Odeyi 3:21 - IWE ỌNỊNỊ

²¹ Â nyị ka Ijeesu ọ̀ yà ẹbẹẹba pooro dị ịsavị-ịsavị ẹ̀ vara ọwọọwa, anka Óhomorihi mẹ̀ vịdị kà a ini oze ọnịsẹ ọnịnị nịnị, a mẹ̀ hụrẹ mẹ ẹhẹ.

Odeyi 3:21 Referans Kwoze

Aniroomi 8:21

ọnị ọ vị ka ẹkụhị ọnya, Ohomorihi vaa dọ avaba ịsa ọnị ọ mẹ tụ́, asị ẹ vụ̀ va ha. Ohomorihi vaa mẹ ka ẹ̀ nyị ẹngụ ẹnịnị, dị ẹ̀ nyị ụbanyị ene ezi Ohomorihi nịị vaa nyị.

Odeyi 1:11

Dị ẹ ka, “Ẹwụ nịnị Anigariri, sị ẹ vẹ dị ụ maanị jẹẹ, dị ụ và eyi hịrẹ ee re ẹbẹẹba nịnị? Ijeesu ọnọnị ana hụụ ịdị awụ nịnị nọ ẹbẹẹba aanị, ọ rẹ vanaa vẹ, anka u mè re e ka ộ hịrẹ nọ ẹbẹẹba nịnị aanị.”

Ayịsaya 1:26

Ọ rẹ ka ọnị vaa sị ẹngụ ọmọkarẹyị anịyẹẹyẹ vaa wụ̀ nịnị ne beri ẹngụ onuwọjị ịyẹẹyẹ. Ịjọnọọ a rẹ vanaa hị́ wụ anẹkụra ana aa mẹ ịzẹyịza, dị a ka wâ nyị ayị ọnya.

Ẹtore 22:6

Dị anggẹẹrị ọnọọ kà a mị ka, “Ịrẹyị ẹnẹnị vị ịzẹyịza, ẹ yị nyị ireche ịnị anị. Ohomorihi Ananyị yị ana sị Ụhwẹ Ọnịnị anị yị ọnịsẹ nịnị ọ tụ́ anggẹẹrị anị ka ọ̀ sị va zụ̀ ezi ahụ anị ịsa ana aa vaa mẹ aanị nị.”

Iruuku 1:70

Ịnị ịyẹẹyẹ, ộ zị oze ịnị ụvọ ọnịsẹ ọnịnị anị kà a ka:

2Ipita 3:2

Mee sì ka wa tamayị ịrẹyị ọnị ọnịsẹ ọnịnị nịnị kà ịyẹẹyẹ. Dị ụ wa rẹ tamayị ọda Ananyị yị Ọdọzaha, ana odeyi awụ nịnị aa kà a wụ nịnị.

2Ipita 1:21

agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.

Odeyi 10:43

Avaba ọnịsẹ ệ kà ịrẹyị anị ka ọza tụra ọza ana àa sị ayị tụra a, ọ vaa vagu wa ịnị ịvị ẹnịnị ịnị ụkata ịrẹha anị.”

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Odeyi 3:20

Ụkata vaa hụụ ịdị Ananyị yịị vẹ, dị ayị awụ nịnị nẹtẹ. Ụmẹ ọnọọ, Ohomorihi vaa tụ́ Ijeesu Ikirisiti, ọnị ọ vịdị sị nyị tịtẹ yị wụ nịnịị vẹ.

Anihiburu 1:1

Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị.