Odeyi 28:26 - IWE ỌNỊNỊ

²⁶ “Na kà a yị aza ẹnẹnị, ka ẹ̀ẹ sị ụtọ pe ẹtẹ pooro, ẹyị vaa wụ́ ịrẹyị. Ẹ̀ẹ daka re ẹtẹ pooro, ẹyị yẹ ịsị eyee re.

Odeyi 28:26 Referans Kwoze

Ezikẹẹrị 12:2

Ozi-ọza, ịnị akakana aza anaā kụụ hịrẹ ọza ọnị rá anị nị ọ̀. Ẹnịnị ẹẹ nyị eyi, ama é yi si re ẹtẹ, ẹnịnị ẹẹ nyị ụtọ ama ẹ́ yị sị wụ́ ịrẹyị, agụvị ka ẹnịnị vị anaā kụụ hịrẹ ọza.

Ịmaakị 4:12

agụvị ẹ̀ẹ daka re ẹtẹ pooro, asị ẹ yẹ ịsị eyee re. Ẹ̀ẹ sị ụtọ pe ẹtẹ pooro, di asị ẹ yẹ ịsị ẹyaa wụ́, agụvị asị e ro ịnẹ varẹma, dị Ohomorihi ọ̀ va na vagu wa ịnị ịvị ẹnịnị.”

Iruuku 24:45

Dị Ijeesu mẹ ayị ẹnịnị ka ẹnịnị ẹ̀ zụ yẹ Iwe Ohomorihi nị.

Iruuku 24:25

Dị Ijeesu va aa kà a yị wa ka, “Ho! Wâ vị ọnụra nịnị, oo! Wa mā hụra dọ avaba ịrẹyị ọnị ọnịsẹ nịnị kà wụ́ụ?

Iruuku 8:10

Di Ijeesu ka, “Ohomorihi ọ raà mẹ ka wa yẹ nịnị ịrẹyị ịjọva Ohomorihi oni iruvo anị nyịnẹ nịnị. Ama aza ana vọ vị ana aa wụ́ ọọ ini oze ụhịrẹyị, agụvị ẹ̀ẹ daka re ẹtẹ pooro, asị ẹ yẹ ịsị eyee re. Ẹ̀ẹ sị ụtọ pe ẹtẹ pooro, di asị ẹ wụ́.”

Ijeremaya 5:21

Ẹwụ nịnị ọnụra ẹnẹẹ yị yẹ ịrẹyị aanị ẹ̀ wụ o, waa nyị eyi nịnị ama we yi si re ẹtẹ nịnị, waa nyị ụtọ nịnị ama wẹ yị sị wụ́ ịrẹyị nịnị.

Ayịsaya 66:4

Ẹnẹyịmavara kà ọnị ộ hị́ wa, ẹnịnị è yi tụ́ ohi, ọnị ộ ka ịrẹyị, ẹnịnị ẹ̀ yị wụ́, ebira odivi ọnịrị akamawụ ẹ yaa mẹ hi ọnị nị. Agụvị avọọ, ọnị aa kụ̀ akanya tụ́ wa, odivi ọnị e yee hí angwa gẹdẹ-gẹdẹ ọnị aa kụ́ tù wa nị.

Ayịsaya 29:14

Mị rẹ va naa mẹ̀ ịsa ana ahịka ô hi wa eyi. Avọọ m mẹ̀ vaa mẹ̀ ẹ tụ̀ ẹngụ tù ẹngụ nị. Aza ana ka ẹnị ệ yẹ ịrẹyị vee re ka ọnụra ẹnị vị nị. Avaba ịrẹyọyẹ ẹnị ẹ ka ẹnị ệ nyị vị ana vaa tụ́ osusu.”

Ayịsaya 29:10

Ẹnẹyịmavara ọ raà mẹ ka waa sụ ara ụtọ nịnị. O reè gù ẹwụ nịnị ọnịsẹ eyi ka asị u kuku re ẹtẹ nịnị.

Iwe Ọhụhị Imosiisi ana aa hị́ Ọyịvatụrọda 29:4

Booro ve tu ajịnị, Ẹnẹyịmavara ẹ yị zẹ ka eyi ẹnịnị o hweyi tu ọ.

Odeyi 28:25

Ẹnịnị ê pe ẹngụ nyị ahankata. Dị Ịpọọrụ kà ịrẹyị ọnya, di e si hu aa na nị. Ịpọọrụ ka, “Ịrẹyị ọnị Ụhwẹ Ọnịnị mẹ ka Ayịsaya ọ̀ kà yị ada awụ nịnị, ộ da gẹẹ kẹnẹ.” Ọ kà,