Odeyi 26:24 - IWE ỌNỊNỊ

²⁴ Ị́pọọrụ mẹ̀ maanị aa kụ́ irenu anị, dị Ịhwẹsịtọsị nowu dị ọ ka, “Ịpọọrụ, u wee che uvu nị! Iwe ahaahara ọnị ụ kà, aa tụ́ wụ uvu aanị!”

Odeyi 26:24 Referans Kwoze

1 Anịkọrịntị 1:23

Ama ẹyị vị ana aa kịị kà enube ọyịza Ijeesu ana a kanyị za ọchị apavahị kẹnẹ. Enube ọyịza ọnọọ vị ana aa mẹ ka Aniju nịnị ẹ̀ và ịrẹma kà a. Ọ rẹ mẹ ka Anigiriki nịnị è ree ka ụra kẹnẹ-kẹnẹ ọ vị nị.

2 Anịkọrịntị 5:13

Yàa daka ee che uvu, yee che e yi Ohomorihi. Yàa va yẹ ịrẹyị, yâ yẹ ẹ agụvị awụ nịnị.

1 Anịkọrịntị 4:10

Agụvị Ikirisiti, ya sị vị ọnụra. Ama ẹwụ nịnị ọnị ọnịrị Ikirisiti sị vị ọnya, wáa sị ẹngụ awụ nịnị vara ọyẹrẹyị. Ẹyị ẹ yị nyị ụkata, ama ẹwụ nịnị ọ́ọ nyị ụkata. Áa sị ụbanyị yị ẹwụ nịnị, ama ẹyị vị ana aa sị eyii wụ.

Ịmaakị 3:21

Ịjị aza anị Ijeesu maanị wụ́, dị ẹ na ka ẹnị ẹ̀ na sị ọọ hụụ ịzọọ nị, agụvị ka vị aza kà a ka vi ee che uvu nị.

Odeyi 26:11

Ụmẹ ọrụrụ-ọrụrụ mị sị sị ụya rị wa ịnị avaba irehi Ohomorihi nị, dị maa sị ụkata za wa ka ẹ̀ẹ kà ịrẹyị odivii hi Ijeesu nị. Ayị ẹnịnị ộ kụ́ mị pooro ne tù ka mâ tụra wa nọ ẹkụra ọsa ka ma na sị ụya rị wa.”

Ijeremaya 29:26

Ẹnẹyịmavara ọ sị ọ dọ ọnọrụ ana aā hi Ijehoyada ịrẹsụ ka ọ̀ vị ohirẹsụ irehi Ohomorihi nị, dị a hịka ọnị ọ kụkụ vị ohirẹsụ avaba anụkọrọ irehi Ohomorihi booro aanị. Ụ ka ọnị ọ vị ụkọrọ anị ka avaba ọnụra anaa mẹ apẹ ka vị ẹnị aa kà ịsẹ nị. Ọ̀ tụ wa ịchẹkẹchẹkẹ dị ọ sị enyusẹ kara wa ọrọkọ nị.

2 Ohinọyị 9:11

Ịjị Ijehu varẹma ne tu ogu anị, dị ẹnịnị họ̀ ọ use ka, á vị ẹ̀ yị nyị ịrẹyị? Sị onuvu ọnọọ ee si wu aà mẹ? Dị Ijehu tu wa ohi ka: Vị́ ụ wàaa yẹ ịsị e si nịnị nị.

Odeyi 17:32

Ẹ mẹ̀ wụ́ ka Ịpọọrụ ộ kà ịrẹyị ka aa ha ọzaa hụụnị isu, aza ẹnyị aa kụ́ ọọ isiya. Dị aza ẹnyị ka, “Yee sì ka ye re tenyi ịrẹyị ọnọọ wụ́ ịhị ọsa.”

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Odeyi 24:25

Ịjị Ịpọọrụ aa kà ịrẹyị ka â vọrọ ka ọza ọ̀ọ mẹ ịzẹyịza, dị ọ̀ sị ụvọ za ẹngụ anị, dị ọ rẹ ka ẹkụhị ọkarẹyị aa vẹ, angwa ee hí Ịhwẹrịsị. Dị ọ ka Ịpọọrụ ọ̀ọ na da, ka ọnị rẹ vanaa tụ́ hị́ ọọ, ịhị oni òo re oze nị.

Odeyi 22:1

“Ẹwụ nịnị aza ana gụ, anda ayị nịnị ọnịrị ada ayị nịnị, batọ nịnị, m màa kụ́ irenu amị aanị!”

Ịjọọnụ 8:52

Dị Aniju nịnị tụ́ ọọ ohi, dị ẹ ka, “Ya sị yẹ ka wâ nyị ụhwẹ echu. Abụrahamị ô wusu, ọnịsẹ nịnị ẹnị e re wusu; dị ẹwụ kụkụ va ka ọza ana àa sị ụvọ za ịrẹyị awụ, oyi kuku vee sú paa!

Ịjọọnụ 8:48

Dị Aniju nịnị tụ́ Ijeesu ohi, dị ẹ ka, “Aanịka yẹ yị vịdị yị kà a ka Anịsamarịya ụ vị nị, ka wâ nyị ụhwẹ echu?”

Ịjọọnụ 7:15

O si hí wa irenu, dị ẹ ka, “Ọ́nọrụ ọnọnị mẹmẹ maanị yẹ ịsa, ịrẹma ọnọ ọ̀ yị kọsẹ iwe da?”

Odeyi 24:27

Ị́rayị ẹẹva mẹ̀ sị mẹ para hu, dị Ịpọkịyọsị Ịhwẹsịtọsị dọ Ịhwẹrịsị ịrẹsụ nị. Ịhwẹrịsị ô sì ka ọnị ọ̀ mẹ ịsị Aniju nịnị sì, agụvị avọọ dị ọ navọ Ịpọọrụ tụ́ ịnị ẹngwa nị.

2 Itimoti 3:15

Wa rẹ yẹ ka, ụ mẹ̀ hụrẹ vị ozweyi, ụ hụrẹ yẹ Iwe Ohomorihi nị. Ọ zụ mẹ ka wa yẹ ịrẹyị, ana vaa mẹ ka wa sị ayị tụra Ijeesu Ikirisiti, dị ọ̀ dọ wụ há.