Odeyi 3:14 - IWE ỌNỊNỊ

¹⁴ Wê yi Ọza Ọnịnị ọnịrị Ọnịzẹyịza tịtẹ nịnị, ụ ka à vana hụrẹ ọwọza ụvọ tịtẹ wụ nịnị.

Odeyi 3:14 Referans Kwoze

Ịmaakị 1:24

dị ọ ka, “Navọ yị hẹẹ, sẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị; ẹwa vị Ọza Ọnịnị Ohomorihi nị.”

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

Ijemiisi 5:6

Aza ẹnẹ ẹ̀ yị nyị ịsị ẹ mẹ̀, wâ jị ịvị yị wa, wâ wụ̀ wa, ẹnịnị e yi tụ́ ohi.

Odeyi 22:14

Dị ọ kà a mị ka: ‘Ohomorihi ada ayị nịnị ọ sị wụ nyị, ka wa yẹ ịsị oni sì, di u we re re Ozi anị ọnịzẹyịza, dụ wa rẹ wụ́, ọ́nị ụvọta mèe pe wuu kà ịrẹyị.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị:

1 Ịjọọnụ 2:1

Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Odeyi 2:27

ọ yị vaa navọ ka ma yà ini eku pooro. Ọ yị rẹ vaa navọ ka Ọza ọnịnị anị ò sú, dị ọ̀ vụ̀ ne ta.

Iruuku 23:25

Dị ọ hụrẹ ụvọ ọza ana a za tụ́ ịnị ẹngwa agụvị ịrẹkụ ana chị dị a wụ̀ ọza nị. Ọza ọnọọ ẹ́nịnị sì nị. Dị ọ sị Ijeesu chire wa ụvọ ka ẹ̀ mẹ̀ ẹ, anka e mè sì ọọ nị.

Iruuku 1:35

Dị anggẹẹrị ọnọọ kà a yọ ka, “Ụhwẹ Ọnịnị vaa vàa kú wu, dị ụkata Ohomorihi và kú wu, agụvị avọọ ozi ọnị ụ vaa ma avọọ, ọnịnị a vaa hị́ ọ nị, Ozi Ohomorihi a rẹ vaa hị́ ọ nị.

Ịmaakị 15:11

Dị ohirẹsụ ẹbanyị irehi Ohomorihi tụ́ aza ịrẹyị ka ẹ̀ kà a ka Ipayireti ọ̀ vana hụrẹ Ibaraba ụvọ yị ẹnị.

Ịmaakị 15:7

 nyị ọza ịnya aanị ana aā hị́ Ibaraba.  kụ́ ọnịrị aza ẹnyị aanị hi ịnị ẹngwa. Ẹnịnị vị ana wụ̀ ọza, ẹ́nịrị ịjọva màa zyaazị.

Ahẹ Ụgama 16:10

Wẹ yị vaa hụrẹ mị ụvọọ chire iswọọza ụvọ wẹ yị rẹ vaa navọ ka ọza ana vị ọza awụ ò du ha hi ini ikuta.

Imatiwu 27:20

Dị ohirẹsụ ẹbanyị irehi Ohomorihi beri ọdọvịdị nịnị tụ́ aza ịrẹyị ka ẹ̀ kà a ka Ipayireti ọ̀ vana hụrẹ Ibaraba ụvọ yị ẹnị, dị ọ̀ wụ Ijeesu nị.

Ịjọọnụ 16:10

Ohunẹnọzayị ọnọọ rẹ vaa sị zụ̀ wa ịsị ẹ vị ịrẹyịzẹyịza, agụvị ka maa nọ ịdị Ada amị, we yi kuku re mi nịnị.

Ịjọọnụ 18:40

Dị avaba aza ẹnẹẹ re nowu zẹtẹ, dị ẹ ka, “Eyiye, asị ụ hụrẹ ọnọrụ ọnọnị ụvọ yị; vana hụrẹ Ibaraba ụvọ yị!” Ibaraba ọnị vị oyi.

Odeyi 5:28

“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.”

Odeyi 13:28

Ẹnịnị ẹ yị hyakụ zụ re ịrẹyị ana a vọrọ ka à sị mẹ̀ ọkarẹyị isu yọ, ama ẹ kị ka Ipayireti ọ̀ wụ ọọ.