 5:4

Waa ka a ka aa nyị ịsị ụ vaa mẹ yị Ohomorihi ụ hụra mẹ̀ ẹ; agụvị ka ayị Ohomorihi e me hine tu ọnụra nịnị. Mẹ ịsị waa ka a ka ụ vaa mẹ.

Ijoovu 22:13

Ama dị ụ ka ẹ yị zụ yẹ ịsa anaa na, dị ọ̀ vaa mẹ̀ ọkarẹyị anị agụvị ka eguhi gu ọ hi tụ ẹbẹẹba nị.

Odeyi 5:4

Dị ụ va ná ẹtẹ awụ, ẹwa nyị nị. Ụ mẹ̀ rẹ va sị ọọ ná, ẹwa yị nyị ẹkẹhị anị nị. Sị ẹ vẹ di u ve ro o ịnị ayị awụ ka ụ maanị aa mẹ aanị? Ẹ yị vị ọza u cheeche yị, Ohomorihi u cheeche yị nị o.”

Odeyi 5:2

dị ọ dà ẹkẹhị anị tẹ yị ẹngụ anị nị. Ose anị ộ yẹ ini oze anị. Dị ọ sị ana vọ vẹ, dị ọ sị va yị odeyi nịnị nị.

Iruuku 22:3

Di Echu sị ngụ ịnị ayị Ijudasi ọnị ịrẹha ẹtẹ anị rị Isikarịyọtị nị. Ọnị rẹ vị ọnya ini ezirẹma ẹwụrẹva.

Iwe Ọhụhị Imosiisi ana aa hị́ Ọyịvatụrọda 23:21

Wèe wo oto ka ụ vaa mẹ̀ ịsaa yị Ẹnẹyịmavara Ohomorihi awụ, re ka ụmẹ anị òo sì tu, waa mẹ̀ ẹ. Ẹnẹyịmavara vaa họ̀ wụ use ịsa oni u wo oto anịị yọ. Wẹ̀ yị mẹ̀ ẹ, ịvị ọ vị yị wụ nị.

Ịrịka 30:2

asị ẹ̀ sị ahụ jịnẹ ọda anaā sị́ zẹ ịzẹzẹ. Ẹ́ mẹ ido avaba ịsa ọnị Ẹnẹyịmavara va ọ̀ọ ka yị wa.

Imatiwu 13:19

Ọza ọ̀ọ wụ́ ịrẹyị ịjọva Ohomorihi dị ọ̀ yị yẹ ịsị ọ wụ́ nị, di Echu vẹ, dị ọ va sị ịsa enee mi tụ́ ịnị ayị hụụ ịzọọ. Ọza ọnọọ vị ana yà anka ihu enee mi tụ́ ụtọ oze avọọ.

Ihoseya 11:12

Ọ kà a Anisirẹrị nịnị vị ana sị ireche ọnịrị evene kara ọnị. Anijuda nịnị vị ana yịị mẹ akamawụ hi ọnị Ohomorihi ọnịnị ana vị ọnịrẹyịzẹyịza.

Ụhịrẹyị 20:25

Ròo dị wa va zẹ ịzẹzẹ yị Ẹnẹyịmavara, ẹyị vavọọ ụ vana sụ ụmayịyẹ ịrẹma anị.