Odeyi 3:16 - IWE ỌNỊNỊ

¹⁶ Ụkata ana yà ịnị ịrẹha Ijeesu, ọ sị ụkata yị oswahụ ọnọnị aanị nị. Ịsị u wee re, dị ụ rẹ yẹ nịnị aanị, ộ mẹ̀, agụvị ka yâ sị ayị tụra Ijeesu. Ẹdọwụ ọ mẹ ka ẹngụ anị ọ̀ ta éyi avaba awụ nịnị aanị nị.

Odeyi 3:16 Referans Kwoze

Odeyi 14:9

Ọ mẹ̀ yaayịtẹ ịzọọ, ộ wụ́, Ị́pọọrụ màa kà ịrẹyị. Ịpọọrụ ô jị eyi ngụ ọ, di o re e ka ộ dọ wụ́ ka a zụ mẹ̀ ẹ ụkụ nị.

Odeyi 4:10

 vọrọ ka avaba awụ nịnị ọnịrị avaba Anisirẹrị ọ̀ yẹ ka ọnọrụ ọnọnị ộ jẹẹ ịzẹnị booro aanị, ẹngụ anị ộ ta saka-saka ini oze ụkata Ijeesu Ikirisiti Anịnazarẹtị, ọnị ụ kanyị za ọchị apavahị nịnị, dị Ohomorihi ha a hụụnị isu.

Odeyi 3:6

Dị Ipita ka, “Mẹ yị nyị ẹkẹhị vụrụ-vụrụ, ama ịsị mị nyị, m maa sịị yị wụ aanị nị: Ịnị ịrẹha Ijeesu Ikirisiti Anịnazarẹtị, kwẹẹtẹ, waa zị ụsẹ!”

Odeyi 16:18

Ẹkụhị ọrụrụ-ọrụrụ ọ maanị sị sị aa yịị kà nị. Ụpẹ ọnya kẹnẹ, ọ sị kụ́ Ịpọọrụ ayị, dị ọ vara eyi, dị ọ kà a yị ụhwẹ echu ọnọọ ka, “Ịnị ịrẹha Ijeesu mâ mẹ ọdaa wụ, ka wa jịnẹ hụụnị ẹngụ anị!” Dị ụhwẹ echu ọnọọ wụsẹ jịnẹ hụụnị ẹngụ anị nị.

Imatiwu 9:22

Dị Ijeesu kana eyi, di o ree nị, dị ọ ka, “Ozi, ngụra eyi hi, ẹngụ awụ ộ ta, agụvị ka wâ sị ayị tụra mị.” Dị ẹngụ ọnẹẹ ọnọọ wụsẹ ta hụrẹ ụmẹ ọnọọ gẹdẹ-gẹdẹ nị.

1 Anịkọrịntị 13:2

Òo zee eyi ma nyị ụkata dị ma zụụ kà ịsẹ, dị ma rẹ yẹ avaba ịsa oni iruvo anị nyịnẹ, ọnịrị avaba ịsa ana vọ, màa daka rẹ nyị ẹdọwụ ọnị mị zụ si zina ataba, ama mè yi sì ịrẹyị ọza, osusu kẹnẹ-kẹnẹ mị vị nị.

Ịjọọnụ 14:12

Ịzẹyịza m maa kà a wụ nị, ọza ana àa sị ayị tụra mị, ụkọrọ ọnị maa mẹ̀ aanị, ọ́nị rẹ vaa mẹ nị. Ọ hyakụ vaa mẹ̀ ụkọrọ ana banyị hu ẹsẹnị bẹẹ, agụvị ka maa nọ ịdị Ada amị.

Odeyi 4:7

Dị ẹ hị́ Ipita ọnịrị Ịjọọnụ ka ẹ̀ vẹ ọ́vịdị ẹnịnị nị. Ẹ mẹ̀ vẹ, dị ẹ họ̀ wa ka, “Ịsị ụ mẹ nịnị aanị, ẹnẹ sị ụkata ọnọọ wụ nịnị? Ẹnị ụ sị ịrẹha anị mẹ̀ ẹ nịnị?”

Odeyi 3:8

Di o ji iriga tụ́ ẹba, dị ọ sị ahụ anị jẹẹ, dị aa zị ụsẹẹ zịịzị nị. Dị ọnịrị wa zị ngụ ini irehi Ohomorihi, dị aa zị ụsẹ, di ee ji iriga, dị aa sị ụgaa yị Ohomorihi nị.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Odeyi 4:30

Sị ụkata awụ mẹ aza ụkụ! Navọ ụkọrọ ohyozirenu ọnịrị apọtẹrẹwa ẹ̀ẹ mẹ ịnị ịrẹha Ijeesu Ozi ewu ọnịnị!”

Ịjọọnụ 7:23

Waa jị ozi ewu nịnị ụvẹvẹnẹ ịnị ẹkụhị ụhwọtụ, agụvị asị ụ jịnẹ ọda Imosiisi nịnị. Sị ẹ vavẹ dị ụ waa kụ́ ayịị hi mi nịnị, agụvị ka mâ mẹ ọza ụkụ saka-saka ịnị ẹkụhị ụhwọtụ?

Aniroomi 3:22

Aza ana sị ayị tụra Ijeesu, Óhomorihiī vara ọnịrẹyịzẹyịza nị. Avaba aza ana sị ayị tụra Ijeesu Ikirisiti kẹnẹ, Óhomorihiī vavọọ mẹ nị. Oze ọnya ọ vị yị avaba aza nị,

Imatiwu 14:29

Dị Ijeesu kà ọọ vẹ nị. Dị Ipita jịnẹ hụụnị ẹpa, dị aa zị ụsẹ ị́rẹsụ enyi naa gẹrị Ijeesu nị.