Odeyi 5:20 - IWE ỌNỊNỊ

²⁰ “Na jẹẹ ini irehi Ohomorihi nịnị, dị ụ waa kà ịrẹyị ẹhẹ ọwọọwa ọnọnịị yị aza nịnị!”

Odeyi 5:20 Referans Kwoze

Ịjọọnụ 6:63

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Ịjọọnụ 6:68

Dị Ịsayịmọnị Ipita tụ́ ohi, dị ọ ka, “Ananyị yị, ẹnẹ ẹyị kụkụ aa káa na? Ẹwa nyị ịrẹyị ana zụ mẹ ka ọza ọ̀ yàra pooro zịna-zịna nị.

Imatiwu 21:23

Ijeesu ọ rẹ vavẹ ini irehi Ohomorihi. Ọ màa zụ̀ aza ịsa, dị ohirẹsụ ẹbanyị irehi Ohomorihi beri ọdọvịdị nịnị ve tù ọọ nị. Dị ẹ họ̀ ọ ka, “Ọda ịsị ụ maanị aa sịị mẹ? Ẹnẹ sị ọda ọnọnịị wụ ka wa maanịị mẹ?”

Odeyi 11:14

ka ọ vaa kà ịrẹyịị yị ọnị ana vaa mẹ ka ọnịrị aneehi anị ẹ̀ zụ há.

Ịjọọnụ 18:20

Dị Ijeesu tụ́ ohi, dị ọ ka, “Ịnị eyigede mị yàā kà ịrẹyị amịị yị avaba anẹhẹ nị. Ini irehi Ohomorihi mị yàā zụ̀ aza ịsa nị, ọnịrị ini irehi Ohomorihi ịzị Aniju nịnịị̄ kụ́ gụ. Ẹ yị nyị ịrẹyị amị ọnị mịị̄ kà ini ewere.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ịjọọnụ 12:50

Mâ yẹ ka ịrẹyị anị vị anaā mẹ ka ọza ọ̀ yàra pooro zịna-zịna. Agụvị avọọ, ịsa tụra ịsa ọnị màa kà, ịsị Ada amị rẹ sị mị ka ma kà ọ vị ọnọọ nị.”

Ijeremaya 36:10

Ịjị aza sị gụ, Ibaruki ộ jẹẹ ịnị aku ọnọrụ ọnya aanị ana aā hị́ Igẹmarịya ana vị ozi Isahwani, ọnị ọọ chẹrẹ ịsị ịnị ikootu nị. Aku ọnọọ vị ana ya ịnị ohweje ana ya eyi ẹbẹẹba, ọ sị gụrị oze ọwọọwa ana a zịị ngụ ịnị irehi Ohomorihi. Ibaruki ộ vavọọ ya ini irehi Ohomorihi, dị ọ kà avaba ịrẹyị ọnị Ijeremaya ka yọ ọnị ọ chẹrẹ hi ini iwe ọgọdọ nị.

Ijeremaya 26:2

Dị Ẹnẹyịmavara kà a yị ọnị ka, ọnị ọ̀ na jẹẹ ịnị akakana irehi Ohomorihi nị. Ọ kà ọnị ọ̀ kà a yị aza anaa hụrẹ Ijuda vaa mẹ ahẹkẹ ịzọọ, avaba ụtụ ọnị ọnị tụ ọnị. Asị a nyị ọnị ọnị dà tịtẹ.

Ijeremaya 7:2

Ọ kà, ọ̀ na jẹẹ oze ọnị Anijuda nịnịị zị ngụ ịnị irehi Ẹnẹyịmavara vaa hẹkẹ ẹ, dị ọ̀ kà a yị wa ka,

Ayịsaya 58:1

Ẹnẹyịmavara kà yị Ayịsaya ka, “Nowu tụ ẹba ọmẹzụ-ọmẹzụ, ọngwẹ awụ ọ̀ tụ ẹba anka ọpanyị aa sụ ịrẹyị avọọ. Kà a yị aza anị Anisirẹrị ịvị ẹnẹ ẹ yaa mẹ̀.

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.

Ọyịkụra 24:3

Imosiisi ộ na dị ọ na kà a yị aza ẹnẹẹ avaba ịrẹyị ẹnị Ẹnẹyịmavara kà ọnịrị ọda ọnị ọ mẹ nị. Dị Anisirẹrị nịnị sị irenu tọ̀ ọnya dị ẹ ka avaba ịsa ẹnị Ẹnẹyịmavara ọ̀ọ ka ẹnị vaa mẹ nị.

Ezikẹẹrị 33:7

Ezikẹẹrị ka, Ẹnẹyịmavara ộ kà a yị ọnị ka, ozi-ọza, ọnị Ẹnẹyịmavara ọ sị ọnị nyị oserẹtẹ yị ẹkụra Isirẹrị. Ọnị ọọ kà wa ọnọọ yị ọnị Ẹnẹyịmavara anka ọnị ọ̀ọ mẹ tụ́ ọnị.

Imatiwu 10:27

Ịsị màa kà wụ nịnị ịnị ịrahụ, na kà a nịnị ụmẹ ọọdụ! Ịsa àa tangwa were kà chire wu nịnị ụtọ, na jẹẹ ịrẹsụ irehi, dụ wa nọ̀ ọ nịnị!

Odeyi 13:26

Ẹwụ nịnị anda ayị, ẹwụ nịnị ezi Abụrahamị, ọnịrị ẹwụ nịnị aza ana vọ ene hí angwa Ohomorihi, ẹyị a sị ịrẹyị ẹdọha ọnọnị tụ́ hi nị.