Odeyi 26:1 - IWE ỌNỊNỊ

¹ Dị Agiripa kà a yị Ịpọọrụ ka, “Wê re oze kụ́ irenu awụ booro aanị.” Dị Ịpọọrụ mi ụvọ, dị aa kụ́ irenu anị nị. Dị ọ ka:

Odeyi 26:1 Referans Kwoze

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Odeyi 26:2

“Agiripa ohinọyị, ịnẹ amị ô hine ka mê re oze kà irenu amị ajịnị ini oze avaba ịrẹyị ana Aniju nịnị sị za mị aanị.

Ịjọọnụ 7:51

“Wáá yẹ ka ọda ayị ọ yị zẹẹ ka à jị ịvị yị ọza, ẹ̀ yị vị a zẹẹ ka ọ̀ kụ́ irenu anị, dị à yẹ ịsị ọ mẹ?”

Ụhịrẹyị 1:24

Irezi ẹnịnị ẹ mā wụ eesi-eesi. Ẹnịnị ẹ yị ma wụ́ ịrẹyị ọza.

Aniroomi 10:21

Ama ini oze Anisirẹrị nịnị Ohomorihi ọ va kà a ka, “Eyinị-eyinị maa sịị tana ụvọ ka ma sị sị anakamawụ ẹnẹnị, anaā và mị ị̀karenu aanị nị.”

Odeyi 25:16

Dị mị kà a yị wa ka Aniroomi ọ mā kà a ka à na wụ̀ ọza ana àa za, ẹ̀ yị vị ọnịrị ọza ana zaa maanị ee re ẹngụ eyi gẹrị eyi, dị ẹ̀ kụ́ ịrẹka. Ịjọnọọ di ò re oze kụ́ irenu anị ini oze ịrẹyị ana àa ka ộ mẹ̀.

Odeyi 22:1

“Ẹwụ nịnị aza ana gụ, anda ayị nịnị ọnịrị ada ayị nịnị, batọ nịnị, m màa kụ́ irenu amị aanị!”

Ụhịrẹyị 18:17

Ọza anaa vịdị kụ ịrẹka ịnị ikootu vị enee rò o ka ọnị ọ rị ịhị nị, ẹ yị vị ịjị ọnịrẹyị anị òo nyima àa họ̀ use ịrẹyị.

Ụhịrẹyị 18:13

Jẹẹ wa wụ ịzẹyịza ịrẹyị da, dị we vee tụ́ ohi, ẹ yị vavọọ ụ va sị ụra mẹ dị ọ vị ụhị yị wụ.

Ezikẹẹrị 16:27

Ọ kà, ọnị o ree tenyi ẹngụ ọ̀ yị sị ụya rị wụ nịnị booro aanị, ọnị vaa dọ wụ ize ọnị ọnị vịdị mẹ yị wụ nịnị. Ọnị ọ raa hụrẹ wụ nịnị ụvọ yị Anihwirisiti nịnị. Ẹnịnị é yị sì ịrẹyị awụ nịnị, dị ebira kẹnẹ-kẹnẹ ọnị waa mẹ nịnị aa nyị wa ịhyẹrẹ nị.

Ahẹ Ụgama 119:46

Mị vaa kà ọda ọnị ụ mẹ yi ohinọyị nịnị dị ụhị ọ yị nyị mị.

Odeyi 25:27

Me yi ro ka â nyị ịrẹyọyẹ ịnị anị, màa sị ọza anaa za tụ́ ịnị ẹngwa tụ́ nọ Iroomi, dị mẹ̀ yị chẹrẹ ịsa anaa ka ộ mẹ̀ saasaa nị.”