Odeyi 27:20 - IWE ỌNỊNỊ

²⁰ Ộ mẹ ẹkụhị ọrụrụ-ọrụrụ, ye yi re ọyị, ye yi re re ụzọmị, dị ahị aa yịị tụ́ hu avọọ kẹnẹ nị. Di i kuku hụrẹ eyi ka yẹ yị zụ há nị.

Odeyi 27:20 Referans Kwoze

Imatiwu 24:29

“Ịjị ụmẹ ụyọrị ẹnẹnị ọ̀ọ ta kẹnẹ, ọyị vee hozi, ụhwẹ ọ yị kụkụ vaa vwẹtẹ, dị ụzọmị nịnị jị hụụnị ihinẹba, dị ụkata ẹbẹẹba re henyi.

1 Anịtẹsaronika 4:13

Ẹwụ nịnị ẹyịnyara amị, yee sì ka wa yẹ nịnị ini oze ịsa ene vee tù aza ene wusu, agụvị asị u ne du ayị nịnị anka aza ẹnẹ ẹ̀yị nyị ọyịtureyi.

Anẹhwẹsọsị 2:12

Ịnị ụmẹ ọnọọ, ẹ yị nyị ịsị ẹ vịdị kụ́ ẹwụrị Ikirisiti gẹ nịnị. Wê noze rịrị aza oni Ohomorihi nyị nịnị. Wẹ yị rẹ nyị tụ́ ịnị oto oni Ohomorihi wo yị aza anị, ọnịrị ịsa ọnị ọ kà a ka ẹ yị zụ nyị ka ọnị ọyị vaa mẹẹ yị wa. Ẹ yị nyị ịsị ụ waa tụra eyi anị nịnị; wẹ yị rẹ nyị Ohomorihi tụ́ ịnị ẹhẹ nịnị ịnị ụmẹ ọnọọ.

Ezikẹẹrị 37:11

Ezikẹẹrị ka Ohomorihi ộ kà a yị ọnị ka, ozi-ọza, Anisirẹrị nịnị vị ana sị mẹẹ anka ẹchụkụ ẹnẹnị. Ẹnịnị ka ẹnị ẹ sị wụ, ẹnị ẹ́ yị kụkụ nyị ọyịtureyi ụhwọọ.

Ijeremaya 2:25

Ọ kà, ẹwụ nịnị Anisirẹrị, sị ẹ vẹ dị wẹ yị dọ ka waa va hụụnị ori ọnị wa dụụ zị dị ụ ta mẹ sẹkẹ-sẹkẹ nịnị aanị? Ama ẹwụ nịnị ka, asị mị du irenu amị ha, agụvị ka vị ụ nyayịnẹ sì ịrẹyị ori ẹnẹnị nịnị nị. Ori ẹnẹnị vị ịsị ọzọga yị ụ nịnị. Ama ụ ka wẹ yị kụkụ zụ hụrẹ wa ụvọ nịnị.

Ayịsaya 57:10

Ộ ta chi wu nịnị ẹngụ u mee sì orii zị nịnị, ama wẹ yị kà a ka ọ sị wụ nịnị tụ́. Wê ro ka ori ẹhịmị awụ nịnị ẹnẹnị aa sị ụkataa wụ nịnị, agụvị avọọ ẹ́ẹ́ yị ngụ wụ nịnị ẹngụ nị.

2 Anịkọrịntị 11:25

Aniroomi ê tụ́ mi tù ụpẹ ẹẹta, dị ẹ kụ̀ mị ịrẹta ụpẹ ọnya nị. Ụpẹ ẹẹta mị yà ịnị ẹpa ana và hi enyi nị. Mâ mẹ ọọdụ ọnịrị ịrahụ ọyịvụrụ ọnya ini òkū.

Ijona 1:4

Ama dị Ẹnẹyịmavara tụ́ ahị ọbanyị ọnya aanị vara gẹrị wa nị. Dị opomi ọnọọ aa và irehuu zi ọ maa tụ́ ahị kukuku nị. Ịjị ahị ọnọọ ta jị odo, dị ẹpa ẹnịnị ee si ọyị che ẹẹva nị.

Ahẹ Ụgama 105:28

Ohomorihi ộ mẹ̀ ka etohozi ò chi kú ẹtẹ ẹnịnị, ẹnịnị ẹ yị zụ họ̀ ọ use.

Odeyi 27:19

Ịhyẹgwẹta ọnọọ, dị ẹyaa sị ụvọ ẹnịnịị kụ́ ẹnya ụkọrọ ẹpaa vàa hi enyi nị.

Odeyi 27:21

Ô kù pooro, aza ẹnẹẹ ẹyị rị ịsa. Dị Ịpọọrụ kwẹẹtẹ vẹ ọvịdị ẹnịnị, dị ọ ka, “Ẹwụ nịnị ẹyịnyara amị, wàa yaanị wụ́ ịrẹyị amị nịnị, dị yẹ̀ yị yaanị hụrẹ Ikirete nị, ẹnya ayị ẹnẹnị ẹ yị yaanị mẹ ịhị.