Odeyi 4:34 - IWE ỌNỊNỊ

³⁴ Ẹ yị nyị ọza ana rị ụya ịsọnyị-ịsọnyị ịnị ẹnịnị. Aza ana àa nyị ẹtẹ, àa vị irehi, dị ẹ ná a, dị ẹ sị ẹkẹhị anị vẹ,

Odeyi 4:34 Referans Kwoze

Odeyi 2:45

Ệ ná ịsị ẹ nyị ọnịrị ogu ẹnịnị, dị ẹ gà ẹkẹhị anị, anka ị́sa mẹmẹ aa rị ọzọza ụya nị.

Iruuku 16:9

Dị Ijeesu rẹ ka, “Avọọ m mẹ̀ kà a wụ nịnị nị, ka wa sị ẹkẹhị ọnị ụ zị oze asuvu nyị, di u we si beri aza za ọta nịnị! Agụvị ịjị ayị ẹkẹhị òo hí, dị à dọ wụ nịnị tụ́ ịzị ọzaā yàra pooro zịna-zịna.

Iruuku 12:33

Ná ịsa ọnị ụ nyị, dị ụ wa sị mẹ onosiye nịnị ẹyịza! Mẹ asụnụ ene è yi mē bo yị ẹngụ awụ nịnị, dị ụ wa sị ogu awụ nịnị tẹ tụ́ ẹbẹẹba! Ịzọọ, ẹnịnị e yi zụ vú, oyi ọ yị zụ nọ ịzọọ, ikere o yi re zụ ne du ọọ.

Iruuku 22:35

Dị Ijeesu rẹ kà a yị wa ka, “M mẹ̀ tụ́ wụ nịnị jịnẹ, dị mị ka asị ụ sị asụnụ ọnịrị ampo beri adava nịnị, áá nyị ịsị ụ rị ụya anị nịnị?” Dị ẹnịnị ka, “Eyiye” nị.

Ịmaakị 10:21

Ijeesu ô re ọnọrụ ọnọọ pooro, ô sì ịrẹyị anị, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi, dị ụ wa vẹ, dị ụ wa vaa dụ mịị zịịzị!”

Imatiwu 19:21

Dị Ijeesu kà a yọ ka, “Wèe sì ka wa gụ, na ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịda Ohomorihi. Dị ụ wa vẹ, dị ụ wa vaa dụ mịị zịịzị!”

Iwe Ọhụhị Imosiisi ana aa hị́ Ọyịvatụrọda 2:7

Dị Imosiisi ka, asị ayị hi wa ka Ẹnẹyịmavara vene sere wa ịrayị ẹbẹẹva ịhị ụnọmị paragada. Ộ mẹ̀ ẹhẹ rọ wa ẹngụ, ẹ yị nyị ịsị ẹ zwọ wa.

1 Itimoti 6:19

Ẹ̀ẹ vavọọ aa mẹ, dị ẹyaa kụ́ ịsaa tẹẹ yị ẹngụ ẹnịnị ana ahịka ọ vaa vị ịsa ẹtẹẹtẹrẹ yị wa ụhwọọ, agụvị dị ụvọ ẹnịnị ò zụ kú ẹhẹ obooro.

Odeyi 4:37

Ộ nyị ẹtẹ, dị ọ ná a, dị ọ sị ẹkẹhị anị va yị odeyi nịnị nị.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

1 Anịtẹsaronika 4:12

Wàa vavọọ aa mẹ nịnị, aza ẹnẹ ẹ̀yị vị ọdọwụ vaa sị ụbanyịị wụ nịnị, di u weyi che ayị za ọza nịnị.

2 Anịkọrịntị 8:14

Ama wâ nyị rị ụvọ nịnị booro aanị, agụvị avọọ â vọrọ ka wa mẹ ọgụvọ yị aza ẹnẹ ẹ̀ yị nyị nịnị. Ịhị ẹwụ nịnị ẹ̀ yị rẹ kụkụ nyị rị ụvọ, dị ẹnị nyị nị, dị ẹnị rẹ mẹ ọgụvọ yị ẹwụ nịnị. Ọnọọ vaa mẹ ka wa vị ẹbẹẹbẹ nịnị.