Odeyi 24:5 - IWE ỌNỊNỊ

⁵ Ya sị yẹ ka enezigi ọ́nọrụ odivi ọnọnị vị nị. Aa mẹ ka avaba Aniju nịnị avaba ẹhẹ ệ mẹ ẹvazi. Ọnị ọ vị ọdọvịdị ogu Anịnazarẹtị nịnị nị.

Odeyi 24:5 Referans Kwoze

Odeyi 28:22

Ama ẹnị yaanị sì ka ya wụ́ ịsị Ịpọọrụ ro, agụvị ka ẹnị ẹ́ yẹ ka avaba aha aza yà aa kà ịrẹyị odivii hi ogu ọnọnị nị.”

Odeyi 24:14

Mâ dọ ka hịịn, maa hẹkẹ Ohomorihi ada ayị nịnị ini oze Ikirisiti ẹnẹ ẹnị ka ọyị vọrọ. Mâ dọ avaba ịsa anaa chẹrẹ tụ́ ịnị ọda wụ́ beri ịrẹyị ọnị ọnịsẹ nịnị rẹ chẹrẹ tịtẹ.

Odeyi 26:5

Ẹ̀ẹ ka ẹnị aa dọ ivenu, ệ yẹ ka hụrẹ ụmọrụmọ mị hụrẹ sị ụvọ za ahẹkẹ ayị ẹtẹẹtẹrẹ nị. Ogu Anihwarisi mị hyakụ vị nị.

Odeyi 15:5

Ama dị aza ẹnyị ini ogu Anihwarisi nịnị ana va dọ wụ́ kwẹẹtẹ, dị ẹ ka, “Â nyị ka à jị wa ụvẹvẹnẹ, di è re hú wa ụvọ ka è sị eyi pe ọda Imosiisi!”

1 Anịkọrịntị 4:13

Aza èee du yi ịrẹsụ, dị ẹyị aa kà ịrẹyị ọyịzaa hi wa. Anẹhẹ vị ana aa mẹ yị anka ịsa ini itutu avọọ. Vi ve tù ajịnị, vị aza ee yii re yi anka ịhyẹrẹ kẹnẹ avọọ nị.

Odeyi 21:28

Di e nowu ka, “Ẹwụ nịnị Anisirẹrị, gụ yị ụvọ! Ọnọrụ ana aa ngụ ọọ zị yị, dị aa kà ịrẹyị odivi Anisirẹrị ọnịrị ọda Imosiisi beri irehi ọnịnị ọnọnịị yị avaba aza nị. Wee re, ọ mẹ̀ hyakụ kụ́ Anigiriki vẹ ịzẹnị ka è ve du irehi Ohomorihi ẹngụ!”

Odeyi 5:17

Dị ohirẹsụ ọbanyị irehi Ohomorihi kwẹẹtẹ beri avaba aza ana yà beri ọ ana yà ini ogu Anisadusi nịnị, dị ẹyaa kụ̀ ụhị nị.

Iruuku 23:2

Dị ẹyaa sị ịrẹyị anịị tụ́ ịrẹka nị ka, “Yâ za ọnọrụ ọnọnị ka ee du ẹkụra ayị; ọ ka asị ẹ rẹ̀ tụ́ ẹkẹhị irehi yị ohinọyị Aniroomi. Ọ rẹ ka ọnị ọ vị Ikirisiti ana vị ohinọyị nị.”

1Ipita 2:19

Ọza aa rị ụya ọọhẹ, dị ọ hụ agụvị Ohomorihi dị ọ sị ẹngụ dọ ụya ọnọọ nị, ọza ọnọọ aa mẹ ịrẹyị ozoza nị.

1 Anịkọrịntị 11:19

 nyị ka ẹhahi ọ̀ yà ịnị akakana awụ nịnị. Ọ̀ yị vavọọ yà, ọza ẹ yị va zụụ yẹ ẹngụ aza ana vị ọdọwụ obooro ịnị ẹngụ awụ nịnị.

Odeyi 22:22

Aza ẹnẹẹ ệ sị ụtọ pe ịrẹyị Ịpọọrụ pooro dị ọ va kà ọsọnị. Ọ mẹ̀ sị ọsọnị kà kẹnẹ, di e nowu zẹtẹ, dị ẹ ka, “Wụsẹ sị ọọ kwooze! À wụ ọọ, ka ẹ yị vọrọ ka ẹngụ ọza ọnọnị ọ̀ ra ẹ́hẹ!”

Odeyi 6:13

Dị ẹ hị́ onivenu ireche vẹ, ana kà a ka, “Ọnọrụ ọnọnị vị ana aa mẹ akanya ịrẹyị odivi ọyịkà a hi irehi Ohomorihi, dị ọ raa kà ịrẹyị odivii hi ọda oni Imosiisi mẹ nị.

