Odeyi 4:27 - IWE ỌNỊNỊ

²⁷ Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

Odeyi 4:27 Referans Kwoze

Imatiwu 27:2

Ệ sụ́ Ijeesu orupa, dị ẹ và a tụ́ ọvịdị, dị ẹ sị ọọ na yị Ipayireti ana vị ịgọvọnọ ịzọọ nị.

Odeyi 4:30

Sị ụkata awụ mẹ aza ụkụ! Navọ ụkọrọ ohyozirenu ọnịrị apọtẹrẹwa ẹ̀ẹ mẹ ịnị ịrẹha Ijeesu Ozi ewu ọnịnị!”

Iruuku 9:22

Dị ọ rẹ ka, “Â nyị ka ẹmị Ozi ọza onigirima ọ̀ rị ụya ẹtẹẹtẹrẹ. Ọdọvịdị nịnị ẹnịrị ohirẹsụ ẹbanyị irehi Ohomorihi beri ọzwọzọda nịnị vee yi mii tịtẹ. A rẹ vaa wụ̀ mị; ama ịhyẹgwẹta anị, mị vaa ha hụụnị isu.”

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 2:27

ọ yị vaa navọ ka ma yà ini eku pooro. Ọ yị rẹ vaa navọ ka Ọza ọnịnị anị ò sú, dị ọ̀ vụ̀ ne ta.

Ịjọọnụ 19:34

Dị ọnya ini isoja nịnị ẹnẹẹ sị ọha, di o gù ọ chire Ijeesu akaha, dị anya ọnịrị enyi ká va jịnẹ nị.

Ịjọọnụ 18:28

Dị ẹ rẹ sị Ijeesu hụụnị eehi ịdị Ikayahwasi, dị ẹ sị ọọ nọ ịdị ịgọvọnọ nị. Ẹnẹnẹ viri-viri ọ vị nị. Aniju nịnị ẹ yị ngụ ịzọọ, agụvị ka e yi sì ka eni è du ẹngụ ẹnịnị ẹngụ, agụvị ẹ̀ zụ rị ịsọyịrị Eche Ọyịparahu.

Ịjọọnụ 10:36

Àa vị ẹmịị yọ, Ada amị ọ nyị mị, dị ọ tụ́ mị vẹ ẹhẹ nị. Màa va kà a ka Ozi Ohomorihi mị vị nị, dị ụ ka m maa kà ịrẹyị odivii hi Ohomorihi nịnị nịị?

Ịjọọnụ 1:11

Ộ vẹ ịnị ẹkụra anị, ama aza anị ẹ yị va dọ ọ.

Iruuku 22:63

Dị aza ana sị eyi pe Ijeesu aa mẹ̀ ẹ isiya, di eyee tụ́ ọọ nị.

Iruuku 4:18

“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ;

Iruuku 1:35

Dị anggẹẹrị ọnọọ kà a yọ ka, “Ụhwẹ Ọnịnị vaa vàa kú wu, dị ụkata Ohomorihi và kú wu, agụvị avọọ ozi ọnị ụ vaa ma avọọ, ọnịnị a vaa hị́ ọ nị, Ozi Ohomorihi a rẹ vaa hị́ ọ nị.

Ịmaakị 15:31

Avọọ ohirẹsụ ẹbanyị irehi Ohomorihi ne beri ọzwọzọda nịnị mẹ̀ raa sị ọọ mẹ enyinyi nị. Dị ẹ yaa kà a yị ẹngụ ka, “Ọọ̄ dọ aza ẹnẹsa há, ama ọ yị zụ dọ ẹngụ anị há.

Ịmaakị 10:33

Ọ kà, “Re! Yaa hịrẹẹ nọ Ijerusarẹmị. A vaa sị ẹmị Ozi ọza onigirimaa chire ohirẹsụ ẹbanyị irehi Ohomorihi ụvọ, ọnịrị ọzwọzọda nịnị. Ẹ vaa mẹ̀ ọkarẹyị isuu mị, dị ẹ sị mị chire aza ẹnẹ ẹ̀ yị vị aniju nịnị ụvọ.

