Odeyi 23:24 - IWE ỌNỊNỊ

²⁴ Kụ́ umaata yị Ịpọọrụ dị ọ̀ tụraa, asị ụ zẹẹ ka à nyị ịsị ẹ kanyị ọọ nịnị, dụ wa sị ọọ na yị Ịhwẹrịsị ịgọvọnọ!”

Odeyi 23:24 Referans Kwoze

Odeyi 25:14

Ẹ mẹ̀ yà ịzọọ mẹ ẹkụhị chee, di Ịhwẹsịtọsị kà ịrẹyị Ịpọọrụ zụ̀ ohinọyị ọnọọ nị. Dị ọ ka, “Â nyị ọnọrụ ọnya oni Ịhwẹrịsị navọ tụ́ ịnị ẹngwa.

Odeyi 24:10

Di ịgọvọnọ mi Ịpọọrụ ụvọ ka ọ̀ kụ́ irenu anị nị. Dị Ịpọọrụ ka, “Mâ yẹ ka o si kù ọnị ụ hụrẹ vị ọmọkarẹyị tụ́ ịnị ẹkụra ọnọnị. Ịnẹ amị ô hine ka ma kà irenu amị zụ̀ wụ.

Odeyi 23:26

“Ẹma vị Ikirawudiyọsị Irisiya nị. Maa chẹrẹ iwe ọnọnịị tụ́ hi ẹwụ Ịhwẹrịsị ana vị ịgọvọnọ. Taarụ! Wáá dahi?

Odeyi 23:33

E mè tù Isesariya, dị ẹ sị iwe ọnọọ yị ịgọvọnọ ọnọọ, dị ẹ rẹ sị Ịpọọrụ chiree ụvọ nị.

Iruuku 10:34

Di o ne tù ọọ, dị ọ ká angwẹ ọnịrị eche hi ịnị ụnava anị, dị ọ sị ịta sụ́ ọọ yọ nị. Ịjị ọ vavọọ sị ọọ mẹ, dị ọ sị ọọ tụra uye ọnị ọnị vịdị tụra, dị ọ sị ọọ nọ ini eehi ọnị ọzọgaā chí, di aa tẹsị anị nị.

Iruuku 3:1

Ọ sị gụ ịrayị ẹwụrẹhị oni Itiberịyọsị sị rị ohinọyị Iroomi. Ịpọntụsị Ipayireti ọ vị ịgọvọnọ tụ́ Ijudiya nị. Dị Ịhẹrọdị ọnị vị ọnọba tụ́ Igariri nị, di Ihwiripi ẹnẹbẹnị anị ọnị rẹ vị ọnọba tụ́ Ituriya ọnịrị Itirakoniti nị. Dị Irisaniyasi ọnị rẹ vị ọnọba tụ́ Abirene nị.

Imatiwu 27:2

Ệ sụ́ Ijeesu orupa, dị ẹ và a tụ́ ọvịdị, dị ẹ sị ọọ na yị Ipayireti ana vị ịgọvọnọ ịzọọ nị.

Ẹsịta 8:12

Ẹkụhị ana a sị yị Aniju nịnị ka ẹ̀ sị mẹ̀ ịsa ọnọnị vị ẹkụhị ẹwụrẹta ịnị ụhwẹ ẹwụrẹva ịrayị. Ụhwẹ ọnọọ aā hị́ Ada nị.

Inehemaya 2:12

agẹvịrahụ anị ộ kwẹẹtẹ, dị ọ kụ anọrụ chee beri ẹngụ, dị ẹ yị nyị ọza ọnị ọ kà zụ ịsị Ohomorihi sị tụ ọ ayị ka ọ mẹ Ijerusarẹmị nị. Dị ahịka ịkẹrịkẹtẹ ikonya ọnị ọ tụra kẹnẹ ọ sị nị.

Odeyi 23:25

Dị ọ maanị chẹrẹ iwe ka:

Odeyi 24:1

Ịrẹma ẹkụhị ẹẹhị kwooze, di ohirẹsụ ọbanyị irehi Ohomorihi ana aā hị́ Ananịya chí nọ Isesariya nị. Ọnịrị azọkụ nịnị beri ọza ịnya ana yẹ eyi ịrẹka ọyịkụ ana aā hị́ Iteturọsị ẹ zị na nị. Ịjị e tù ịda ịgọvọnọ ọnọọ, dị ẹ kà a yọ ịrẹyị ẹnẹẹ sị za Ịpọọrụ nị.

Odeyi 24:3

Ịnị ayị ô hine tụ́ ịnị avaba ịsa ẹnẹnị ẹtẹẹtẹrẹ. Taarụ! Yâ kụ́ wụ avọ ẹtẹẹtẹrẹ.