Odeyi 28:31 - IWE ỌNỊNỊ

³¹ Aa kà ịrẹyị, Óhomorihi mẹmẹ aa mẹ ịjọva, dị ọ raa sị ịrẹyịị zụ̀ wa ini oze Ijeesu nị. Aa sị ọtụtụrụma kà ịrẹyị, ẹ yị nyị ọza ana dọ ọ oro.

Odeyi 28:31 Referans Kwoze

Odeyi 4:29

Ananyị yị, wee re, e mèe chire yi angwa. Aarịhịnị, sị ọtụtụrụma yị ezi ahụ awụ ẹtẹẹtẹrẹ ka ẹ̀ zụụ kà ịrẹyị awụ!

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Imatiwu 4:23

Ijeesu aa ngụ avaba Igariri zị, dị aa zụ̀ wa ịsa ini irehi ahẹkẹ Aniju ẹnịnị, dị aa kà enube ọyịza ịjọva Ohomorihi, dị ọ raa mẹ avaba ụkụ irenyi-irenyi yị aza ịnị akakana aza ẹnẹẹ nị.

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.

Anihwiripi 1:14

Ịnị ẹngwa ọnị mị yà aanị, ọ raà mẹ ka anda ayị ọrụrụ-ọrụrụ e che ayị za Ananyị yị hu avọọ, dị ẹ̀ kụkụ nyị ọtụtụrụma hu avọọ, dị ẹyaa kà ịrẹyị Ohomorihi, di è yi hí angwa nị.

Odeyi 20:25

“Ma raà na kà enube ọyịza yị avaba awụ nịnị ka Ohomorihi ọ vị ohinọyị nị. Mâ yẹ ka we mē vene kuku re mi nịnị.

Odeyi 8:12

Ama Íhwiripi ọnị mẹ̀ va kà enube ọyịza ịjọva Ohomorihi ọnịrị ịrẹha Ijeesu Ikirisiti yị wa, dị ẹnịnị dọ wụ́, â mẹ̀ ọyịhwọzenyi yị wa, anọrụ ọnịrị anẹẹ ẹnịnị.

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

Odeyi 5:42

Eyinị-eyinị, ini irehi Ohomorihi ọnịrị hụụnị ini irehi ọnya na ngụ ọsa, dị ẹyaa yịị sị ịsaa zụ̀ aza, dị ẹ rẹ yaa kà enube ọyịza Ijeesu Ikirisitii yị aza nị.

2 Itimoti 2:9

Agụvị enube ọyịza ọnọọ, m maa sịị rị ụya aanị, dị a hyakụ sị ẹba tụ́ mị anka ọza ana na mẹ̀ ịsa odivi avọọ nị. Ama mâ yẹ ka ọza ọyị zụ sị ẹba tụ́ ịrẹyị Ohomorihi.

Odeyi 23:11

Ịrahụ ịhị ọnọọ, dị Ananyị yị va jẹẹ pe Ịpọọrụ, dị ọ ka, “Ngwara eyi hi! Ụ mẹ̀ kà ịrẹyị amị Íjerusarẹmị aanị, â nyị ka wa rẹ dọ ivenu amị Íroomi.”

Iruuku 8:1

Ịnị ụmẹ ọnya, di Ijeesu aa ngụ ịnị ẹkụra ọbanyị ọnịrị ẹkụra oweyii zị, dị aa kà enube ọyịza ịzị Ohomorihi yà aa mẹ ịjọva nị. Ọnịrị ezirẹma anị ẹwụrẹva ẹ zị nị.

Ịmaakị 1:14

Ịrẹma anaa sị Ịjọọnụ za tụ́ ịnị ẹngwa, dị Ijeesu va ngụ Igariri, dị aa kà enube ọyịza Ohomorihi nị,

Odeyi 1:3

Ị́rẹma isu anị, ộ vana sị ẹngụ zụ̀ ezirẹma anị ụmẹ ọrụrụ-ọrụrụ, ọ mẹ̀ ha hụụnị isu. Ê re e mẹ ẹkụhị ẹbẹẹva ini oze ana ahịka ọza ọ yị zụ jị ọọ ịrẹka ka ọ yàra. Ộ kà a yị wa ịjọva Ohomorihi mẹmẹ yà.

Odeyi 28:30

Ịpọọrụ ộ yà ịzọọ mẹ ịrayị ẹẹva ini irehi ọnọọ dọ di ee sí ụta anị. Dị aa dọ aza ene èe ve hee yi ọzọga nị.