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Imatiwu 21:28

“Si u ro ịnị ịrẹyị ọnọnị nịnị? Ọnọrụ ọnya yà ịzọọ, ộ nyị ezi anọrụ ẹẹva. O ne tù ọnịpaapa, dị ọ kà a yọ ka: ‘Nọ ịnị ụbazị amị, dị ụ wa na mẹ̀ ụkọrọ ịzọọ ajịnị!’

Imatiwu 14:1

Ụmẹ ọnọọ Ịhẹrọdị ọnọba ộ wụ́ ịrẹyị Ijeesu.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ayịsaya 53:3

Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.

Ayịsaya 49:7

Ẹnẹyịmavara kà a yị Isirẹrị ka ọnị ọ vị Ohomorihi ọnịnị ana dọ wa ha hụụnị ụvọ ohinọyị nịnị ana za wa ọrịhị ọnịrị anẹkụra ana sị eyi wụ̀ wa. Ama booro aanị ọnị o wo oto ka ohinọyị nịnị ọnịrị ọdọvịdị nịnị vaa sị ụbanyị yị wa, di e yee ku ẹtẹ yị wa agụvị ka ọnị vị ọnịrẹyịzẹyịza, ọza ọnịnị Anisirẹrị ana nyị wa.

Ahẹ Ụgama 45:7

Ohinọyị wê sì ịrẹyị ịzẹyịza, ama we yi sì ebira odivi avọọ Ohomorihi awụ nyị wụ ka we huna avaba ọpa awụ ana vọ nị Dị ọ mẹ ka waa jẹ, dị ịnẹ awụ òo hine hu avaba ẹnịnị nị.

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

Ahẹ Ụgama 2:2

Avaba ohinọyị anẹhẹ ẹ sị ịrẹkụ gu agụvị Ẹnẹyịmavara ọnịrị ọza ọnị ọ nyị ka ọnị ọ̀ sị mẹ ohinọyị, vị ẹ gẹ eyi vabẹ ụvị anị nị.

Ijoovu 25:4

Ọzarẹyịrẹsụ mẹmẹ nyẹngụ ka a ka ọnị ọ nị ọvịdị Ohomorihi? Áá nyị ọza ana hụ́ ọ ka avọọ?

Ijoovu 15:14

Ẹnẹ ka ọnị ọ nị ọvịdị Ohomorihi? Ẹnẹ ka ọnị aa mẹ̀ ịsa ana vọrọ?

Ijoovu 14:4

Ẹnẹ zụ sị ịsa ana nị hụụnị ẹvụvụ? Ẹ yị nyị.

Ayịsaya 37:26

Ọ kà, aanị ka wẹ́ yị wụ ọ ka, o si ku ọnị ọnị hụrẹ mẹ eto avaba ọsọnị tịtẹ? Ọnị ọ va sị ọ mẹ booro aanị. Ọnị ộ sị ụkata yị wụ ka wa jị ẹkụra ana jị ọvọ kara eburu.

Imatiwu 14:3

Ịhẹrọdị vị ana vịdị za Ịjọọnụ, dị ọ sụ́ ọọ dị ọ sị ọọ tụ́ ịnị ẹngwa nị agụvị Iherodiya. Iherodiya vịdị vị ose Ihwiripi, ọyịnyara Ịhẹrọdị.

Imatiwu 14:6

Ẹkụhị ọnya Ịhẹrọdị aa rị eche ẹkụhị anaa sị ma a. Di ozi ọnẹẹ Iherodiya nyị ẹzẹ, dị ẹzẹ ọnọọ zé Ịhẹrọdị eyi pooro nị.

Iruuku 23:1

Dị avaba ọkọnị aza ẹnẹẹ kwẹẹtẹ, dị ẹ sị Ijeesu nọ ịdị Ipayireti nị.

Ịjọọnụ 18:29

Dị Ipayireti va jịnẹ ne tù wa, dị ọ ka, “Ịrẹyị ịsị ụ sị za ọnọrụ ọnọnị vẹ nịnị?”