Odeyi 23:15 - IWE ỌNỊNỊ

¹⁵ Agụvị avọọ ẹwụ nịnị beri anikootu ọ̀ tụ́ hi ọga ọbanyị ọnọọ ka ọ̀ sị Ịpọọrụ va wụ nịnị, dị ọ̀ sị mẹẹ ka u wee sì ka we sì iruvo ịrẹyị anị ẹtẹẹtẹrẹ nịnị nị. Ẹ yị vee tenyi ẹngụ, di ye re ka yaa wụ ọọ, di ò ve tù ịzẹnị.”

Odeyi 23:15 Referans Kwoze

Ayịsaya 59:7

Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha.

Ụhịrẹyị 1:16

Ẹngụ vị anaā hụ ọyị mẹ̀ ebira odivi. Eyiha-eyiha ẹẹ̄ sị dọ ọza ụhwẹ nị.

Odeyi 22:30

Ọga ọbanyị ọnọọ ee sì ka ọnị ọ̀ yẹ ịsị Aniju nịnị ka Ịpọọrụ ộ mẹ̀. Eyinẹhẹ anị, dị ọ ka à ngwara Ịpọọrụ nị. Dị ọ ka ohirẹsụ ẹbanyị irehi Ohomorihi ọnịrị avaba anikootu ẹ̀ va gẹ nị. Dị ọ sị Ịpọọrụ chí va jẹẹ ọvịdị ẹnịnị nị.

Ụhịrẹyị 4:16

Aza ọhịmị ẹ mā zụ sụ ara ẹ vị ẹ mẹ̀ ịsa odivi. Ẹnịnị vị anaā jị areyi agụvị dị ẹ kụ odivi tu ọza.

Ahẹ Ụgama 21:11

Ẹnịnị vaa gẹ eyi, di e yee sì oze ka ẹnị ẹ̀ mẹ wụ́ ịrẹyị odivi ama ẹnịnị ẹ yị va zụụ mẹ̀ ẹ.

Odeyi 25:3

ka ọ̀ mẹ̀ ịsa ọnya yị ẹnị nị. Ẹ ka ọ̀ tụ́ Ịpọọrụ óze.

Ịjọọnụ 18:12

Di isoja nịnị ẹnẹẹ beri ọga ẹnịnị ọnịrị iporisi Aniju nịnị za Ijeesu, dị ẹ sụ́ ọọ nị.

Odeyi 23:1

Dị Ịpọọrụ và eyi ká anikootu, dị ọ ka, “Ẹwụ nịnị anda ayị, mâ yẹ ka ẹ yị nyị ịsị mị mẹ anaa vọrọ ka ọ̀ jị ịvị yị ayị amị ọ́vịdị Ohomorihi pooro ve tù ajịnị.”

Odeyi 23:6

Ịjị Ịpọọrụ re ka ẹnyị ini anikootu ẹnẹẹ vị Anisadusi, dị ẹnyị rẹ vị Anihwarisi nịnị, di o nowu ini ikootu, dị ọ ka, “Ẹwụ nịnị ẹyịnyara amị, Anihwarisi mị vị nị. Ada amị rẹ vị Anihwarisi. Mâ tụra eyi ka oku nịnị vaa haa hụụnị isu. Agụvị avọọ a za mị vẹ ịzẹnị aanị nị.”

2 Ịsamụwẹrị 13:5

Di Ijonadabị va kà a yọ dị ọ ka, “Ma apẹ ka ẹngụ aa zị wụ, dị ụ wà na hụtụ aha ọyịsụ. Ịjị ada awụ òo ve heeyi wụ, kà a yọ ka ọ̀ navọ dị Ịtama adẹnyara awụ ọ̀ va mẹ̀ ịsa yị wụ. Wee si ka ọ mẹ̀ ịsa ọnọọ eyi awụ ịzẹnị, dị ọ yọ ọ yị wụ.”