Odeyi 28:3 - IWE ỌNỊNỊ

³ Dị Ịpọọrụ aa tọ̀ọ́ ọkụ hi ịnị ịra ọnọọ nị. Ọ mẹ̀ sị ngụra, dị ẹwụ ọnya jịnẹ hụụnị anị, dị ọ para Ịpọọrụ ụvọ bababa nị.

Odeyi 28:3 Referans Kwoze

Imatiwu 23:33

Ẹwụ nịnị ẹwụ ana rẹ vị ezi ibe, wéé ro ka wa zụ jị ọkarẹyị ẹkụra nyee nịnị?

Imatiwu 12:34

Ẹwụ nịnị ezi ibe, wẹ yị nyẹngụ kà ịrẹyị ozoza nịnị, agụvị ka ọza odivi ụ vị nịnị nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.

2 Anịkọrịntị 11:23

Ezi ahụ Ikirisiti ẹ ẹ́ẹ́ va vị nị? Mị vaa kà ụra, ẹ ma hyakụ vị ozi ahụ ozoza huna wa nị. Ẹma mẹ̀ ụkọrọ hu wa nị; ẹma rẹ nọ ịnị ẹngwa hu wa nị. Mâ dọ ịjapa huna wa, ẹmị isu rẹ jị ọ avọ eyi nyee hu nị.

Odeyi 28:4

Ánịzọọ mè re ka ẹwụ ộ gẹ Ịpọọrụ ụvọ, dị ẹyaa kà a yị ẹngụ, dị ẹ ka, “Wáá yẹ ka ọwọza ọ́nọrụ ọnọnị vị nị? Ọ sị há hụụnị òkū, ama ọkarẹyị ọ yị zẹẹ ka ọ̀ yàra.”

2 Anịkọrịntị 6:9

Aza ọrụrụ-ọrụrụ ệ yẹ yị, ama aza aa mẹ anka vị ẹ̀ yị nyị ọza ana yẹ yị nị. Ịjị ẹnyị àa na ngụ ka vị i wusu nị, ama ya yị yàra. Â sị ụya rị yị, ama ọza ọ yị wụ yị.

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Ayịsaya 59:5

Ịrẹyị ẹnịnị divi anka ajẹ ẹwụ ana a hị́ ụ̀hị̀ avọọ nị. Wàa rị ọ vị ịrẹyị, ọ̀ọ chaka dị ọ chị ibe. Ebira ẹnịnị vị ana sị mẹ anka ịta arahị avọọ.

Ayịsaya 41:24

Ẹ yị nyị ịsị wụ vị. Wẹ yị nyị ụkata ọnyọọnyị. Aza ana hẹkẹ wa vi ene du ha.

Ayịsaya 30:6

Ịrẹyị oni Ohomorihi kà ini oze uye ene hi ịnị ụnọmị éyi ụvẹtẹ yị. Ọnịtụ ẹnẹẹ ệ zi oze ịnị ụnọmị odivi ọnọọ na para hu. Idu ọnịrị ẹwụ edivi irenyi-irenyi vi ene hi ịnị ụnọmị ọnọọ. Ọnịtụ ẹnẹẹ ệ hara ogu ẹnịnị di e kune e tụra ịnyaakụmị dị ẹ kụ́ ọ aa nọ ẹkụra ịzị ẹ̀ yị nyị ọgụ ene e vee re ịzọọ nị.

Ijoovu 20:16

Ịsa aza edivi rị sị mẹẹ anka ọza o hu ẹchịpa avọọ nị. Ẹchịpa ọnọọ a wụ̀ wa anka ẹwụ ana hị́ ibe o rere mẹ ọza avọọ nị.

Emọsị 5:19

Ịhị ọnọọ vaa sị mẹẹ anka ọza òo zwe yi idu na gẹrẹ ọdụmị avọọ nị. Ô zwe na tẹ̀ ịnị eehi, dị ọ sị ụvọ tụra ugene, dị ẹ́wụ́ jị ọ ịrẹrụ nị.

Ịmaakị 16:18

Ẹ̀ẹ sị ẹwụ rị ụvọ, ẹ̀ẹ daka hú ịsa ana nyẹngụ wụ̀ ọza, ẹ yị nyị ịsị ọ vaa mẹ wa. Ẹ vaa sị ụvọọ tụra ọnịkụ nịnị, dị ẹngụ ẹnịnị nịya.”

Odeyi 28:2

Anẹkụra ịzọọ ệ ngụ ayị ayị ẹtẹẹtẹrẹ. Orihi vị ana aa zụ̀, dị ahị aa za nị. Ẹnịnị ệ kà ịra yị, di e sì yi ọzọga nị.