Odeyi 5:12 - IWE ỌNỊNỊ

¹² Apositeri nịnị ệ mẹ̀ ụkọrọ ohyozirenu ọnịrị apọtẹrẹwa irenyi-irenyi ịnị akakana aza. Dị avaba ọdọwụ nịnị và ịnẹ bẹ, dị ẹyaa kụ́ụ gụ ịnị ajẹhẹ Isoromọnị nị.

Odeyi 5:12 Referans Kwoze

Odeyi 19:11

Ohomorihi ộ zị oze ịnị ụvọ Ịpọọrụ mẹ̀ ụkọrọ ohyozirenu irenyi-irenyi ọnị ọza oò yi re da.

2 Anịkọrịntị 12:12

Ịsa ana sị zụ̀ ka ezirẹma Ijeesu obooro mị vị nị vị ọnị maa sị isuuru mẹ ịnị akakana awụ nịnị: ụkọrọ ohyozirenu ọnịrị apọtẹrẹwa irenyi-irenyi ệ mẹ.

Anihiburu 2:4

Ohomorihi ọnị ọ rẹ dọ ivenu tụ́ ọọ ini oze ụkọrọ apọtẹrẹwa ọnịrị ohyozirenu irenyi-irenyi ana aa mẹ; ọ rẹ mẹ ka Ụhwẹ Ọnịnị anị ọ̀ sị ụkata irenyi-irenyi yị ọzọza anka o mè sì ọọ.

Odeyi 14:3

Ịpọọrụ nịnị ệ yị yà ịzọọ kù ẹtẹẹtẹrẹ. Dị ẹyaa sị ọtụtụrụma kà ịrẹyị Ananyị yị nị. Ananyị yị ộ mẹ̀ ka ẹ̀ zụ mẹ̀ ụkọrọ ohyozirenu ọnịrị apọtẹrẹwa ana sị zụ̀ ka ịrẹyị ayamva Ohomorihi ẹnẹ ẹyaa kà vị ịzẹyịza.

Aniroomi 15:19

ọnịrị ini oze apọtẹrẹwa ẹbanyị-ẹbanyị ọnịrị ụkọrọ ohyozirenu ọnịrị ini oze ụkata Ụhwẹ Ọnịnị. M mẹ̀ ngwọọ hụrẹ Ijerusarẹmị na ngụ Iririkumi, ma raà kà enube ọyịza Ikirisiti avaba aha.

Odeyi 3:11

Oswahụ ana a mẹ ụkụ aanị, ộ ta Ipita ọnịrị Ịjọọnụ kú. O si hí avaba aza irenu, dị ẹ wụsẹ zwe ne tù ọọ ịzị aā hị́ ajẹhẹ Isoromọnị nị.

Ịjọọnụ 10:23

Dị Ijeesu aa zị ụsẹ ini irehi Ohomorihi ájẹhẹ Isoromọnị nị.

Odeyi 4:30

Sị ụkata awụ mẹ aza ụkụ! Navọ ụkọrọ ohyozirenu ọnịrị apọtẹrẹwa ẹ̀ẹ mẹ ịnị ịrẹha Ijeesu Ozi ewu ọnịnị!”

Odeyi 1:14

Dị ẹnịnị sị ayị yị ẹngụ, dị ẹyaa mẹ̀ aduwa pooro nị, beri anyẹnẹẹ ẹnyị ọnịrị Imeri ọnyị Ijeesu ọnịrị ẹyịnyara Ijeesu nịnị.

Ịmaakị 16:20

Dị ezirẹma anị na, dị ẹ naa kà enube ọyịza avaba aha nị. Ananyị yị aa mẹ ọgụvọọ yị wa, dị aa sịị zụ ka ịrẹyị ẹnẹ ẹyaa ka vị ịzẹyịza zị oze ini oze apọtẹrẹwa ana aa mẹ nị.]

Odeyi 16:18

Ẹkụhị ọrụrụ-ọrụrụ ọ maanị sị sị aa yịị kà nị. Ụpẹ ọnya kẹnẹ, ọ sị kụ́ Ịpọọrụ ayị, dị ọ vara eyi, dị ọ kà a yị ụhwẹ echu ọnọọ ka, “Ịnị ịrẹha Ijeesu mâ mẹ ọdaa wụ, ka wa jịnẹ hụụnị ẹngụ anị!” Dị ụhwẹ echu ọnọọ wụsẹ jịnẹ hụụnị ẹngụ anị nị.

Odeyi 9:40

Dị Ipita ka avaba ẹnịnị ẹ̀ jịnẹ hi ẹhẹ, di o ku ẹtẹ, dị aa mẹ̀ aduwa nị. Di o và eyi kà oku ọnọọ, dị ọ ka, “Itabita, kwẹẹtẹ!” Dị Itabita há eyi anị nị. O mè re Ipita, dị ọ kwẹẹtẹ yaayịtẹ nị.

Odeyi 9:33

Ịzọọ, ô ne tù ọnọrụ ọnya aanị ana aā hị́ Eniyasi. Oswẹngụ ọ vị nị, ọ yị zụ kwẹẹtẹ hụrẹ aha ọyịsụ̀ anị hụrị ịrayị ịhịnta.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

Ijeremaya 26:9

Ẹ ka, sị ẹ vẹ dị ọ ka Ẹnẹyịmavara ọ tụ ọnị ka ọnị ọ̀ kà a ka, irehi Ohomorihi ẹnịị vaa yà anka Isiro? Sị ẹ vẹ dị ọ ka e vee vu Ijerusarẹmị ẹtẹ dị ọza ẹ yị ma vana ra ịnị anị? Ijeremaya ka, dị aza họ̀gụ kara ọnị nị.

Ịjọọnụ 4:48

Dị Ijeesu kà a yọ ka, “Ẹ̀ yị vị u re apọtẹrẹwa ọnịrị ụkọrọ ohyozirenu nịnị, wẹ mā dọ wụ́ nịnị.”

Odeyi 28:9

Ịjị ọ maanị sị ọnọọ mẹ, dị ọnịkụ ana vọ hi ẹkụra ene enyi kara aanị, ẹnị rẹ vẹ, dị Ịpọọrụ mẹ wa ụkụ nị.