Odeyi 25:6 - IWE ỌNỊNỊ

⁶ Ịhwẹsịtọsị ộ vana mẹ ẹhụụ ẹkụhị ẹẹwụ ịzọọ, di o ve chí nọ Isesariya nị. Eyinẹhẹ ọnị o tù ịzọọ, dị ọ na yaayịtẹ aha ọkarẹyị anị, dị ọ ka à sị Ịpọọrụ vẹ nị.

Odeyi 25:6 Referans Kwoze

Odeyi 25:17

Ẹ mẹ̀ vẹ kẹnẹ, me yi du ụmẹ ha. Eyinẹhẹ anị mị wụsẹ na yaayịtẹ aha ọkarẹyị amị, dị mị ka à sị ọọ vẹ nị.

Odeyi 25:10

Dị Ịpọọrụ ka, “Ini ikootu ohinọyị Aniroomi mị jẹẹ booro aanị nị, ịzẹnị a vọrọ ka à yà mẹ̀ ọkarẹyị amị nị. Ẹwụ ụvọta ộ yẹ ka ẹ yị nyị ịsa odivi ọnị mị mẹ Aniju nịnị.

Imatiwu 27:19

Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Ijemiisi 2:6

Ama ẹwụ nịnị aa sị oweyii re onosiye. Wáá tamayị ka ọzọbanyị nịnị ẹẹ̄ mẹ ehunaa wụ nịnị nị? Wáá yẹ ka ẹnị ẹ rẹẹ za wụ nịnịị nọ ikootu nị?

2 Anịkọrịntị 5:10

agụvị ka ẹ yị zụ nyị ka avaba ayị ọ yị vaa nọ ọvịdị Ikirisiti, dị ọ̀ mẹ̀ ọkarẹyị yị. Ọzọza vaa dọ ọgụ ịsa ọnị ọ mẹ, ọ mẹ̀ yà ịnị ẹhẹ ọnọnị; ọ̀ọ vị ọyịza, ọ̀ọ vị odivi.

Ịjọọnụ 19:13

Ịjị Ipayireti vavọọ wụ́ ịrẹyị ọnọọ, dị ọ sị Ijeesu jịnẹ vẹ nị. Dị ọ va yaayịtẹ aha ọkarẹyị anị nị. Aā hị́ ịzọọ “Oze ịrẹta”, ama Igabata Ániheberuū hị́ ọọ nị.

Odeyi 8:40

Di e vene re Ihwiripi ẹkụra ana aā hị́ Azotu nị. Ọ́ màa parahu, dị aa kà enube ọyịzaa yị aza ịnị avaba ẹkụra ẹnẹẹ pooro dị ọ va ngụ ẹkụra Isesariya nị.

Odeyi 25:1

Ịhyẹgwẹta oni Ịhwẹsịtọsị vẹ ịnị ẹtẹ ọnọọ, dị ọ hụrẹ Isesariya, dị ọ hịrẹ nọ Ijerusarẹmị nị.

Odeyi 25:4

Ama dị Ịhwẹsịtọsị ka à navọ Ịpọọrụ tụ́ ịnị ẹngwa tụ́ Isesariya, ka oyi vee kù dị ọnị ọ̀ nọ ịzọọ.

Odeyi 25:5

Dị ọ rẹ ka, “Navọ aza oni u wèe sì nịnị ẹ̀ saasa mị chí na, dị ẹ̀ va sị ịrẹyị ọnọrụ ọnọọ tụ́ ịrẹka, àa nyị ịsa odivi ọnọọ mẹ.”