Iruuku 23:25

Dị ọ hụrẹ ụvọ ọza ana a za tụ́ ịnị ẹngwa agụvị ịrẹkụ ana chị dị a wụ̀ ọza nị. Ọza ọnọọ ẹ́nịnị sì nị. Dị ọ sị Ijeesu chire wa ụvọ ka ẹ̀ mẹ̀ ẹ, anka e mè sì ọọ nị.

Iruuku 23:19

Ibaraba ọnọọ vị ana a za tụ́ ịnị ẹngwa agụvị ịrẹkụ ana chị tụ́ ịnị ẹkụra, dị a wụ̀ ọza ịnị anị.

Iruuku 23:5

Dị aza ẹnẹẹ sị kà geri-geri, dị ẹ ka, “Aa tụ́ aza ịrẹyị, ọ màa zụ̀ avaba Aniju nịnị ịsa; ô nyima hụrẹ Igariri huuu va ngụ ịzẹnị.”

Imatiwu 10:25

Ọza ana aa kọsẹ ịsa ọ̀ọ sị yà anka ọga anị, ô ze; ozi ahụ ọ̀ọ rẹ sị yà anka ọga anị, o re ze. Àa na aa hị́ adarehi ‘ohirẹsụ ụhwẹ echu’, yẹ ka ịrẹha ene divi hu avọọ a vaa hị́ anineehi anị nị.”

Imatiwu 2:23

Dị ọ na yà ịnị ẹkụra ọnya ana aā hị́ Ịnazarẹtị nị, agụvị ịsa ọnị ọnịsẹ kà, ọ̀ rẹ zụ sẹ ka, “Anịnazarẹtị á vaa hị́ ọ nị.”

Emọsị 7:10

 nyị ohirẹsụ irehi Ohomorihi ọnya aanị ana ya Ịbẹtẹrị ọnị ịrẹha anị rị Amaziya. Dị ọ na ka yi Ijerobowami ohinọyị ka Emọsị aa ka ịrẹyị ana vaa kụ́ ẹngụkata tu ọ. Ọ kà Emọsị ee si ka ọnị ọ kụ ohinọyị ọnịrị Anisirẹrị ịrẹsụ nya ẹngụ nị.

Ijeremaya 38:4

Dị ẹnị ọdọvịdị nịnị na kà a yị ohinọyị ka, vị á vọrọ ka à wụ ọnọrụ ọnọnị nọ̀. Ẹ ka, ẹngụ ịrẹyị ọnị ọnị aa kà aanị, vị ọnị ọnị aa sị mẹ ka asị isoja ana vọ tụ ịnị ẹkụra kụkụ nyị ọtụtụrụma. Ẹ ka ịsị ọnyọọnya ọnị ọnị raa yịị mẹ̀ ẹ hi aza ana vọ ọ vị ọnọọ nị. Ẹ ka, ọnị ẹ yị gụ aza ụvọ vụrụ-vụrụ; vị ọnị aa kụ ọ kata wa ẹngụ kẹnẹ nị.

Ẹsịta 3:8

Di Ịhamanị kà a yị ohinọyị ka â nyị azọga ene che hi ịnị ẹtẹ awụ ọnọnị ẹnẹ ẹ̀ yị mā và hura aza ayị mẹ ịsọnyị-ịsọnyị. Ebira ẹnịnị vị irenyi yị aza ana vọ. Ẹnịnị ẹ yị saasa ọda ọnị ohinọyị mẹ tụ́ ịnị ẹkụra. Taarụ! Me yi ro ka ộ vọrọ ka wa vavọọ re wa kẹnẹ.

Ijeremaya 37:13

Ọ kà ama ịjị ọnị tu oze ana a zịị̄ ngụ ẹtẹ Ịbẹnjamịnị kẹnẹ, â nyị isoja nịnị e nee sere ẹtẹ, ọga ẹnịnị aā hị́ Irija nị. Ozi ọnọrụ ana aā hị́ Iseremaya ọ vị nị, dị ọ vị aazị Ịhananịya nị. Ijeremaya ka ọga isoja ọnọnị ộ za ọnị jẹẹ, dị ọ ka vị ọnị ee zwe ka Anibabironi nịnị na nị.

Ịmaakị 1:24

dị ọ ka, “Navọ yị hẹẹ, sẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị; ẹwa vị Ọza Ọnịnị Ohomorihi nị.”

Odeyi 24:4

Me yi sì ka me du ụmẹ awụ ha. Aarịhịnị, nyị isuuru, dụ wa wụ́ ịrẹyị chee ọnị ị za vẹ.

Odeyi 25:7

Ịjị Ịpọọrụ vẹ, dị Aniju ana hụrẹ Ijerusarẹmị chí vẹ jẹẹ karaa nị. Ẹ ka Ịpọọrụ ộ mẹ̀ ịsa edivi-edivi irenyi-renyi. Ama ẹnịnị ẹ yị zụ sị zụ̀ ka ịzẹyịza ẹ́nị aa kà nị.